الموضوع: جماهير الزمالك تهتف لأبراهيم حسن ولا تعليق!

المشاركة الأصلية كتبت بواسطة Karim_Mohy

احييك يا دكتور علي تعليقك من انسان زملكاوي محترم ومش عصبي

شكرا على المجاملة الجميلة

بس اختلف معاك.......( من غير لا شعارات فارغة ولا تعصب )

الاهلي احسن فريق في مصر......ومتفق معاك ان الزمالك مش صغير

الاختلاف للراى لا يفسد للو د قضية هو فعلا لو هانتكلم على النتائج هو الاهلى احسن فريق فى مصر

بس بجد انا شايف احسن ادارة فنية هى الزمالك يتتمثل فى حسام حسن
و احسن فريق فى مصر لانه متكامل و عنده مدير فنى تعلب اسمه طارق العشرى
هو حرس الحدود مش عارف ازاى مش عارف ياخد الدورى (فرق نفسها قصير او معندهاش طموح ) بس فريق تقيل قوى

ومختلف معاك .........لان الزمالك اي نعم جت له فرص كتير امام تعادلات الاهلي..... انه يقرب علي المنافسة.........بس هو للاسف مش بينافس ولا حاجة لانه ببساطة الدور الاول ماكنش مسموعله صوت وحسام فوقه من كبوته صح.......لانه ينافس ع المركز التاني......مش الاول


هو طبعا دلوقتى الدورى محسوم للاهلى و عشان ازمالك ياخده لزم الاهلى يخسر كل ماتشاته و الزمالك يكسب كل ماتشاته اعتقد مستحيل
بس من حوالى اسبوعين كان بينافس و تقريبا خرج من المنافسة لما خسر
اول امبارح
هازود حاجة بس ان فى الدور التانى الزمالك جمع 25 نقطة و الاهلى 21
الدور التانى الزمالك متفوق طبعا متفرقش فى حاجة بس مش ده الاهلى
و فى فارق كبير بين قدرات اللعيبة و المدرب و الاهلى بيكسب عشان اللعيبة جامدة جدا لان مفيش تكتيك حلو فى الماتش يمكن حسام البدرى الاهلى كبير انه يمسكه

ومتفق معاك انه اتظلم في بعض الكور زي ما حضرتك ذكرت.........بس لو هانحسب ......الاهلي اتظلم برضه في بعض الكور والمباريات

اكيد الاهلى اتظلم قى كام ماتش انا ضد الظلم بصفة عامة عليا او على غيرى


حبيت بس احييك علي مشاركتك الهادية دي واللي ياريت تكون علي طول ونشوف كورة فعلا بينافس علي الدوري اكتر من فريق

دى امنية حياتى ان الدور ينافس علية اربع فرق

وتحياتي للجميع

المشاركة الأصلية كتبت بواسطة cairo2005

Ljفق معاك في معظم كلامك الا الجملتين دول
اه الزمالك نادي مش صغير ولا كان صغير بس تصرفات الصغار هى اللى بتقلل من قيمة النادي الكبير

بص حضرتك لكل قاعدة شواذ حصل ان فى قلة عملت شغب و هتفت لابراهيم حسن ده مش معناه ان ده يقلل من النادى و من بقيت الجماهير التانية
زى ما فى اكيد جماهير اهلوية بتشتم فى المدرجات و ترمى شماريخ ده لا يقلل من شان النادى الاهلى شىء ده و ان دل ان احنا ماعندناش ثقافة التشجيع و ان كان ابتدينا نتقدم قى التشجيع خاصة مع بتوع الترا سواء اهلى او زمالك

والاهلى احسن فريق في مصر مش مصدق شوف النتائج الاهلى اتغلب مرة واحدة ولا احسن فريق في مصر اللي اتغلب 7 مرات ؟؟؟؟؟؟؟؟؟؟؟
وبعدين منافسة ايه على الدوري بس
انتم اقنعتم نفسكم ازاي ان الزمالك بينافس على الدوري يا جماعه بالله عليكم الاهلى سابق الزمالك حتي قبل اخر ماتش ب6 نقاط وله ماتش مؤجل مضمون يعني 9 نقاط وباقي 4 اسابيع يبقي بتنافسوا ازاي ؟؟؟؟؟؟؟؟

رديت على النقطة دى فوق

اولا يا دكتور هي مش مجاملة خالص

ثانيا فعلا الاهلي اكبر واحسن فريق في مصر ككيان ولاعيبة وموارد .......أما عن الفنيات ففعلا ماحدش راضي عن اداء الاهلي في مباريات كثيرة........وبرضو الزمالك نفس القصة الدور الاول كان وحش جدا بس في الدور التاني حسام حسن قام بالواجب وقوم الفرقة

أما عن نقطة حرس الحدود فبعتبره حصان اسود زيه زي بتروجيت وانبي مع حذف انبي السنة دي لانه مش حلو


وفعلا تخيل الدوري كده لما اول اربع فرق بينافسوا بعض هايكون عامل ازاي

تحياتي لحضرتك

المفروض الاخوه الاهلويه مايقيموش الزمالك لانهم تقيمهم لن يكون محايد مهما حاولو
وفساد كرة القدم نابع من التحيز لفريق واحد وانتو عارفينه من اتحاد كره وحكام وقوانين تتظبط عشان خاطر فريق واحد بس ولو عاوزين تفاصيل ممكن نشرح وبتفاصيل تزعل الناس (خلينا حلوين ومانزعلش من بعض)
ولو حاتتكلموعن مبادئ وقيم بلاش احسن عشان الناس ماتزعلش فبلاش حد اهلاوى يتكلم عن الزمالك ولفظ صغير ده مايصحش يتقال على نادى المفروض ان مصر كلها تعرف قيمته لو كلامى زعل حد