ايه اللى حصل فى ماتش الزمالك دة

**MoToRiZeR** · 08-04-2010 05:27 AM

المشاركة الأصلية كتبت بواسطة terrible_darsh

و فاكرين لما كان هيضرب احمد حسن فى ماتش الاهلى ! حتى معملش له احترام ده يعتبر اكبر لاعب فى الدورى المصرى و التانى لسه ملعبش ماتشين على بعض ..

انا في اليوم ده إتخانقت مع واحد صاحبي زملكاوي بسبب الموقف ده .. كان بيقولي إيه يعني عايز يضربه الإتنين لعيبة في الملعب .. يبني كابتن منتخب بلدك إزاي تضربه!

**nabaster** · 08-04-2010 05:36 AM

المشاركة الأصلية كتبت بواسطة MoToRiZeR

انا في اليوم ده إتخانقت مع واحد صاحبي زملكاوي بسبب الموقف ده .. كان بيقولي إيه يعني عايز يضربه الإتنين لعيبة في الملعب .. يبني كابتن منتخب بلدك إزاي تضربه!

شكرا جدا يا محمود علي اهتمامك

بس كده بقيوا رسالتين ومتستناش مني اكتر من كده لاني اظن اني عملت الي عليا

بس انا عمر ما في حد اتجاهلني بالطريقه دي

A.Yakout

**aliabutaleb** · 08-04-2010 10:18 AM

المشاركة الأصلية كتبت بواسطة terrible_darsh

و فاكرين لما كان هيضرب احمد حسن فى ماتش الاهلى ! حتى معملش له احترام ده يعتبر اكبر لاعب فى الدورى المصرى و التانى لسه ملعبش ماتشين على بعض ..
..

أبوة فاكر الموقف ده
لما حسام عاشور راح قال له إنت مش عارف إنت بتكلم مين؟
على أساس إنه اللواء أحمد حسن من مباحث إتحاد الكورة
ومحتاج حسام عاشور يشتغل له محامي

بالمناسبة انا ولا عاجبني اللي عمله حازم في ماتش امبارح ولا بلطجة إبراهيم حسن اللي شايف إن آن الأوان إنه يتم إبعاده بالإكراه عن أي منصب مرتبط بالكورة أو الإعلام
ولا تمثيل لاعبي الزمالك على الحكم
ولا أداء أحمد جعفر
ولا قلة أدب القلة من جمهور الزمالك اللي كانت موجودة واللي أسأت للألتراس الزملكاوي اللي كان بيشجع باحترام
ولا عاجبني كمان أداء حكم المباراة ضعيف الشخصية والمستوى بأخطاءه اللي ارتكبها ضد الزمالك ومنها ضربات جزاء واضحة.

**aliabutaleb** · 08-04-2010 10:19 AM

المشاركة الأصلية كتبت بواسطة ams

و ياريت الادارة تقفل الموضوع و تلغى الكلام فى الكورة

انا باتفق بشدة مع الاقتراح ده

**OlaOsman** · 08-04-2010 10:30 AM

المشاركة الأصلية كتبت بواسطة terrible_darsh

مش ابراهيم حسن بس .

حازم امام كمان قليل الادب , اتطرد علشان الحكم كان هيديله كارت اصفر .

فحازم امام شد الكارت من الحكم وقعه فى الارض فالحكم طرده , و الاتحاد لازم يوقع عليه غرامة و يتوقف كمان .

و فاكرين لما كان هيضرب احمد حسن فى ماتش الاهلى ! حتى معملش له احترام ده يعتبر اكبر لاعب فى الدورى المصرى و التانى لسه ملعبش ماتشين على بعض ..

مقارنة بين احمد شكرى و حازم امام هيتضح ان لازم الزمالك يحصل فيه انضباط شوية ..

طبعا انا أهلاوية جدا، بس على فكرة مافيش حاجة اسمهما جمهور محترم و جمهور غير محترم في بلد واحدة، كلنا مصريين و بنتشارك في كتير من الصفات اللي اكتسبناها من بيئتنا و تربيتنا و مجتمعنا.. مافيش حد أهلاوي بالفطرة أو زملكاوي بالفطرة، كله قابل للتغيير و بالتالي ما ينفعش التعميم في الحالة دي.

انا كان عاجبني جدا تشجيع الألتراس الزملكاوي في أول الماتش، و استمروا في التشجيع الإيجابي حتى و الزمالك مغلوب، أما اللي حصل في آخر الماتش فده رد فعل "بشر" "مصريين"، و طبعا مش باقول انه عادي أو مقبول و لا باعيب في مصرية أي حد، إنما هو ده اللي حاصل في تشجيع الكورة في البلد دي و ده اللي بيحصل من أغلب المصريين لما حد فيهم يحس إنه مظلوم أو له حق عند حد.

**human** · 08-04-2010 11:28 AM

المشاركة الأصلية كتبت بواسطة terrible_darsh

مش ابراهيم حسن بس .

حازم امام كمان قليل الادب , اتطرد علشان الحكم كان هيديله كارت اصفر .

فحازم امام شد الكارت من الحكم وقعه فى الارض فالحكم طرده , و الاتحاد لازم يوقع عليه غرامة و يتوقف كمان .

و فاكرين لما كان هيضرب احمد حسن فى ماتش الاهلى ! حتى معملش له احترام ده يعتبر اكبر لاعب فى الدورى المصرى و التانى لسه ملعبش ماتشين على بعض ..

مقارنة بين احمد شكرى و حازم امام هيتضح ان لازم الزمالك يحصل فيه انضباط شوية ..

اجيب صحه منين ارد عليك كل ما تكتب!!
طيب انت بتتكلم على عيل صغير و عارفين انه لسه اخضر

طيب تعالى لرموز الكره المصريه و الكبار بتوع الاهلى

[youtube]http://www.youtube.com/watch?v=_t9jvx_35ls[/youtube]

الكوميدى انه ماكانش فى الملعب اصلا ده جايله من بره - هيه ديه الانضباط اللى الزمالك ياخدها من الاهلى!!

عايز تقول على حازم امام غلط يبقى صح بس تقول شوف الفرق بينه و بين الاهلى -- لأ بقى

خد ديه كمان

[youtube]http://www.youtube.com/watch?v=bnpjhvmcr_s[/youtube]

وائل جمعه كان ناقص يضربه بعد ما زقه