ركبت جهاز انذار و وحدات رفع زجاج مع صيانة ال 1000

السلام عليكم ورحمة الله وبركاته
انا النهارده رحت اعمل صيانة ال 1000 فى الاتحاد الوطنى بطنطا و هو مركز متواضع لنيسان لا ينقصه سوى جهاز الترصيص و ضبط الزوايا !!! قمت بتغيير الزيت واخترت موبيل 1 ( بيحطوا 3 لتر مع غيار الفلتر ) و ده سعره عندهم 220 جنيه و غيرت فلتر الزيت (50 جنيه ) و قاموا بتربيط العفشه و التشييك على السياره و طبعا مصنعية ال1000 مجانيه فكانت التكاليف 270 + 10 % ضريبة مبيعات ليصبح الاجمالى 297جنيه فقط

نيجى بقى لموضوعنا


اولا اشتريت جهاز الانذار نوع spy ب 155 جنيه + وحدة سنتر ب 20 جنيه و وحدات الرفع 2 وحده (كل وحده 2 باب ) 2×40 =80 جنيه يعنى التكلفه 255 جنيه فقط و دى صورهم


http://s1.postimage.org/iLzZ9.jpg


http://s1.postimage.org/iMrRi.jpg



http://s4.postimage.org/IVUa9.jpg

http://s4.postimage.org/IVFci.jpg

و طبعا انا قلتلكم ان مركز الصيانه قاللى هات اللى انت عايزه و احنا نركبه كله بحسابه.
المهم بعد ما عملو الصيانه بدأوا يركبو الانذار ووحدات الرفع و اللذيذ ان الانذار الاصلى سيظل كما هو بدون تغيير اذا احتجتله و الانذار الجديد كل يعمل لوحده و طبعا اكيد هستخدم الجديد لوحده بس.


و لما بقوم بعمل غلق للسيارة بالمفتاح او بالانذار الجديد يغلق الزجاج اوتوماتيكيا ( دا حتى اذا كنت جوه العربيه و المفتاح بره الكونتاك و قفلت المسوجر الرئيسى يغلق الزجاج ايضا بدون مفتاح او ريموت او انذار)


الانذار به زرار لفتح الشنطه بس لا يقوم بفتح الشنطه الا و السياره مفتوحه يعنى غير مسوجره (أى تكون غير مؤمنه بالانذار)


وكانت المصنعيه 100 جنيه لوحدات الرفع + 150 الانذار +13 شيكرتون و مسامير +26 ضريبة مبيعات اى الاجمالى 289 جنيه يعنى اغلى من تمنهم

و فى النهايه ادولى وصل به بيان ماتم من تركيبات


و جبتلكم مفاجأه من هناك و هى جدول الصيانات و المصنعيات

http://s3.postimage.org/1LtS0.jpg


http://s4.postimage.org/IJiYJ.jpg
و تقريبا حسبت مصنعيات العربيه لغاية 100,000 طلع تقريبا 2500 جنيه فقط مصنعيه بخلاف قطع الغيار.
و اتمنى ان اكون قد افدتكم

السلام عليكم,

شكرا جزيلا للجداول. أضافة قيمة للمنتدي.
وعقبال مليون كم ان شاء الله.

بالنسية الي وحدة الرفع الزجاج كلة بيطلع مرة وحدة
ولا وحدة وحدة

الف مبروك يا دكتور وعقبال صيانة المليون إن شاء الله بس كنت عايز أعرف إيه فايدة تركيب جهاز إنذار تاني بجانب الجهاز الأصلي

اقتباس:

---

المشاركة الأصلية كتبت بواسطة atefadel

بالنسية الي وحدة الرفع الزجاج كلة بيطلع مرة وحدة
ولا وحدة وحدة

---

كله مره واحده و وحدات الرفع تايوانى
اما واحد واحد دى صينى و الكهربائيه مش بيشكروا فيها

اقتباس:

---

المشاركة الأصلية كتبت بواسطة aiman0173

الف مبروك يا دكتور وعقبال صيانة المليون إن شاء الله بس كنت عايز أعرف إيه فايدة تركيب جهاز إنذار تاني بجانب الجهاز الأصلي

---

الف شكر ليك
الانذار الاصلى مفهوش
1-حساس للاهتزاز (لو حد خبط او هز او قعد يخربش السياره او حاول ياخد طاسه او علامه السياره)و دى اهم حاجات
2- مبيقفلش لوحده تانى لو فتح بالغلط(auto lock)
3- ريموت واحد فقط
4-شكله مش لطيف قوى

مبروك يا باشا

معلش يا دكتور احمد هم لما ركبوا وحدات الرفع فكوا الفرش الداخلي للأبواب ولا دي بتتركب بجوار الماتور وهل موضوع تركيبهم بياخد غلبه ووقت كتير ولا لأ وهل الناس فاهمين الموضوع ولا حسيت إن الموضوع جديد عليهم

ألف مبروك يا باشا

اقتباس:

---

المشاركة الأصلية كتبت بواسطة aiman0173

معلش يا دكتور احمد هم لما ركبوا وحدات الرفع فكوا الفرش الداخلي للأبواب ولا دي بتتركب بجوار الماتور وهل موضوع تركيبهم بياخد غلبه ووقت كتير ولا لأ وهل الناس فاهمين الموضوع ولا حسيت إن الموضوع جديد عليهم

---

فكوا فرش باب السائق فقط و تركيب وحدات الرفع لا يتعدى ساعة و الانذار ساعه برده. و الناس اللى بتشتغل فاهمه .

مبروووك على الانذار
تييييييت تييييييت تييييييت

ما معنى وحدة رفع الزجاج هو مش كهربا

اقتباس:

---

المشاركة الأصلية كتبت بواسطة doctorbadran

ما معنى وحدة رفع الزجاج هو مش كهربا

---

وحدة الرفع فائدتها إنها بترفع الزجاج عند إقفال السيارة بالريموت بمعنى لو حضرتك نزلت من السيارة وكانت بعض/كل الشبابيك مفتوحة فعند إقفال السيارة بالريموت سيرتفع الزجاج ويقفل هو الاخر اتوماتيكيا وطبعا دي فايدتها بتبان لو انت كنت ناسي بعض الشبابيك مفتوحة أرجو ان تكون المعلومة وصلت

شكرا بس بلاش تريقة:verygood:

اقتباس:

---

المشاركة الأصلية كتبت بواسطة doctorbadran

شكرا بس بلاش تريقة:verygood:

---

لا والله مقصدش حاجة ، بس انا كنت خايف اكون مش قادر أشرح المعلومة

الف مبروك لصيانة 1000 و لتركيب الانذار و رافع الزجاج ربنا يباركلك فيها :Ta_clap[1]: