اوكتافيا a4 افضل بمراحل
عرض للطباعة
اوكتافيا a4 افضل بمراحل
ده ال a5 مافيهاش اوبشنز في الميجانii
ههههههههههههههههههههههههه هههههههههاااااي يا نهار إسود.إوعي تكون بتتكلم بجد لحسن أزعل أوي..أنا مكونتش ناوي أشارك في الموضوع عشان محدش يقول في تحيز.لكن إن حكمت أقول a4 من هنا لبعد بكرة.
1- ثبات يكتسح الميجان علي أي سرعة.
2- أمان يكتسح الميجان.
3- متانة تكتسح الميجان.
4- مين قال الصاج زي بعض في العربيتين.لا طبعا.صاج الأوكتافيا 0.9 في حين الميجان 0.6 طبعا بصرف النظر عن رفارف الفيبر.اللي أنا مش شايفها option في حالة الحوادث لا قدر الله.
5- برستيج الأوكتافيا من وجهة نظري أعلي و مسألة أذواق.
6- الموتور 102 حصان (net) مش 101 و السرعة القصوي في الأوكتافيا 215 كم و ممكن أجيبلك فيديو لعربيتي يثبتلك كلامي مع الأخذ في الإهتبار إن العربية علي السرعة دي زي السهم ماشاء الله.أنا باخد غرز بيها علي 170 و 180.
7- سعر إعادة البيع في الأوكتافيا يجيب سعر إعادة البيع في الميجان لمس أكتاف.
8- أوكتافيا ألماني و كل قطعة فيها عليها ختم volkswagen و audi و seat.
9- الـa4 في الأوبشنز اللي تحتاجه من أول الزجاج الكهربا مرورا بوحدات الرفع والتكييف التاتش لحد فتحة السقف و مثبت السرعة.
10- قوللي بقي حضرتك الميجان تتفوق في إييييييه!!!!!! مش عارف بصراحة.:F_eyeb1[1]:
ربنا ما يجيب حبس ان شاء الله نخليني في الخبطه مثلا توك توك ريح علي الرفرف تريحه وبوسه حلوه يعني ينفع يتصلح ام لا
الرفرف الفيبر انا اعرف انه بيمتص الصدمات بس يمتصها لحد فين خبطه جامده ينفع يتصلح ولا بيتغير
ده مخلينا ميال ليها من ناحيه سعرها الرخيص عن الاوكتافيا خصوصا انها موديلات ميجان عاليه ورخيصه
هل محلات قطع الغيار دي منتشره يعني الواحد ميدوخش علي قطعه من محل لمحل ويقولك تعالي كمان اسبوع وبتكلم بالخصوص عن الاسكندريه هل يتوفر بها محلات لرينو
انا مش عاوز اروح التوكيل انا عاوز اصلح عن اي مكانيكي بيفهم بره وده المهم الرينو الميجان ينفع معاها الكلام ده ولا لازم توكيل
هو ده إل انا عاوزه التصليح بره التوكيل
ليه ياباشا متحرمناش من نصيحتك
وكله في الاخر خير لينا علاشان انا عن الكلام بتاع حضرتكم هشتري العربيه
بالنسبة للعربيتان فانا معرفش اقيم غير الاوكتافيا لانها كانت معايا
اولا بالنسبة لموضوع التصليح فا الاوكتافيا ال 4 كلها عبارة عن حساسا
يعنى صباااااااااااح السواد الللى انا شوفته منها فى الغردقة بسبب ان مفيش توكيل ليها بالنسبة لقطع الغيار للؤكتافيا 4 بيتهيئالى موجودة زي الفرنا بظبط منتشرة جدا جدا بالنسبة للصاج انت بتتكلم في قطر انا كنت موقع باب لادا خبطه برفرفي اليمين فى قايم الباب بتاعه من عند الرفرف البابا وهو بيفتحه وقع على الارض هههه عربيا قطرررر اللى عايز يهزر معاك يجرب ودة بالنسبة لل4 لانها امتن بكتير من ال 5 بس يعيبها ان الفور فيها تفيح تحت الموتور بس الفايف العربيا بالكامل .. الفور عربيا برستيييييج جدا وفوق متتخيل والرينو انا برضه بشوفها مش قليلة برده برستيج
الاوكتافيا فئة الهاااااااتش باك الميجان فئة السيدان المتوسط
لو انت من النوع اللي بيتعامل مع التوكيل خليك فى الاوكتافيا بس هما حراميا شويتان بس الشغل هناك تمام الاوكتافيا محتاجة عناية وعمرها مهتخزلك بجد عربية محترمة انا اصحابي الرووس بيسموها فى بالدهم مرسيدس تشيك لانها ثبات وقوة وامان بس هيا بئير باج واحدة
وكمان هيا فعلا 101 حصان بس بصراحة عربيا صعرانة جدا في الجري وكمان موفرة في البنزين وفعلا بتكسر ال 200 انا مجربها ستين مرة بسبب السفر الكتير عيبها اللى انا شايفه فيها اولا الحساسات بتاعة العربيا والضفيرة معقدين جدا لازم خبير اوكتافيا اللى يصلح يا امة التوكيل 2 الكاسيت الرمة اللى اسمه السيمفونى بجد حاجة استغفر الله العظيم ولا كانك عربية صينى وكمان السماعات رديئة جدااا العربيا بالنسبة لاعادة البيع فهيا ميتة على سعرها وكمان بياعه جدا ومطلوبة اوى في السوق وديه كمان نظرية واحد صحبي والده صاحب معرض سيارات جديد واستعمال من رئيي خليك فى الجموووسة ااصد الاوكتافيا على فكرة انا مسميها فعلا الجموسة بسبب طريقة مشيها عربية عضلااات بجد
هي كانت معايه يا باشا والله بس بصراحه ملحقتش استمتع بيها طلعت عيني قعدت معايه خمس شهور مدوخاني فيهم غيرت فيها فتيس وكانت عاوزه ماكينه وبعتها وخصرت فيها قعدت طول الفتره دي مبهدلاني موريش غيرها فمش عارف اشتريها تاني ولا اجيب ميجان
علاشان كده قلت اخد رأي وحوش السيارات هنا بالمنتدي
يا جماعة مش قلنا بالارقام وبدون انحياز؟ تكتسح ايه بس!
