الموضوع: كيف يمكنك تفادى الحوادث للمبدئين والمحترفين تجارب عمليه

المشاركة الأصلية كتبت بواسطة the_black_knight

متشكر جدا على الموضوع الممتاز دة و اسمحلي أشارككم فيه
في الواقع أنا بركب عربية بس بصراحة بحب البايك جدا بكل أنواعها ( ولو اني تقريبا ما ركبتهاش غير مرة واحدة في حياتي )
و بصفتي بركب عربية أقوللكم على أكتر الأخطاء اللي بشوفها من راكبي البايك
- لما تكون ورا عربية و تحب تغير اللاين لازم تبص في المراية او تبص وراك لأنك ما تعرفش العربية اللي جاية من وراك سرعتها ايه

- ما تقربش من العربية اللي قدامك اوي و خلي لنفسك مسافة تلحق تفرمل فيها لأن [gdwl]فرامل العربية أقوى لأنها بتفرمل بأربع عجلات[/gdwl]
- لو عايز تاخد غرز بين العربيات ما فيش أي مانع , لكن سيب براح للعربية اللي وراك , و ما تاخدش غرز ضيقة , لأن ببساطة خبطة في جنب المتوسيكل و هوة بيلف معناها انك لا قدر الله هاتنزل تحت الكاوتش

- لو لا قدر الله وقعت في وسط الطريق , أول حاجة تعملها ترمي نفسك على الرصيف بأقصى سرعة ( مع مراعاة انك تبص على العربيات الأول بسرعة طبعا , بدل ما تبقى عربية بتفاديك و انت تنط قدامها ), ما تبصش على المتوسيكل حصل فيه ايه , سلامتك و حياتك أهم

و اخيرا , قاعدة لأي حد بيركب أي حاجة ( مش متوسيكلات بس) , أمان الناس و سلامتهم أهم من أي حاجة , مهما كنت مستعجل , او بتسابق مع حد , أو حتى بتجري لأن ليك مزاج تجري , دايما حط أمانك و أمان الناس قبل أي حاجة

ربنا يسلم طريقكو و عقبالي لما أبقى بايكر زيكو

تمام ياباشا......بس معظم فرامل الدراجات النارية وخصوصا الريسينج اقوي من فرامل اغلب العربيات......يعني العكس الي راكب ريسينج يخلي باله من انه فرامله اقوي لان ممكن عربية تخبط فيه لو فرمل جامد وعلشان كدةالافضل لراكبي الدراجات انه مايطولش كتير في التواجد بين عربيتين لخطورة ذلك.......حتي في الاشارات يفضل الوقوف جنب العربيات مع التاكد انهم شايفينك...... وليس خلفهم......ومراعاة النقطة العمية وتجنب اطالة التواجد فيها لخطورتها الزائدة......وربنا يسترها علي الجميع.

نصائح مهمة فعلا الله ينور عليك يا باشا