اتاخدت عكس اتجاه وربنا ستر
النهارده كان عندي مشوار في مديريه الامن (رايح اخد منهم الاتاوه)
وفيه شارع بتطل عليه المديريه ممنوع الدخول منه
بس انا كنت كل ما اروح ادخل منه
50 مره بدخل منه ومحدش كلمني
هو الشارع كله ميكملش 50 متر
المهم داخل وزي الفل
لقيت عسكري ماسك دفتر وبيبص لنمره العربيه
فبقوله فيه ايه ياعم بتعمل ايه
قالي انت كده داخل عكس يا بيه
قولتله انا كل مره بدخل من هنا
فين ام يافطه العكس دي (انا شايفها طبعا بس دول 3 بواكي )
قالي علي اول الشارع
قولتله مفيش حاجه علي اول الشارع
قالي طيب اركن وتعالي
ركنت ورحتله
قولتله خير كتبتها ولا لسه
قالي لسه
قولتله فين ياعم اليافطه دي
فقالي علي اول الشارع واخدني علشان يوريهالي
قولتله يعني انت كتبت المخالفه
قالي لا
قولتله يا راجل مخالفت ايه بس
وكان معايا حته بخمسه هي الوحيده الفكه اللي في جيبي
ولو كان اتنطط كان ممكن اديله 50 ولا 100 جنيه
ههههههههههههههههههههههههه هههههه
بصراحه الراجل اخدها بالمحايله ومكانش عاوز ياخد فلوس
وقعد يوصفلي ادخل منين بعد كده علشان اوصل للمديريه من غير ما ادخل رونج
وربنا سترهااااااااااااااااا
والحمد لله
بعد كده حعدي من الطريق الصح ولو ملقيتهوش واقف
حبقي الف وادخلها رونج تاني
ههههههههههههههههههههههههه ههههههههههههه
بس انا طول ما انا عمال اكلمه
بتخيل 30 ورقه ب100 طايرين زي العصافير قدام عيني وبيصحكوا ويلعبوا مع بعض
وبتخيل عش حرير في خزنه النيابه العصافير دي حتدخل فيه
وكل عكس وانتم طيبين
======================
نسيت اقولكم ان طريقه الكلام مني ليه مكانش فيها اي تكبر علشان هو عسكري
اولا انه بني ادم زيي
ثانيا
اننا قدام مديريه الامن
يعني لو صوتي عللي حتنفخ
ههههههههههههههههههه