سلام عليكم،،،،،
حد يعرف عايز اسقط موتور 1800 توربو فى جولف 4 ولو موتورى 1600 ممكن ادفع فرق كام وشكرا
عرض للطباعة
سلام عليكم،،،،،
حد يعرف عايز اسقط موتور 1800 توربو فى جولف 4 ولو موتورى 1600 ممكن ادفع فرق كام وشكرا
أظن من 3 إلى 5 على حد علمي
34 مشاهدة ومشاركة واحده بس، فين الناس......؟!!
انتى عربيتك مانيوال ولا اتوماتيك و عايزها تبقي ايه بعد التسقيط؟؟
1600 manual
نصيحة بلاش لعدة اسباب:
التيربو مقرف وصيانة وقطع غيار مش متوفرة الا استيراد
طبعا ال1600 متوفر لة كل شي جديد واستيراد ومبياكلش بنزين
مش هتحس بفرق خصوصا ان مصر مفيهاش طريق عدل
لما تيجي تبيع هتخسر لان محدش هيعمل حساب الي انتة صرفتة
وطبعا التغيير هيكلف 5000 علي الاقل لانك لازم تجييب المكنة بالضفيرة وبرضو مش هتزبط معاك االا لو جبت الشكمان كامل
الحتتين مشاكلة كتييييييير
وياباشا ربنا يوفقك
هتتكلف حوالى 8000 فرق الموتور و تغيير الشكمان كامل.
طبعا هو موتور ممتااااز بس مشكلته أن قطع غيار الموتور غير متوفره تقريبا, هتلف عليها كتير علشان العندو الموتور بيبقى عايز يبيعه كامل فا مش بيفك منه حاجه و لو فكلك اي شيئ بيبيعه غالى جدا مقارنه بالمواتير التانيه.
بس قدام كدا هو موتور ممتاااز فى الاستخدام
بس ياتري أنت حتجيب انهى ماتور 1800 تيربو لأنى فى اتنين واحد 150 وواحد 180 حصان
ياجماعه الموضوع اكبر من كده اولاااااااا تغيير الماتووور هيترتب عليه تغيير حاجات كتيرة انا معايا بورا كانت 1600 وغيرت لماتور 1800 / 20 صباب مش تربو التغيير هيكون في الاتي
1- الفتيس وداه لوحده تمنه 2000 ج وطبعا السعر دا شامل الاسطونة وطقم الدبرياج وللعلم طقم الدبايرج لواحده جديد تمنه ( 1800 ج ) بس عشان اللي هيركب هيكون استيراد طبعا سعره اقل من الجديد
2- الشكمان بالكامل من الماتور النص الاول لغاية الكتاليزر او علبة البييئة 1000 ج والنص التاني كمان 1000 جنيه ، ولو قالك امشي بالقديم بتاع 1600 هتحس بفرق كبير في السحب
2 - واخيرا الماتور وداه سعره بالكنترول مش هيقل عن 5 الاف جنيه ، يعني تقريبا العملية كلها هتدخل في 10000 الاف جنيه بالمصنعيه .
كمان انا احب اوضح حاجة مهمة اووووواي الماتور 1800 تربو بصرف النظر عن الصيانة وتوافر قطع الغيار من عدمه لازم يكون البنيزين 95 اقل من كده الماكنة بتخبط يعني تكلفة عاليه اواااااااي
اذا كان ولابد بلاش التربو وخليك في 1800 / 20 صباب 120 حصان وقطعه غياره مرمية ومش هيقل من سعر اعادة البيع العربية بالعكس هيعلي لان الماتور داه مشكله قليلة اواي وعمره الافتراضي طويل واللتر فيه بيعمل تقريبا 9 كم .
وممكن لو شاطر عرف ترخصه علي انه 1600 عادي ، واحب اقول نصيحه الماتور داه اقوي من 2000 سي سي لانه 20 صباب في حين الاول 16 بس واغلي في سعره .
ودي تحربتي ونصحيتي لاني كنت عايز اغير بس 2300 / 5 سلندر وبعد القوانين الجديد طبعا مالهوش قطع غير وكمان مرمي في الارض مش لاقي اللي يشيلوه بنيزين وضريبة وتاخد ببلاش لو عايز ، افضل الحلول لو غاوي هو 1800 وربنا يوافقك للي فيه الخير
كمان نسيت اقولك انك هتغير الجنوط من 15 الي 16 لان جمل الماتور هيزيد وهيحتاج عرض 205 ,والمقاس داه مش هيكون موجود في 15 اللي اخره 195 والسبب في داه ان الماتور هيزيد حمله علي قدام والعربية في اي ملف هتلاقيه هتوطي من قدام وترفع من وراء وبالتالي هيكون في خطورة لانها هتلف منك