عرض للطباعة
ارجو من الاخوه اصحاب الخبره انا يعلمونا كيف التصرف الصحيح في حال عطل السياره في مصر اسكندريه الصحراوي اوطريق مرس مطروح اواي طريق خلاء من وهل في ارقام تلفونات نجده اصلاح علي طريق القاهره اسكندريه الصحراوي او اي طريق خارجي اخر الواحد ممكن يتصل بيه ولاه كيف التصرف الامن في هذه الحاله حتي تعم الفائده وربنا يسلمنا جميعا شر الطريق
ان شاء الله ما تحتاج للموضوع ده خالص
وقف العربيه كويس
شغل نور الانتظار
افتح مثلث الطوارئ و حطه علي مسافه 10 امتار من العربيه
التصرف القادم حيكون علي حسب طبيعه العطل
بنزين ° انتظر اول عربيه حتقف لك و روح جيب البنزين و تعالي من اقرب بنزينه
كاوتش ° اقفل العربيه كويس و ابدا غير الكاوتش
عطل غير معروف ° اتصل بالطوارئ علي 0121110000
و كان فيه موضوع عن ارقام ونش الطريق ححاول ادور لك عليه و ابعت لك اللينك بتاعه
انا اسبوعيا علي طريق مصر الاسكندريه
الحمد لله ما احتجتش لاستخدام خطه الطوارئ بس اعتقد انها مش حتخرج عن النقاط اللي فوق
ربنا يسلمك و ينور طريقك و ان شاء الله ما تستخدمش الخطه دي ابدا
0121110000
ابن خالتي في جين تو خبط في كلب على الطريق شالو العربية من نص الطريق تقريبا للقرية الذكية عند شغلة ب 350 جنية ولاد الذين
يا ريت دي القضيه يا كريم يا واحشني
ده المافيا بتلعب دورها هنا قوي
لان الرقم ده رقم بوليس حكومه و اللي علي الرقم مضبطين بتوع الاوناش علي الصحراوي
حصل معايا موقف علي الطريق
شاب بعربيه مرسيدس العربيه جنحت منه و دخل في القواطع الاسمنت اللي علي جنب الطريق
اتصلت بالرقم ده قالوا لي يعني عايز محضر قلت له لا قالي يعني عايز ونش قلت له اه قالي حبعت لك النمره في رساله و بعتها من تليفونه فعلا
و الونش جه بعد ساعه و قالي انهم بيضبطوا الشغل مع بعض نفس المسافه يا كريم تقريبا بس بعد بوابه القاهره و اخد منا 300 جنيه لحد نزله السمان
كله بيتاجر مع كله علي كله
يا تري احنا فين وسط ده كله
ساعات بيكون المبلغ ده مش كتير لو ظروفك صعبة
يعني لو معاك اسرتك والليل ح يدخل
او واحدة ست لوحدها
او السيارة يتخاف عليها من السرقة والبهدلة
هو طبعا مبلغ غالي بس .... مش اوي
ربنا يستر طريقنا كلنا
لا تنسوا دعاء الركوب ودعاء السفر .. هو ده اللي ممكن يفرق كتير اوي في المواقف دي
وانت والله يا هاني يا حبي واحشني كيك
ولولا الحوارات اللي انت فيها ماكنت سيبتك
معلش سايبك للي اعز مني
وكل ماضرب واحدة كادي ولا اي افتكاسة جديدة افتكرك
وعندكم كام منتج جديد شادد حيله
هو انا مابكسبش ليه مع اني بقيت مدمن شيكولاتة:confused:
شكلي هاشجع منافسينكو خاصة بحب مارس وهيرشز جدا
اشوفك بخير يابن امي
ياجماعة المبلغ مش كبير ولا حاجة انا كنت مسافر مع واحد صاحبي وعملنا حادثة في راس غارب الونش خد 1200 بالعافية وكنا الساعة 2 الضهر هو ده بقي الموت وخراب البيوت ربنا يستر