الموضوع: ايه اللى حصل فى ماتش الزمالك دة

منا شوفت كل دة برضة عشان كدة بطلت اجادل معاهم... س بصراحة الردود هنا مستفزة قوى و يقولك "ايه اللى عملة الجمهور دة"... خشوا على اللينك دة و بصوا على الصورة و اسالوا نفسكم... لو حد شاور لواحد فيكم اتعملة الاشارة دى حتقولوا له ميرسى؟؟؟

ط§ظ„ظ…ظˆظ‚ط¹ ط§ظ„ط±ط³ظ…ظٹ ظ„ظ€ ط¬ظ…ط§ظ‡ظٹط± ظ†ط§ط¯ظٹ ط§ظ„ط²ظ…ط§ظ„ظƒ - ط´ط§ظ‡ط¯: ظ…ظ„ط®طµ ظˆط£ظ‡ط¯ط§ظپ ظ„ظ‚ط§ط، ط§ظ„ط²ظ…ط§ظ„ظƒ ظˆط§ظ„ط´ط±ط·ط©

و ماتش المحلة اللى خسروة قالوا ان البنالتى اللى اتحسب عليهم مش صح... مع ان مدافع الاهلى داخل فى الواد بتاع المحلة مطيرة من على الارض و لحد النهاردة بيتكلموا فى الحوار دة... طيب لما يبقى ليكوا 3 بنالتى ميتحسبوش... كنتوا عملتوا ايه؟؟؟؟

يا راجل بلا كلام فارغ... هما حيفضلوا كدة فا متتعبش نفسك

MMamdouh

المشاركة الأصلية كتبت بواسطة mohamed_momi88

اشوية بلطجيه بيضربوا بعض و ابراهيم حسن المفروض انه ممنوع اساسا ينزل اي ملعب طب لما بيعمل كدة و هو موقوف هيعمل ايه لما الايقاف يترفع يعني المفروض اللعبه دي ليها قوانين و قواعد يعني لما بنلعب في الساحه خماسي مش بنعمل كدة مع بعض و كل لاعب فاكر نفسة بلطجي و رايح يضرب اي حد و سبحان مغير الاحوال حسام حسن هو اللي بيهديهم بس المشكله هي ضعف اتحاد الكورة يعني واحد زي علاء علي لو خد ايقاف سنه و اللي غلط او ضرب او شتم خد ايقاف محترم كله هيفكر الف مرة لكن موضوع ايقاف ماتشين و تلاته دة تهريج

للاسف اتحاد زاهر اخره عقوبة 15 الف على الزمالك بسبب الشغب
وهيما مش هيعرفوا يعاقبوه لانه موقوف اصلا
وعلاء على وحازم امام هيشدوا ودانهم ويقولوا لهم يا وحشن متعملوش كدة تانى
حاجة تقرف

دة الحكم النهاردة كانوا مظبطهم كميه فاولات رهيبه و الزمالك ليه علي الاقل 5 انذارات في تمثليات جوة منطقه الجزاء ( بس برضة شيكابالا ليه واحدة متحسبتش )

المفروض كل اللعيبة دي كانت اخدت انذارات من اولها لاثارة الجماهير وادعاء الاصابة والسلوك غير الرياضي لو الحكم عمل كدة من اول الماتش مكانتش اتكررت بالشكل الرهيب ده
والوحيدة اللى فيها شك هي بتاعة شيكا
لكن ده مش مبرر في ماتش بتروجيت الاهلى كان مغلوب بردو 1- صفر وبركات له ضربة جزاء واضحة اكتر بكتير ومتحسبتش ومحدش عمل الهيصة دي كلها

المشاركة الأصلية كتبت بواسطة ahmed_nubira

انا زملكاوى قوى...وبقولك ابراهيم دة بلطجى...واللى عملوا حازم امام يستوجب الطرد....لانه خد الكارت الاصفر من الحكم ورماه...راح الحكم رازعه طرد....بس الصراحه صعب عليا لما عيط....وفى ضربه جزاء واضحه وصريحه الحكم محسبهاش....لاعب من الشرطه شال رجل شيكابالا والحكم ولا هو هنا...ودة السبب الاساسى اللى خلا الجماهير تهيج وبوظ المتش كله

انت زملكاوي هادي شوية
لكن هل ده عذر لكل اللى حصل ده
ومعلش ميصعبش عليك غالىة انت بنفسك قلت ان حازم امام يستاهل الطرد يعنمي العياط مش عذر هو اللى طرد نفسه وعلى فكرة دي مش اول مرة حازم تفلت اعصابه كدة لما لسة عيل صغير ويعمل كدة امال لو بقة لاعب كبير هيعمل ايه هيدبحج الحكام ؟
وحتي لو شيكا له ضربة جزاء صحيحة مش مبرر ابدا للي حصل ده كله

المشاركة الأصلية كتبت بواسطة eng:mohamed

يا جماعه خالد الغندور قال على لسان المراسل بتاعه إن فيه أحد أعضاء جهاز الشرطه أشار إشاره بإصبعه لجماهير الزمالك واللاعبين ..و إستفزهم..
عشان كده حصل اللى حصل..
فكلمه من هنا على كلمه من هنا ..
كانت نتيجه اللى حصل فى أخر اللقاء..
الجماهير منفعله..و كون فى لاعيبه وقعت فى منطقة الجزاء أكتر من خمس مرات...أكيد مره منهم على حق..