المهم
الميجان واخدة 5 نجوم امان للراكبين و السائق
ال ايه4 واخدة 4 و 3 نجوم
فيه حاجة اسمها زاوية ميل منحنيات ودي اقل ف الميجان و ثباتها احسن
و الاوكتافيا كويسة برضه
اي حاجة ميكانيكية وعفشة مش حساسات )فيه حساسات اوكتافيا برضه)عند اي ميكانيكي و لو حساسات يبقي مركز صيانة معتمد كشف ب 50 جنية كمبيوتر
انا اول عربية اشتريتها كانت فيليشيا و باحترم سكودا جدا و سقت ايه4 و 5 كتير عشان اختي معاها واحدة
1- أتفق معاك فيه...مع أن الفرق مش وهم للدرجة دى
2- أزاى و الميجان واخدة 5 نجوم فى أختبارات الأمان الأوروبية بينما ال A4 واخدة 4 نجوم بس ؟؟؟؟
3- يا ريت تعرفلنا المتانة
4- حضرتك مش مهم أنا أو أنت نكون شايفين أنه أوبشن أو مش أوبشن بس فى حاجة أسمها حقائق و الحقائق بتقول أن الرفارف الفيبر فى حالة الحوادث الأمامية لا قدر الله مش بتضغط على الأبواب و بالتالى بتخلى الأبواب تتفتح عادى
5- فعلاً مسأله أذواق......و لولا أختلاف الأذواق لبارت السلع
6- القدرة الحصانية اللى معروفة عندنا فى مصر بيطلق عليها أسم bhp أو brake horse power و أختصاراً بنقولها hp .....الأوكتافيا 101 HP مش 102
102 دى وحدة قياس تانية للقوة الحصانية برضه أسمها PS أو Pferdestärke
و هى وحدة ألمانية الأصل
1bhp=0.987ps
و راجع اللينك ده للتأكيد
إ.koda Octavia - Wikipedia, the free encyclopedia
7 و 8 معاك فيهم
9- أقولك أنا أيه مش موجود فى الأوكتافيا ؟؟؟
1- 6 أيرباج للميجان مقابل 1 أو 2 للأوكتافيا....مش فاكر بالظبط
2- مفتكرش أن مثبت السرعة كان بينزل فى الأوكتافيا
3- باور كهرباء مش زيت زى اللى بينزل فى ال A5 حالياً
4- فيها ABS و EBD مش ABS زى الأوكتافيا
5- مرايات ضم
6- ستائر جانبية و خلفية
7- فتيس أوتوماتيك و ستيب ترونك مش أوتوماتيك بس
غير بعض الكماليات التانية اللى ممكن بعض الناس تشوف أنهم مش مهمين زى حساسات النور و المساحات و خاصية أضاءة النور بعد غلق السيارة أتوماتيكياً لمدة 30 ثانية أو غلق السيارة أتوماتيكياً بعد فترة معينة عشان لو شايل شنط أو حاجة.
