النقطة الاولي انامتفق معاك فيها تماما بس ده في اغلب الماركات.. و ماعتقدش في اوبل..
لأن مش من الواضح ان اوبل حاطة سوق زي الخليج في ضمن اهتماماتها تنزل ليهم حاجة بمواصفات خاصة او او او.. مش زي تويوتا مثلا اللي فضت تمد انتاج الكريسيدا لصالح الخليج فقط بعد وقف انتاجها للأسواق التانية لمده سنتين او اكتر حاجة بسيطة..
لكن النقطة التانية مش موافقك فيها خالص خالص..
مواثفات الصاج و التخانات و الكلام ده.. مش صح ولا في البودي و مستحيل يكون في الشاسيه.. لأن الحاجات دي ستاندرد.. مش بيتغير في تصنيعها حاجة من سوق لسوق..
الفروق ممكن تكون في ان التوكيلات هنا في مصر ممكن تطلب من المصنع انه ينزل نسخة تقريبامنزوعة الدسم..
معظم الكماليات بتتشال.. معظم وسائل الامان و السلامة بتتشال.. الا القليل قوي يعني
وده بيحصل عشان يقللوا الجمارك اللي بتتحدد علي كل اوشبن نازل في العربية.. عشان يعرف يكسب كويس قوي هنا.. و يعرف يبيع بسعر منافس..
الخلاصة.. اوبل و فولكس و رينو و الكلام ده مفيش حاجة عندهم اسمها مواصفات خليجي.. هي نفسها مواصفات الاوروبي.. احنا هنا اللي بينزل عندنا مواصفات منزوعة الاوبشنز..!!!
المفضلات