الموضوع: فى التوكيل الأن لصيانه الألف Gen2

المشاركة الأصلية كتبت بواسطة okda

اليكم تقريرى بعد زيارة التوكيل بالأمس


(1) بعد أن جرب م/ محمد عبد الهادى التكييف بنفسه عند تسليم السيارة و قال لى إنه ضعيف فعلا, عند إستلامها قال لى أن كبير الفنيين قال له أن هذا هو الأداء المثالى للتكييف ولا يمكن تحسينه , رغم أنى سمعت أحد الفنيين يقول على سيارتى "كان فى شكوى فى التكييف و كذا عملها خلاص". و على العموم لو ده أحسن أداء للتكيف يبقى فعلا ضعييف جدا لان الهواء الى خارج منه مش بارد كفايه


و بعد الخروج من التوكيل , شغلت التكييف , وجدت أنهم أضافوا عليه هديه من عندهم: صوت جميل أوى :ان فى حاجه مفكوكه جوه والهواء الخارج فى الكابينه بيهزها

(2) جهاز الزوايا لم يتم تصليحه, و لى تعليق بسيط : انا مبلغ من قبل إنى بشتكى من حدفه يمين , اليس من العقل عند تعطل الجهاز القيام بالاتصال بنا لتأجيل الكوعد , بدل من وعدى أنه سيكون بدون مقابل عندما اذهب مره أخرى بعد إصلاحه ؟ الا يعلمون أن التوكيل فى مكان بعيد فلا يمكن تسليم السيارة ثم الذهاب الى العمل, و ذلك لتجنب خصم اليوم من المرتب والذى يكلف أكثر بكثير من ثمن تعديل الزوايا, أظن مكالمه لتخيرى بين تأجيل الموعد او الذهاب مرتين كانت ستفرق مع كثير من العملاء نفسيا على الأقل

(3) بالنسبه لتسريب الهواء فهذه فضيحه لوحدها, قال لى م/ محمد ان التقرير يوضح انه ليس هناك عيب فى الابواب , و اليكم المفاجأة, سمعت بنفسى فنى يظهر عليه كبر السن يقول لفنى أخر جالس بداخل سيارتى امام استراحه العملاء " هتلأى المكنه بتاعت الزجهج مش ركبه صح, فكها و ثبتها مكنها تانى"


قلت لنفسى من أولها كده الباب هيتفك, بس العامل الى كان جالس داخل السيارة قرر إنو بيفهم أكتر من كبيره, فدخل بالسيارة جوه الورشة على اليمين و فتح الزجاج نصف فتحة و ظل يضغط عليه لتحت و فوق


ده بزمتكم معناه إن يكتب فى التقرير n.p. مش o.k.


طبعا قلت للمهندس محمد الكلام ده, قالى طيب دقيقه واحده, راح و رجع و قالى لى انهم فعلا كتبين على ظهر الورقه انه تم اصلاح الابواب


و المفاجأة إن صوت تسريب الهواء كما هو بالظبط

أليس من حقى أن يخرج معى فنى أو مهندس لتجربه السيارة معى لإظهار العيوب فيها عند التسليم ؟


و اليس من المفروض ان تغسل السياره على الأقل من الخارج بالماء قبل تسليمها للعميل, فى حالتى شغلو المساحات بالماء و بس كده

كنت خايف تكون تجربتى مع التوكيل مش تمام قبل ما أذهب , و كنت أتمنى ان تكون تجربتى عاديه. بس للاسف تجربه سيئه جدا و يارب الفنيين الى فيه يفهموا إن ده أمانه مش شغل فهلوا

اخي الكريم ده حل موضوع الهواااااااء بالصور

تحياتي

http://www.nilemotors.net/Nile/134767-100.html

أنا الأن فى التوكيل مرة أخرى عملا بنصيحه أيمن لحل مشكلة الحدفه اليمين بالإضافة الى شكوى من صوت حكه أو خشونة متواصلة من العجل
تم إعلامى أن التشحيم للاربع عجلات يكلف 100 جنيه, لا أستطيع الرفض لان الصوت ليس بشىء أستطيع إهماله

و ده بردو تانى مره سأفكر نفسى بانه يجب على مقابلة أيمن ( ربنا يجازيه خير عنا) لشراء الإستيكر من أجل التخفيض

ربنا يستر إن شاء الله و تكون التجربة هذه المرة أحسن من التى قبلها