الموضوع: نغير الطمبورة وتيل الفرامل كل اد ايه

المشاركة الأصلية كتبت بواسطة mahdyez

نغير الطمبورة وتيل الفرامل كل اد ايه

من رأيي مفيش مقياس زمني او بالكيلو متر لتغيير الطنبوره والتيل

الموضوع عباره عن طريقه الإستخدام , يعني لو المشي بيكون هادي والفرامل هاديه يبقه التيل والطنابيرهتعيش اطول من لو مشيت بسرعات عاليه وبتستخدم الفرامل على السرعات العاليه , لان ده بياكل التيل اسرع ويبيوظ الطنابير على المدى

والطنبوره بتتغير لما يحصل فيها عالى وواطي , نتيجه خشونه التيل او سوء المعدن , واحيانا بيحصل فيها زي شفه وبتتعمل عند الخراط , لكن المهم ان سمك الطنبوره ميقلش كتير لان ده بيأثر في كفاءه الفرامل وبعدها تقدر تستخدمها تاني عادي

وبالنسبه للتيل فـ بيتغير لما كفاءه الفرامل تقل او التيل يبدأ يعمل صوت صفاره مع الإستخدام , وحسب نوع التيل تقدر تقييم مده الإستخدام , في تيل ناشف (زي الياباني) ده بيعيش اكتر لكن بياكل الطنابير , وفي تيل طري (زي الجولد) نفسه قصير شويه لكن بيحافظ على الطنابير ومش بياكل فيها

المشاركة الأصلية كتبت بواسطة mahdyez

وما الاسباب التى تودى الى حدوث شرخ فى الطمبوره

اتوقع ان نوع الطنابير يكون ردئ , زي الانواع الصيني المنتشره
وفي نوع تاني اللي فيه فتحات (او ثقوب) وده مع السخنونه بيطق , والنوع ده مش موجود في مصر على ما اظن

وأفضل نوع طنابير هي الطنابير البريمبو الألمانى وسعرها 175 جنيه
وأفضل نوع تيل ويكون حنين على الطنبوره هو الجولد وسعره 40 جنيه

المشاركة الأصلية كتبت بواسطة MMamdouh

الله ينور... بس انا حاسس ان اليابانى اطرى من الجولد... و التركى انشف حاجة فى الدنيا

MMamdouh

والله يا باشمهندس مش هكذب عليك واقولك اني جربت التيل الياباني (الكدب خيبه ) , بس انا سمعت كذا مره من ناس جربته انه ناشف شويه
لكن دلوقتي غيرت رأيي وبتفق تماماً مع حضرتك في رأيك
لأنك اكثر خبره من الناس اللي كنت بسمع منها

بص الميكانيكى على التيل والطمبورة راح قالى ان الطمبورة مشروخه وعايزة تتغير وقالى ان دة من غسيل المياة وبتتغير كل 6 شهور

المشاركة الأصلية كتبت بواسطة mahdyez

بص الميكانيكى على التيل والطمبورة راح قالى ان الطمبورة مشروخه وعايزة تتغير

لو انت شوفتها بعنيك مشروخه فعلا يبقه لازم تغيرها فورا

بس حكايه انها تتشرخ دي انا مش متخيل اسبابها !!!!!! يمكن يكون مطب جامد !! او خبطه جامده في رصيف !!
او مثلا كنت ماشي بسرعه واستخدمت الفرامل جامد والطنابير سخنت اوي , وبعدها دخلت في ميا عاليه و وصلت للطنابير وهي سخنه وبالتالي المعدن نفسه حصله تمدد فجأه وبروده مره واحد فـ جزيئات المعدن طقت من بعضها !!!!

المشاركة الأصلية كتبت بواسطة mahdyez

وقالى ان دة من غسيل المياة وبتتغير كل 6 شهور

ده التيل عندي بيقعد اكتر من 6 شهور وساعات سنه , يبقه الطنبوره كل 6 شهور !!! مش غريبه شويه

لو عايز تقول مده زمنيه للعمر الإفتراضي للطنابير , فممكن تقول عالاقل جدا 3 سنين مع الأستخدام العادي والمحافظه على جوده التيل

المفروض زى مامكتوب فى الكتالوج
الكشف على تيل الفرامل كل 5000ك
ولو محتاج يتغير يتغير
اما الطنبوره مالهاش عمر محدد للتغيير
الا اذا حصل فيها حاجه زى شرخ او كسر
او تأكل

الله ينور عليكم