ضايقت مين النهارده ؟ الكل يدخل ويفضفض ...
مساء الخير على كل واحد موجود ع المنتدى دلوقت ..
جاتلي فكرة ممكن تكون حلوة .. لو ينفع اتكلم معاكم عنها ..
يا ترى لو بتتكلم حد والكلام إتحول مجراه من مناقشه عادية لخناقة كبيرة ...
ممكن تروح بيتك وتعرف تنام ؟
لو حد منكم حصل معاه الكلام ده وجاله الاحساس ده
نومك هربان منك لأنك فقدت اعصابك وصعدت خلاف صغير مع اي حد وحولته لموضوع كبير
متهيألي الواحد لو لقي حد يفضفضله بالموضوع ده او بالخلاف ده
ممكن يقدر ينام وباله مرتاح
ياللا نتكلم قبل وقت النوم
نعتبر المكان ده مكان لتفريغ الهموم . طبعا اللي ينفع نتكلم عنها
يعني حتى لو اكتفينا بوجودنا هنا ع المنتدى
مثلا لو كان حد مننا شارك في موضوع ومشاركته اتفهمت غلط
وخد تعليقات مش لطيفه من أي حد من الاعضاء
على اساس انهم فهموه غلط
لأن كل المنتدى هنا ناس ذوق جدا
يوم بيوم تعالوا نتصافى .. إيه رأيكم ؟
=======
يارب الموضوع يعجبكم
ألفي بشرى