مساء الخير,
النهاردة عملت اول صيانة و هي صيانة الألف كيلو عند امير و جوزيف في مدينة نصر. بس بدون زيت و فلتر, عشان بحب اغيرهم برة. كنت قلقان جدا جدا عشان كان في صوت بيظهر (زي حاجة بتحك في حاجة) من العجلة اليمين اما اخد نقرة علي سرعة بطيئة اوي, اوقات تظهر و اوقات لا! خصوصا العربية ملهاش ضمان.. المهم بعد الكشف الكامل علي العفشة, مفيش اي حاجة. وبعد الصيانة العربية اتحطت علي جهاز كشف الأعطال عموما, و العربية فلة, المركز دة في عمالة مدربة و مخدتش وقت كبير و شفت هناك لا يقل عن 5 عربيات نيو سيراتو و شكلهم كانوا بيعملوا اول صيانة بردة, الصيانة الأولي كانت فري (خصوصا اني مغيرتش زيت و فلتر) و كان في استراحة ظريفة و محستش بالوقت اوي و احسن حاجة ان كل حاجة بتحصل قدام عينك يعني بينك و بينها حاجات بسيطة في المسافة و جميع قطع غيار كيا كلها موجودة.. و شكر خاص جدا للبشمهندس رامي علي اخلاقة و مجهودة.