عملت أول حادثة والحمد لله - بس مخنوووق جدا
السلام عليكم ورحمة الله وبركاته
النهرده وانا راجع فى شارع جسر السويس وواقف فى أشارة روكسى عربية دايو نوبيرا خبطت فيا من ورا جامد فأنا (كنت واقف) خبط فى اللى قدامى (تاكسى بيجو) واللى خبط هو كمان فى عربية 128 كانت أدامة
المهم انا كان معايا أختى ولسة راجع من أكتر من 5 مشاوير وأول حادثة وقولت أنا هنزل وأشوف الخسائر أية وبعد كده أبقى أتصرف مع الراجل :ask:
المهم بصيت على العربية (ظاهريا) لقيت مفيش حاجه الحمد لله ، بس بتاع التاكسى اللى قدامى الأكصدام (أتلوح) فأنا لما ملقتشى حاجه عندى ولسة رايح ناحية النوبيرا لقيت الراجل بيعتزرلى وبيقولى أنه عنده خبطة فى الكبوت فمكلمتهوش (قولت يا درش ربنا سترها والحمد لله معنديش خسائر غير الكانز اللى كان فى أيد أختى وأدلق :36_1_1[1]:) فركبت العربية وحمدت ربنا وخلاص
بتاع التاكسى نزل وسأل واحد قاله أن اللى ورايا هو اللى غلطان فالسواق راحلة على طول وبدأ يتكلم معاه فى موضوع الأكصدام بتاعه
تخيلوا الراجل بتاع النوبيرا يرد يقولة أية ؟؟؟؟!!!!
قالة هو أنا جيت جنبك ده اللى قدامى هو اللى خبطك (عليا أنا) أتخنقت جدا ساعتها ونزلتلة ، قلتلة (يعنى أنا مكلمتكش تقوم أنت عايز تلبسنى أنا ) المهم الموضوع خلص بأن بتاع التاكسى أستعوض ربنا بعد ما لقى الراجل بيسوحه وبتاع ويجرى منه ويتلاوع ومرة يقولة انا ملمستكشى ومرة يقولة معلش
لما روحت البيت بقى لقيت أن عندى ردة فى الشنطة (حوالى 5 ملى ) مخلية الشنطة متتقفلشى غير لما أضغط عليها لجوة شوية ، فطبعا أتخنقت جدا وتمنيت لو كنت شيكت عليها بعد الحادثة (هى ظاهريا مش باينة خالص بس لما فتحت الشنطة أكتشفتها وهى مش كبيرة الحمد لله)
الحمد لله حصل خير ، وانا مخنوق بس من الراجل اللى معندهوش دم اللى خبطنى ده
وبإذن الله هعدى على أى سمكرى يشوفلى حل فى الشنطة بعد الميدتيرمات (وممكن أروح للعقيد خالد وفرصة أتعرف علية )
وربنا يجعلها آخر الحوادث فى المنتدى كلة
اللون الاحمر مخصص للمداخلات الاداريه فقط لا غير
مشرف عام 4
