استفسار
لو هاجيب عربية جديدة
و عايز اركبلها فرش جلد بيج جامد اخر حاجة (زي بتاع الفابريكة)
اروووح لمييييين :)
عرض للطباعة
استفسار
لو هاجيب عربية جديدة
و عايز اركبلها فرش جلد بيج جامد اخر حاجة (زي بتاع الفابريكة)
اروووح لمييييين :)
تروح لحربي ;) ... بيشتغل في اللي احسن من الزيرو .. الجاجوار ...
ممكن تروح لواحد اسمو "دوس" بس هوا جامد اوي بياخد مقاسات العربية بتاعتك وتختار الماتريال اللي انتا عاوزو انشاللة اللي راكب في بي ام الجديدة اي حاجة عندو والجلد الطبيعي علي ما اظن لما سألتو كان 3000 غالبا دة من سنة كدة وعندو كل حاجة ومحترم اوي بس غالي شوية بس شغلو تمام انا عملت عندو عربيتي ولحد دلوقتي ولا ريح ولا منظرو باظ ولاا اي حاجة من الكلام الفاضي اللي بيحصل هوا عند فرغلي مصر الجديدة كأنك رايح علي الحجاز بعد افريكا بلانت ومؤمن اللي هناك هوا جنب توكيل كلاريون اللي هناك اسأل علية هوا مشهور اوي وبجد عندو كل حاجة وغيركدة بيؤلك لو في اي حاجة تعالي وملكش دعوة بحاجة واساسا مبترحلوش لان الفرش مبيحصلوش حاجة ..
الف الف شكر يا جماعة
بس لما أستلم هاكلمكوا توصفولي الأماكن بدقة
و شاكر مرة اخرى
احمد دوس ده اللي انا عامل عندة فرش عربيتي وانت شوف الفرش لما ركبت عربيتي
فعلا يا كريم كان جميل جدا ما شاء الله
بس انا برضه باتكلم على الخامة كمان
الفرش الجينوين بتاع المصنع ... احد دوس ده بيعمله ؟؟؟
اي فرش هو بيجبلك الخامة بتاعتة
الجلد الطبيعي بيبدا من 3500 اقل حاجة
والحلو بيدخل 5000
والمشكلة كمان التفصيلة في عربيات متعبة قوي
زي السيفك والالنترا
بس اقولك حاجة
الجلد الطبيعي فيه عيبماحدش بياخد بالة من الا بعد سنة واتنين
اني بيمط ودي طبية الجلد مهما كانت دباغتة عالية
انا عامل جلد امريكي وده اغلي حاجة عندة في الصناعة بس محمل جدا وبيتظبط في الشد قوي
واللي بيفرق في الموضوع كمان شكل نقشة باغ التابلوة عشان يكون ماتينج مع بعض
تخيل انا كل ده ماعرفتش انت هاتجيب ايه
لانسر 2008 ان شاء الله
بس ادعيلى اتوفق في واحدة بيضاء
طب يا جماعة الجلد الصناعي اللأحسن الأمريكي ولا الأماني؟؟؟
وينفع أشتري من عندة الجلد بس ؟وأعملة أنا ولا لأ؟
وفي حد يعرف مستورد جلود كبير يكون عندة كل الأنواع؟؟؟؟؟؟؟؟؟؟
يا باشا دة عندو ماتريال يعني مش تروح ويركبلك والحجات دي بياخد مقاسات العربية ولو العربية زي الانوس والحجات المشهورة هيبئا عندو المقاس وبعدين تختار الخامة وبعدين تديلو عربون ويقلك بعد 3 ايام مثلا تروح تركبو وعندو خامات كتير جدا انا مش فاكر اسمو اية بصراحة نسيت هوا شب كدة اللي جوا
احمد الف مبروك وربنا يوفقك
حلو الابيض بس بتاع مزاج قوي والله يعينك على نضافتها
---
دوس اللي عنده اسمه اسامة
وفي موضوع معمول ليهم وفي خصم اعضاء نايل موتورز بياخدة وكمان هدية مش اي حاجة يعني