بسم الله الرحمن الرحيم
اولا قبل كل شى انا لازم اشكر اعضاء هنا , هما فى الحقيقه انا متأكد انهم ميعرفوش انا مين , انا اول ما اشترتها كانت مجننانى , بمعنى اخر مش عارف اسوقها و هما الردو على استفسارى فى المشاركات الاولى ليا فى المنتدى و هما islamaboelnaga , modiabbas , medokimo , dr_druggist , د.محمود صلاح , Fadi Ezzat
نبدأ التقرير من الاول خالص
الحجز كان من التوكيل فئه الاستبترونك
المكالمه الخاصه بتحديد موعد الاستلام , هى فى الحقيقه كانت من ضمن العيوب راجل اتصل بيا قبل معاد الاستلام بأربع ساعات فقط لابلاغى بالاستلام و هو كان مدير المعرض فى المقطم ( على كلامه ) فكان طبعاً لابد من تأجيل الميعاد و عند الاستلام المندوب قال ان دى حاجه كل الناس بتشتكى منها مع ان احنا بلغنا المدير ان الناس مش بتاخد وقت كافى لتحضير المبلغ الله اعلم كان كل الناس كده فعلاً و لا انا فقط.
عند الاستلام
جاء المندوب بعد الانتظار ربع ساعه و هى مده تشغيل الكاست و غسيل السياره , استلمت شنطه اسعافات اوليه , 2 مفتاح بالريموت قابل للطى , اريال , مجلد اسود من الجلد بداخله 5 كتالوجات ( دليل التشغيل - ملحق دليل التشغيل - ارقام سكودا فى جميع انحاء العالم - راديو السياره - كتيب الندمه ) , 4 دواسات قماش , طاسات العجل
و قام المندوب بتعليمى كل شى عن السياره و كيفيه استخدامه و تجربتها معى
نتكلم بقى على السياره
المواصفات الفنيه
عدد الاسطوانات : 4 سلندر
السعه اللتريه : 1595 (1600) سى سى
حصان : 102
حقن الوقود : electronic multipoint fuel injection MPI
الجير بوكس : تيبترونك 6 سرعات
الوزن : 1270 فارغه
1930 الوزن الكلى
حجم الشنطه ( لتر) : 560
و ديه من احسن مميزتها
اقصى سرعه : 184
التسارع من 0\100 : 14.1
معدل استهلاك الوقود لتر \ 100 كم : 10.2
سعه تنك البنزين \ لتر : 55
بصراحه بعد ما عرفت ازاى اتعامل معاها بقت فوق الممتازه , فى الاول كنت حاسس انها تقيله جداً و مش راضيه تمشى بس بالتعود بقت بتتجاوب بشكل ملحوظ و سريع و بالاخص على S اكتر من ال D .
بعد كده من اهم اسباب الشراء
الامـــــــــــــــــــان :
نظام الفرامل ABS المانع للانزلاق + MBA + MSR + ASR
مؤشر لضغط الهواء بالاطارات
فوانيس شبوره اماميه و خلفيه مع فانوس فرامل خلفى ثالث
2 ايرباج مع مفتاح تشغيل لارباج الراكب ( يغلق عند وضع كرسى الاطفال فى الامام )
غلق مصدر الوقود عند التصادم
ايموبلايزر للحمايه و تأمين السياره من السرقه
احزمه امان امامى و خلفى مع ثلاث مستويات ارتفاع
تصفيح اسفل المحرك
نقاط تثبيت مقاعد الاطفال بنظام " ISOFIX "
و فى نقطه كمان ان الطبلوه مصنوع من ماده مشابه للجلد و ليست بلاستك فلا تؤثر عند وقوع حادث لا قدر الله , او حد اتخبط فيه جامد
بعد اختبار انظمه الامان الفرامل فعلاً قويه جداً و تمت تجربتها على الدائرى و عديت بسلام الحمد لله و كانت خطأ الغير , حسيت انها ليها كذا مستوى مش واحد بس , يعنى بتفرمل بتدرج و كل لما اتقل احس فى حاجه تانيه بدأت تفرمل و تمسك العجل لحد ما افرمل جامد تثبت فى مكانها و حزام الامان مريح امامى و خلفى و كده كفايه فى انظمه الامان يا رب منتختبرش غيرهم :ask: و الثبات مش محتاج اتكلم عنه ما شاء الله مع انى حاسس ان العفشه ناعمه جداً مش عارف ليه الناس بتقول ناشفه
الكماليـــــــــــــــــا ت :
بصراحه كتير جداً جداً جداً
ممكن نكتب المفيد منهم او الحيوى
مثبت سرعه
كمبيوتر متعدد الوظائف
تكييف كليمتك مع تشغيل الكترونى و توزيع الهواء للمقاعد الخلفيه
راديو سى دى سيوينج MP3 ( و فيه خاصيه ارتفاع الصوت تلقاءياً عند فتح الشباك او عند وجود ضوضاء خارج السياره او من المحرك )
بلوتوث و تجهيزات هاتف
مصباح للقرأءه بالمقعد الخلفى
درج الكونسول مجهز بخاصيه تبريد المشروبات
شاشه بيانات الكترونيه بلوحه العدادات
ضبط مستوى عجله القياده باربعه اتجاهات
درج الطابلوه مزود بخاصيه تبريد المشروبات ( يبقى كده اثنين تلاجه صغيره )
صندوق بين الكراسى الاماميه به مسند يمكن ضبط ارتفاعه
مؤشر عند فتح الابواب بلوحه العدادات يظهر اى باب غير مغلق ( و الشنطه و الكبوت ايضاً )
مساحات اماميه و خلفيه مرنه
حامل نظاره
الكماليات كتير جداً هو ناقص حبه صغيرين بس مش متذكرهم بصراحه
بعد تجربتى للسياره عيوبها ان السياره غاليه نسبياً مش اكتر من كده مش لقيلها عيب اخر
مميزتها التقرير كله :120105~352:
اتمنى اكون قلت كل المهم عن السياره و بعتذر ان مفيش صور فى مشاكل فى نقل الصور حالياً لكن ان شاء الله اول ما تتحل حرفع صور ليها مع انها اعتقد مش محتاجه , كل الناس عارفه شكلها :C_laugh[1]: