المشاركة الأصلية كتبت بواسطة emo_ayman
لا حول ولا قوة الا بالله.
والله يا جماعة هو مش تكبر و لا حاجة.انا من 97 و انا مرشد سياحى و فى اخر 3 سنين لما ابقى واقف فى المتحف ولا الهرم بسمع كلام و اشوف تعليقات من زوار ولا مرشدين تبين اد ايه مستوى التعليم عندنا فى انحدار و الثقافة العامة و المرشدين اللى فاكرين المهنة عبارة عن واحدة شقرا هتموت فيه لانه مصري من بلد رمسيس و عمر الشريف و المرشدات اللى فاكرين ان ما كل لبسهم ضاق وكل ما زودوا المكياج هيبقى الراجل الاجنبى هيتجنن والمرشد اللى مفكرش يستحمى وهو نازل ولا اللى لابسة شوز بنفسجى مع لون الاى شادو.
بقت مهزلة على الاخر
اما عن اللغة فهى مش غلطتهم ان المدارس بتعلمنا لغة من شخص مبيتكلمهاش اصلا ولا حتى بيمارسها يعنى حتى النطق الصح مش بنتعلموا الا فى بعض مدارس اللغات.
الاجنبى قبل ما يجى بيبقى عامل بحث عن مصر-حضارتها-اهلها والمرشد بيبقى نازل الشغل همه الشقرا و المنظرة و الاحساس بانه شخص مميز جدا لان فى الكلية السفير السابق اللى بيدى محاضرة اتيكيت المرشد قالله انت اهم من السفير اللى فى السفارة لانك متحدث رسمى باسم البلد ومحدش هيحاسبك غيرك انت فيقول بقى اي كلام يعتبره مثير او شيق للاجانب.وهو مش عارف ان الاجنبى هيرجع بلده يقول المرشد قاللى كذا و كذا.
والمرشد الاجنبى ده مشكلة كبيرة لانه فى بعض الاحيان مفروض من الشركة اللى برة و يعد بقى يعك فى التاريخ و طريقة العيشة فى مصر.اصل الاخ او الاخت المرشد المصرى اللى معاه بيقولوا اي كلام عشان يبقى متميز وكل ما يجى يطلبوا معاه.
الواحد فعلا بيزعل بس الحمد لله انهم كل 5 سنين بيعملوا امتحان تجديد الترخيص و ده امتحان لغة و معلومات و اتيكيت.