الغندور ده متحيز ومتعصب وقاعد ادام الشاشة زيه زينا يبقي ميفتيش
وبعدين مش ده اللى يتاخد بكلامه لانه له سوابق في الشغب هو كمان
ووقوع اللاعبين لانهم كانوا بيستسهلوا عايزين ضربة جزاء وخلاص بالزوق بالعافيه هناخدها بدل ما يلعبوا على الجون وكان المفروض الحكم يديهم كلهم انذارات لكن انا عاذره شوية بسبب اتلجو الرهيب اللى كان حواليه

المشاركة الأصلية كتبت بواسطة terrible_darsh

الحمد لله ان الناس ابتدت تفهم مين هو ابراهيم حسن , علشان لما كنت بقول " بلطجى " و همجى الناس زعلت !

بتفق معاك تماما

المشاركة الأصلية كتبت بواسطة ahmed_nubira

لا على فكره...بأى حال من الاحوال الاهلى مبقاش زى زمان...مش الاهلى اللى يتعادل مع المقاولين...مش الاهلى اللى يتغلب من فرق ضعيفه....جماهير الاهلى زمان مكنتش بتقلق قبل المباريات زى دلوقتى...جوزيه كان ظابط الاهلى صححححح ...الاهلى مبقاش زى زمان...على فكره ههههههه انا مليش فى الكوره اوى...بس حد يقولى يعنى..هو كلامى غلط

الاهلى جلوقت مش هو اهلى 2005 و 2006 بس هات لعيبة زي لعيبة الاهلى في الوقت ده هيبقي احسن
وبعدين البدري احسن من خوزيه السنة اللى فاتت
وتعادل المقاولين طبيعي لان المقاولين في ماتش الاهلى بالذات بيلعب كويس جدا بس بادب وده من يوم ما طلعوا الممتاز فرقة محترمة بجد
اما المحلة فخوزيه على ما افتكر مقدرش يكسبها على ارضها ولا مرة في ارضها ومرة كانت هتضيع من الاهلى الدوري

المشاركة الأصلية كتبت بواسطة human12

بص كل مره هتقول الكلمتين دول هرزعلك الفيديو بتاع النجم عشان تفهم ان لو ده جمهور مش منضبط يبقى التانى برضه جمهور مش منضبط بس الناس بتفضل ان هيه تنسى

هو مفيش عندك غير الفدييو ده يا هيومنا وكل ما نتكلم تجيبه ولا ايه ؟؟؟؟؟؟؟؟
اجيب لك عشرين فيديو لجمهور الزمالك بيشتم ويضرب الفرق التانية ولعيبته وخصوصا شيطا السنة اللى فاتت ؟؟؟؟؟؟؟؟

انت مصمم تنسى ليه؟

احنا مش بننسي المهم انتم متنسوش انتم كمان ومتجروش ورا هيما تصريحات لان خرابها على ايده

ليه مصمم ان فيه طرف ملايكه و التانى زباله!!
يعنى انا زباله مثلا!!! انا يا سيدى من جمهور و مشجعى الزمالك و لما تشتم و تقول دول كويسين و دول وحشين تبقى بتشملنى بعطفك فى الشتيمه و ده مش هقبله
انا افهم ان فيه ناس راحت الاستاد و اخلاقها زفت افهم ان فيه ناس بشوفها و اخلاقها تقرف بس اللى مافهموش انك تقولى دول حلوين و دول وحشين

لا طبعا
الطرفين فيهم الكويس والوحش
المشكلة دلوقت في الزمالك مبقتش جماهيره
المشكلة بقت في هيما تصريحات اللى سخن جمهور الزمالك بشكل لمش طبعي وخلاهم قبل الماتشات ما تبدا متاكدين ان الحكام هتظلمهم وهيجاملوا الاهلى و ده بيخلي الجمهور يروح مشحون جدا ضد الكل
حاجة تانية انتصارات الزمالك مع حسام خلت الجماهير مش متقبلة الهزيمة او التعادل مع ان ده وارد جدا في الكورة

و بعدين لما نقول و بالفيديو ان الاهلى كسب ماتشات مهمه بالحكم و غلطات من الحكم فده يدين الاهلى؟! ماهو كاسب كتير قبل كده و برضه انظلم قبل كده!! فيها ايه ديه؟! هوه حرام نقول ان كذا ماتش من الاهلى و الحكام بيجاملوا؟!! طيب ده ماهو بيحصل - مافيش حد بيقول ان الاهلى بيرشى او بيتلاعب - بس اهو بيحصل ان اخطاء كتيره فى اوقات حرجه بتبقى لصالح الاهلى طيب خلاص!! يبقى كل شويه نقول الزمالكاويه بيقولوا الاهلى بياخد البطولات بالحكام!!

ايوة كدة كلامك صح جدا الفريقين وكل الفرق بيكسبوا في اوقاتباخطاء الحكام وبيخسروا في اوقات باخطاء الحكام يبقي مش مبرراو شماعة لفرقة ترمي مشاكلها على الحكام وتقول هما السبب
ولا ايه رايك ؟؟؟؟؟؟؟؟؟؟؟