امتى هنخلص من الحراميه بقى!
السلام عليكم ورحمه الله وبركاته
انا مش عارف ابتدى منين !:rfds:
البلد دى ممنهاش فايده :mahf(5):
احيلكم على اللى حصل معايا
الاسبوع اللى فات يوم الجمعه قبل الصلاه على الساعه 10 كدا كنت رايح 6 اكتوبر فقولت ادخل احط بنزين من بنزينه وطنيه اللى بعد الرمايه مما يعرف عنها بلنظافه والانضباط
دخلت حطيت بنزين وقربت العربيه تتفول ومشيت
بس فى الطريق شميت ريحه بنزين غريبه بس مخدتش فى بالى وقولت اكيد وقع على العربيه شويه بنزين ولا حاجه وخلصت مشوارى ورجع البيت
وبحكم انى بسافر كل اسبوع من غير العربيه فأنا مركبتش العربيه الا انهارده الصبح
برده شمست نفس الريحه بس كنت مستعجل وكبرت دماغى
وكنت رايح العبور فبعد كوبرى المطار دخلت بنزينه موبيل وقولتله فول العربيه لاقيت الرجل بيقوللى ياباشا غطا تانك البنزين مش موجود :120146b:120146b
طبعا اكتشفت سبب ريحه البنزين وان البنزين مبهدل الرفرف كله وواضح ان الدهلن بقع بسبب نزول بنزين لفتره طويله عليه من غير اما يتمسح لان العربيه لونها ابيض
رحت حاطط كيس بلاستك وجواه قماشه عشان اسد الفتحه شويه عقبال اما اشترى غطاء جديد
انا بجد مش زعلان على الغطاء بلقدر اللى زعلان ان فيه حد يأذى حد تانى بلشكل دا عشان حاجه هابله زى غطاء البنزين
يعنى هو هياخده يعمل بيه ايه
انا عمال اجيب مبررات واقول يمكن نسى يربطه بس دا لو كان سابه خالص من غير اى ربط مكنش هيقع او كنت هلاحظ انه وقع
بجد حسبى الله ونعم الوكيل