العنوان غريب شوية ..... لكن السؤال ده دايما بأسئله لنفسي
من سنتين كنت بأبيع العربية الشاهين علشان اشتري الاوبترا اللي معايا دلوقت
الشاهين كانت معايا من الزيرو وماشية زي الفل .... اول ما بدأت اعرض العربية للبيع .... كأن العربية شعرت بكده ...... بجد مش هزار ... لقيت العربية بيحصلها حاجات غريبة ومتتابعة عمرها ما حصلت ..... زي ما تقولو ان العربية زعلت عشان ح تتباع
فجأة ..... البطارية نامت و باظت ..... وبعدين الثرموستات باظ .... وبعدين المشط بتاع الكهرباء باظ ..... بقيت استعجب من الكلام ده وقولت دي الحاجات دي عمرها الافتراضي انتهى في التوقيت ده
...
دلوقت ال 128 بتاعت زوجتي كانت ماشية زي الفل .... اول ما فكرت ابيعها
من اسبوع البطارية باظت وغيرتها ( مع اني بأركنها بالاسبوع وبتدور من اول تكة لغاية يوم البوظان ) ..... امبارح مروحة الردياتير اتحرقت وغيرتها .... وسويتشين بتوع الانتظار والمروحة باظو وغيرتهم .....
افتكرت اللي حصل مع الشاهين .... نفس الوضع ... زي ماتكون العربية بتعبر عن غضبها علشان ناوي ابيعها ......
هو الجماد ممكن يكون له احساس زي الكائنات الحية واحنا مش عارفين او علمنا مش مدرك لهذه الاشياء ؟؟؟؟؟
هو مش الجزع اللي كان الرسول عليه الصلاة والسلام بيقف عليه ليخطب في المسجد سمع له أنين كأنين الطفل لما النبي استبدله بمنبر ....( دي طبعا مش مقارنة ولا تشبيه .. حاشا لله ... لكن استدلال ان الجماد ممكن يشعر )
يا ريت تشاركوني الرأي في الموضوع ده ...... حد حصل معاه كدة زيي ولا أنا بيتهيألي ؟؟؟؟؟
المفضلات