ماذا عن ماركات الخوذ و احسنهم و اسعارهم ؟

حبايب قلبي اان شفت كتير و قليل في المنتدي الجميل ده لكن انا مشفتش ولا موضوع عن ماركات الخوذ العالمية و لا اعرف ماركتهم ولا احسنهم ولا اوحشهم وايه الي تفرقوا دي عن دي هل في قوة الاحتمال ولا في التبطين الداخلي و لا المنظر
و ياتري ايه من الماركات العالمية دي موجود في مصر و ايه احسنهم و ايه اسعارهم
ياريت الكل يفيد و يرد
و دي قائمة بالانواع الي شوفتها علي النت بس مش في مصر

AFX- AGV – Arai – Bell – Cyber – Element – Gmax – HJC – Icon – JoeRocket – KBC –MDS – Nolan – Rockhard – Scorpion – SHARK – Shoei – Skid Lid – SparX – Speed and Strength – Suomy – THH – Vega – Vemar Z1R – Zamp – Akuma – Fox – Klim - Index

موضوع لذيذ و جديد

والله هو المتداول في مصر والي كل الناس لابساه ومعقول وكويس وسعره بيبدأ من 250 ويوصل لحد 600 الإندكس Index التايلاندي وأشكالها جامده موت وتجيبها من مصر من عند تامر
(تامركو) أكيد عارفينه عنده الفاميه والعاده والنص والي بتترفع والكاستم والتريلا والنضاره وكله
وأنا من وجهة نظري أنضف خوزه في كل الماركات الي إنت كتبتها الـ شووي SHOEI يابانيه 100 في الـ 100 وسعر موديل السنه دي ممكن يوصل لـ 3000 جنيه
شكرا

انا جايب خوذة اسمها lS2 من كام يوم هى اسكتلندى تقريبا بس جميلة جدا وشكلها احسن من الاندكس الى شبهها وكمان تقريبا نفس سعر الاندكس

الايكون احسن نوع
وسعرها بيبدا من 2400 جنيه

هو اهم حاجة يكون عليها ختم الدوت علشان تبقي متاكد انها سيفتي فعلا واعتقد اقل خوذة سيفتي وعليها الdot مش هاتقل عن 800 جنيه........كل ماركة من الماركات المشهورة الي فوق باستثناء الانديكس(مش موجودة في الموقع الاجنبي-انت الي ضايفها) واخدة ختم المواصفات....بتتراوح الاسعار بعد كدة حسب الالوان-المواد المستخدمة في التبطين......بس كلهم سيفتي.......اغلاهم بصفة عامة الarai-shoie-soumy مش هاتلاقي موديلات ارخص من 2000 جنيه......agv وال icon وباقي الموديلات ممكن تلاقي فيه ابتداء من 1000 وبتوصل في بعض الموديلات لل6000 جنيه واكتر...

يعني الايندكس مش سيفتي
ولو عايز واحدة سيفتي تعدي ال800 جنيه
عجيبة يا مصر
انا شفت علي النت حجات كتير اخدا سيفتي من دوت و مش full face هي
Modular Helmets وعاملة من اول 130 دولار ياتري اجيب من بري ولا ايه و هنا النوع ده بيبتدي من كام وماركته ايه

معنديش معلومة مؤكدة عنها بس مافيش سيفتي بالسعر ده....انا جايب الموديولر agv من الكويت واقفة ب 1100 جنيه وعليها ختم سيفتي dot....ممكن تبص علي الانديكس لو موجود dot or cnell تبقي سيفتي.
نسيت اقولك لو عايز تشتري خوذة من برة هايبقي انت وحظك ممكن مقاسها وشكلها مايظبطش مع راسك.

سيفتى يعنى فلوس زياده
سلامتك يعنى فلوس زياده
والحاجه دى بتشتريها وبتعيش كتير

بالظبط كده.....الواحد قبل مايشتري الدراجة يكون عامل حسابه علي تمن الخوزة والجونتي ده اقل واجب.....يعني الي هايدفعك 12000 جنيه كملهم 13000 وهات خوزة سيفتي.....وبعدين لو حتي حبيت تبيع البايك ممكن تبيع الخوزة بنص تمنها ولا حاجة.

الابيض عبارة عن طبقة الحماية الداخلية(نوع من الفوم) الي بتمتص الصدمة وتساعد في منع ارتجاج الدماغ.


http://image.motorcyclistonline.com/...z-liner-lg.jpg

لي معرفة المزيد عن معاير السلامة للخوذة
http://www.nilemotors.net/Nile/16824...post3872894267