جهل غير عــــادي ... !!

**aliabutaleb** · 08-04-2010 05:58 PM

المشاركة الأصلية كتبت بواسطة Ahmed0Nouh

اكيد طبعا فى ناس كويسه , انا شخصيا محصليش شرف رؤياهم

إنت تعليقاتك مش ممكن يا احمد

**zanativich** · 08-04-2010 07:23 PM

عادى ايه يعنى
دا العادى من شعب مصر
سورى
بنك مصر

**hazoom2006** · 08-04-2010 07:53 PM

انا مش مستغرب خالص وهو ده المتوقع من الجيل بتاعنا ومن التعليم

الامتحانات من الابتدائى وخلاص كده يبقى الطالب اتعود على الغش

والمناهج تعتمد على الحفظ فقط المفروض يحببو الطالب فى العلم والمعرفه ويسعى انه يعرف المعلومه
ولسة ياما هنشوف
لكى الله يا مصر

**MoToRiZeR** · 08-04-2010 07:59 PM

المشاركة الأصلية كتبت بواسطة Ahmed0Nouh

انا بقى عيشت الواقع المهبب ده فعلا

كنت كتير بطلع رحلات الاقصر واسوان , وفى كل مره كنت بقابل نفس النوعيه من المرشدين اللى حافظين كلمتين نصهم اساسا غلط ومعندهومش اى اجابه عن اى اسئله او حتى مبيعرفوش معنى الكلام او الصور اللى على جدران المعابد ولا يعرفوا اى حاجه عن الملوك اللى فى المقابر

فى حين ان المره الوحيده اللى طلعت الاقصر واسوان مع فوج اجنبى ومرشده تشيكيه عرفت عن الاقصر واسوان اللى معرفتوش فى 3 رحلات مع مصريين., نصيحه لو رايح مع مرشد مصرى فى كتيبات ارشاد بتتباع هناك هتلاقى الشرح فيها فيه كل المفيد ووفر على نفسك حق المرشد المصرى

اكيد طبعا فى ناس كويسه , انا شخصيا محصليش شرف رؤياهم

ههههههههه فكرتني يا أحمد أول مرة رحت الأقصر و سألت المرشد الإله اللي راسه رأس تمساح ده إله إيه .. قاللي بمنتهي الثقة ده إله الشر !! قلت مقنعة برضه

بعد كدة اما رجعت بقي جبت كتاب فرعونيات و بحثت في الموضوع شوية لقيت إنه إله رأس التمساح "سوبيك" إله النيل اللي كان بيحرسه و يحارب من أجل الضعفاء .. حاجة زي الفل !

لو تفتكروا من سنة و شوية كدة عملت موضوع إن في محاضرة في الجامعة الدكتور سأل سؤال "أمريكا في أنهي قارة" و 16 من 24 طالب و طالبة أجمعوا علي أنها في أوروبا .. و البعض أضاف من عنده إن لها حدود مشتركة مع إنجلترا عشان كدة بيتحالفوا مع بعض في الحروب .. طلبة بكالريوس إعــــــــــــلام اللي هو المفروض عارفين القليل عن كل شئ كحد أدني من المعرفة!

و كما قال الشاعر لمصر

the future is so bright .. i gotta wear shades !

**Terrible_DaRsH** · 08-04-2010 08:04 PM

كل ده مش هاممنى .

اللى فرحنى بجد , ان دى اول رخصة فى حياتى اشوفها من غير واسطة .

الحمد لله .

**نور القمر** · 08-04-2010 08:08 PM

طيب الحمد لله
كنت زعلانة على شابين قرايبي واحد في نهائي طب وواحد في هندسة ميععرفوش مين غاندي والمثقف اللي فيهم قال عليه ده زعيم زي سعد زغلول في فنزويلا
دول بقه ضايعين خالص

**SHNORY** · 08-04-2010 08:37 PM

ههههههههه فكرتني يا أحمد أول مرة رحت الأقصر و سألت المرشد الإله اللي راسه رأس تمساح ده إله إيه .. قاللي بمنتهي الثقة ده إله الشر !! قلت مقنعة برضه

بعد كدة اما رجعت بقي جبت كتاب فرعونيات و بحثت في الموضوع شوية لقيت إنه إله رأس التمساح "سوبيك" إله النيل اللي كان بيحرسه و يحارب من أجل الضعفاء .. حاجة زي الفل !

اما انك غريب
ماهو كان شرير علي الاشرار
وواضح ان المرشد بتاعك كان شرير
يبقي بالنسباله سوبيك هو اله الشر
حاجه نسبيه كده بس ماشيه زي الفل

**Most_H** · 08-04-2010 09:03 PM

دة انا على كدة ابقى عبقرى

**Ahmed Nouh** · 08-04-2010 10:24 PM

المشاركة الأصلية كتبت بواسطة MoToRiZeR

لو تفتكروا من سنة و شوية كدة عملت موضوع إن في محاضرة في الجامعة الدكتور سأل سؤال "أمريكا في أنهي قارة" و 16 من 24 طالب و طالبة أجمعوا علي أنها في أوروبا .. و البعض أضاف من عنده إن لها حدود مشتركة مع إنجلترا عشان كدة بيتحالفوا مع بعض في الحروب .. طلبة بكالريوس إعــــــــــــلام اللي هو المفروض عارفين القليل عن كل شئ كحد أدني من المعرفة!

و كما قال الشاعر لمصر

the future is so bright .. i gotta wear shades !

ههههههههههههههههههههههههه , طيب محدش فيهم حب يتذاكى ويسأل نفسه هو العالم كام قاره واسمائهم ايه اصلا ؟؟

انا بقا المرشدين اللى طلعت معاهم , واحده بتدلع على الفوج وكلهم سايبين المعابد وماشيين وراها وواحد عند كل متحف او مقبره يقعد جنب الباب ويقولك جوله حره والثالث كان طول الرحله مستنى نروح البر الغربى علشان يورينا اله

اللى كل الناس بتقف عنده تدعى ان ربنا يرزقهم قدراته