السلام عليكم
امبارح سابق العربية ولقيت لمبة فرامل اليد بتنور وتطفي كتير وبعديها علاطول لقيت العدادات بتتطلع وتنزل طول ما انا سايق، فاعديت على التوكيل وقالولي مشكلة في العدادات بس مكانوش فايضين يشوفوها!!!!!
محدش عنده علم بالمشكلة دي؟ وهل بسيطة ام لا؟؟؟؟
شكراااااااااا
بمكن يكون العداد نفسه بايظ وعايز بتغير
والله انا كان نفسي اساعد بس سامحني معلوماتي ضعيفة بس انشاء الله عمالقة المنتدى يردوا عليك ويفيدوك انشاء الله وتحياتي للجميع.
اكشف على الفيوزات و على فيشة العدادات اللى فى ضهر العداد
يعني الفيوزات ممكن تعمل كدا ؟
انا المشكلة دى حصلت معايا فى الكورسا السيدان
لمبة الزيت كانت بتعلق وتنور لوحدها
عداد الار بى ام بيعلى و يوطى لوحده
وكانت النتيجة من الكابل الارضى فممكن يكون نفس العيب عندك
طالما لمبة الهاند بريك بتنور لوحدها
و ممكن صح يكون تهريب كابل
ودا مكانه فين الكابل دا
الكابل دة موجود من ضمن الكابلات الداخلة على الكمبيوترالعربية و انا لما روحت للكهربائى لقى ان العزل بتاعه هو السبب فبيلمس و هو العامل المشكلة دى
إن شاء الله تعرف السبب وتتصلح
حضرتك شوف الكابل وقولنا
واحد صاحبى حصل معاه مشكلة مشابهة و طلع الكمبيوتر بتاع العربيه مهيس.
ربنا يستر و تكون بسيطة عندك ان شاء الله
لأ معتقدش انها توصل للكمبيوتر
انا كانت بتحصل عندي في الفيكترا بتاعتي كانت لما بتسخن كدة او امشي بيها فترة ياعني ممكن الاقي لمبة البطارية نورت و العدادات كلها وقعت في الارض المهم كشفت عليها طلعت ان في ic في التابلوة تقريبا باظ فا لما بيسخن بيعمل كدة و الموضوع دا بيتعمل في الحرفيين بس للأسف مقدرش اقولك مين هناك علشان بعتها قبل ما اعملو :D