و فى الأخر أحب اقولك أنى سوقت A4 كتييييييير و عارفها كويس و جبت بيها 180 كم و جربت موديلاتها من 98 الى 2004
هي كانت معايه يا باشا والله بس بصراحه ملحقتش استمتع بيها طلعت عيني قعدت معايه خمس شهور مدوخاني فيهم غيرت فيها فتيس وكانت عاوزه ماكينه وبعتها وخصرت فيها قعدت طول الفتره دي مبهدلاني موريش غيرها فمش عارف اشتريها تاني ولا اجيب ميجان
علاشان كده قلت اخد رأي وحوش السيارات هنا بالمنتدي
اهه انت بص بتيجى كدة على الجرح الاوكتافيا اللى كانت معايا كانت موديل 2008 كاملة + مثبت سرعه ومنيوال طبعا
انا كنت شاريها استعمال من واحد حزبي الله ونعم الوكيل هو والكهربائي الزبالة اللى كنت مفكره صحبي وهيدلنى على عيوبها قالى هيا مافهاش غير الاير ماس بس هو اللى عايز يتغير بس هيا مش اير مااس بس لا ديه كان فيها بلاوي هيا ورتنى في اول شهر معنى كلمة
الظلم من البهدلة اولا اير ماس ودة متزبطش غير لما فرجنى على برنامج روتانا سينما مش هتعرف تغمض عنيك من البداية حتاه النهاية اتنين حاجة كدة ممكن تؤل عليها فان كونترول وديه اللى بتشغل مراوحها بنظام مبب سرعه اولى وتنقل على السرعه التانية ولازم تفصل وتريح كمان الفان كنترول دة مش موووووووووووجووووود غير مستعمل فى حدود 300 جنيه وده بيشتغل في الاوكتافيا لحد موديل 2006 اما بالنسبة لل 2008 اللى كانت معايا فالجهاز دة مستعملللل تمنه 800 جنيه لان نظام شغله مختلف وكمان مش موجووووووووووووود وناااادر جدا وجوده
وكمان شداد اعدة الفتيس اتكسر وكمان كانت بتاكل زيت الباور وكمان كانت بتقول في الكمبيوتر انها عايزة تيل فرامل بس والراجل طلع حقانى وقالى هيا عايزة تيل لاكن الواقع بعد مشتريت كانت عايزة مش تيل واحد لا اربعه وكمان عايزة اربع طنابير لان طنابيرها متنفعش تتمسح عند الحداد وحاجات يامة انا مش فاكرها اقسم بالله انا شوفت منها اللى عمرى مشوفته فى اول عربيا في حياتى اشتريتها من ايام مكنت فى اعدادى وكانت 127 سوبر فيورا الله يرحمها
الاوكتافيا يفضل انك تشتريها زيرو او تشتريها حالة شاذة كيلوات قليلة
وكمان لازم تاخد بالك من الكهربا بتاعتها لان موضوع الكشف بالكمبيوتر دة وتصحيح الاخطاء انا حاسس انه كله حوارات كل شويا يجيلى واحد ويمديلى فيشة منى لاب توب تحت الدريكسيون ويوصلوه ويؤلى الكمبيوتر وجد في العربيا عشر اخطاء وصالحهم ايدك على 50 او 60 او 70 جنيه دة غير ان كمبيوتر الاوكتافيا باللغة الاتشيكيسلوفاكى يعنى مش هتفهم فيه حرف
فلازم الحااااااااااااااااااااال ة الحاااااااااااااااااااااا اااااااالة ولازم كمان تكون العربيا شركة يعنى توكيل وفكك من الخليجى لانها عشان تدخل مركز الصيانة بتاعها لازم تدفع 7 الاف جنيه عشان تبئه على زمة الصيانة دة غير مصروفهم جواه واسعارهم ظريييييييييييييييفة جدا
يا راجل دة ازاز المرايا الشمال كان عايز يتغير كان تمنه برة التوكيل 100 جنيه الازازة بس مبالك جوة التوكيل
لازم تركز على حالة الاوكتافيا وحط تحت كلمة حالتها ميت الف خط
لانها مبتتلمش بسهولة
صحيح شوية حاجات عشان الناس برضه تعرف
الاوكتافيا 101 حصان تجميع قوى على السرعات العاليه
فيها اير باج واحد بس للسائق في الدركسيون
فيها abs + ebd موجودة في التابلوه في العدادات
فيها اكبر شنطة في تاريخ الاهتش باك والسيدان كمان عدا المرسيدس الشبح انا كنت بشيل فيها شنطتين هدوم وكمان عدة غطس كاااااااملة
وكان بيبها لسة فيها مساحة
اهم ميزة فيها بئه ان الاوكتافيا انا مرة في زفة واحد صحبي ركب معايا 8 افراد غيري وكمان عزم الموتور مكنش بيقل ولا كئأنها فاضية العربيا استيبووول عالى جدا جدا وبجد بجد في الزحمة اطمن عاليها ومد بوزك زي منتاه عايز انشالله لو هتحط وشها اصاد وش دبابة بيك اب وادعي يارب يخبطك وشوف وش عربيته هيجراله ايه
برغم الويل والسواد االللى عيشتهم على اديها بس بجد كنت حاببها جدا جدا
صحيح العفشة والمطبات مش هؤلكم انا مرة اكلت بيها على 140 بتاع اربع مطباااات ورا بعض وكانت الشنطة شبه متفولة وفيها حاجات تئيلة
انا مشفاكر الطريق بس هوصفهلكم كنت راجع من طريق العين السخنة مابين الاسمعيلة والقاهرة تقريبا لانى كنت تايه ومرة وحدة بدووون يافطة وبدون سابق انذار لئيت نفسي باكل المطبات مطب ورا التانى وكنت بفرمل مابينهم عشان مينفعش افرمل فوق مطب واللهى ولا مطب
جااب ارض العربيا العربيا برغم كل العلو بتاعها بس عفشتها ناشفة جدا وكمان الاستيبول بتاعها فى الملفات وعلى السرعات العالية تحس انك مركب عفشة كونى صعب اوى اوى انها تعووم من حد