بما ان ده موضوع للفضفضه.....
انا بقى حاسس ان حياتى فاااااااااضيه ومفيهاش اى حاجة....
كل اللى بعمله انى بروح الجامعة وارجع من الجامعة...
واصحابى يجولى او نخرج شوية ونرجع تانى....غير كده لا جديد...
يا مولاى كما خلقتنى....
مستنى حاجة كده بقالى شهر وشوية وطول المدة ده زى ما اكون عامل لحياتى pause لاجديد...
مبقتش استمتع مع اصحابى ولا استمتع بالخروج ولا بالاكل ولا بأى حاجة غير حاجات بسيطة اوى والحمد لله....
بصحى من النوم مصدع ودى حاجة مخليانى مش مرتاح لأنى مش حاسس بطعم النوم....
بقيت ببكى كتير جدا وعلى اى حاجة...
نفسى اقرب من ربنا والتزم فى الصلاة ومفوتش فرض....
ونفسى ابطل سجاير..وبشرب كمية سجاير عبيطة كل يوم...
مزعل ناس كتييييير جدا منى...
بقيت انسان لا مبالى...لا مبالى بأى حاجة...ولا اصحاب ولا اخوات ولا بحياتى ولا اى حاجة...باستثناء ابويا وامى والمذاكرة...
قافل على نفسى بألف باب وخمسين الف ترباس...
مش مخلى حد يقربلى...وحتى اللى كانوا قريبين منى بعدتهم عنى...
نفسى اقابل اعضاء كتير من المنتدى هنا...بس خايف ليطلعوا مقلب..
نفسى اخلص جامعة على خير...
يمكن الحاجة الكويسة الوحيدة اللى بعملها انى بقرأ قراّن...
حاسس ان حياتى بقت ابيض واسود...
انا عارف ان الانسان هو اللى المفروض يخلق لنفسه السعاده..بس انا فاقد الرغبة فى اى حاجة...
لامؤاخذة على الرغى...انا محبتش اكمل عشان محدش يجيله صداع..
وتصبحوا على خير....
:)
المفضلات