عرض للطباعة
ياريت حد يقولي المقاس الاصلي لكاوتش النسر للعربية النصر 127 لاني اشتريت فردة كاويتش gt ركبتها ورا بدل فردة كاويتش نسر تالفة .... والفردة التانية ورا نسر .... مقاس الفردة الgt 135/80/13 وده المقاس الوحيد للعربية ال127 في السوق .... اللي مخوفني اني حاسس ان الفردة النسر اعلي شوية من الفردة الgt وخايف الموضوع ده ياثر علي العفشة في حاجة ....
فياريت حد يطمني ويقولي علي مقاس الكاويتش النسر بطريقة كاملة ...
مقاس الكاوتش بتاع 127 135-R13 SR و sr ترمز الى ستاندرد يعني 85 و بالفعل انت كده عندك ورا فرده اعلى من فرده و ده حيخلي العربية تحدف خفيف و انت ماشي فى الطوالى وحيخلى العربية تعوم منك لو فرملت فرملة جامدة لأن الفرامل الخلفية على العجلتين متساوية في حين ان اختلاف ارتفاع الكاوتش بيعمل فرق فى سرعة الفرملة
بحيث ان الفردة المنخفضة حتقفش مع الفرامل اسرع من الفردة العالية و ممكن تصوت في الأسفلت و تعلم في الأسفلت
و الفردة العالية حتفرمل مع الدوسة الجامدة للفرامل بدون ما تصوت و حتبقى ملتصقة بالأرض اكثر.
اما من ناحية العفشة ف اللي حضرتك عامله ده غلط على ورقة السوستة الخلفية المستعرضة و ممكن يؤدي لأن تكون العربية مائلة في جنب اكثر من الأخر و ده حيفرق معاك فى المطبات عن طريق انك حتلاقى ديل العربية بيتنطنط وبيحدف خلفية العربية في المطبات وفي الأخر حتبقى ورقة السوستة فيها نصف ايمن اجمد من نصف ايسر مثلا و السوستة حتبقى نصفها مرخخي و نصفها الأخر جامد
فالأحسن دائما انك تحط الفردتين الأماميتين او الخلفيتين توأم لبعض
السلام عليكم كنت عايز اعرف
أيه افضل مقاس لل127 نصر بحيث العربية تبقي فيها ثبات اكتر لان انا العربية بحس انها خفيفة الي حد ما علي السرعات