عرض للطباعة
يا جماعة انا قدامي حالا عربيتين واحدة لانسر بومة 2008 ماشية 60 الف كيلو 1300 مانيوال فبريكة برة و جوة و التانية كرولا 2004 ماشية بردوا 60 الف الكرولا اوتوماتك فل اوبشن و سعرها 80 الف و الانسر سعرها 75 الف بس الانسر من جوة تحس انها فقيرة لا مسند بين الركاب و جنوط
اختار اية بجد انا قدامي عشر دقائق و ارد علي الناس لانهم بكرة هيروحوا السوق لو مخلصتش معهم الناهردة ؟
يا جماعة عايز حد يرد عليا و و يديني رد مقنع؟
الكورولا لانك واخد مميزات احسن و فل اوبشن و اتوماتك ده لو بتحب الاوتو و استخير ربنا و توكل على الله
طيب بالنسبة لقطع الغيار و الصيانة سهلة و رخيصة و لا لازم توكيل قصدي بعد كدة مصاريف الصيانة هتكون عاملة ازاي ؟اقتباس:
المشاركة الأصلية كتبت بواسطة ahmed galal
القطع الغيار الاصلى بتاعت التويوتا اغلى من المتسوبيشى عربيتى الكورولا موديل 94 عشان اجيب حاجتها الاصلى باصرف كتير لو كان معايا لانسر كرستالة مثلا ما كنتش صرفت كده بس فيه ميزة ان القطع الاصلية معمرة جدا جدا و كمان العربيتين بيتشابهو فى توفر قطع الغيار و اصلى و تقليد و استيراد و الصيانة للاتنين سهلة برة عند ميكانيكى نضيف او حد متخصص فيهم و مش هاتضطر تروح التوكيل بس ضرورى قبل الشرا الفحص ثم الفحص و ما تقلقش من التويوتا لو مظبوطة و صيانات فى مواعيدها ان شاء الله مش هاتحتاج حاجة غير انك تسوق بس
كمان حاجة لو هاتجيب اى عربية فيهم احجز فى التوكيل و اعمل فحص شاسيه و ميكانيكا الاوبشن موجود فى التوكيلين و العربية لو فيها هفوة هايطلعوهالك هايكلفك بتاع 300 او 400 جنيه مش فاكر قوى الصراحة و حجز بس هاتشترى نفسك انا عربيتى 94 و دخلتها التوكيل بس من سنتين و الحمد لله طمنونى و كانت بس رشة بره
و تقدر من قسمى التويوتا و المتسوبيشى فى المنتدى تعرف المشاكل اللى قابلت الناس و هاتلاقى ان مشاكل التويوتا لحد الجيل ده قليلة جدا و شبه معدومة كمان التويوتا عربية برستيج و شياكة عن الانسر و اوسع و كمان هتلاقى مرايات ضم و طارة متحركة و ازاز كهربا و كونصول فى النص و حاجات كتير حلوة ان شاء الله
و باكرر تانى اننى باحترم اللانسر و اصحابها على راسى من فوق عشان الناس بتزعل بس انا تويوتاوى
طيب معلش انا عارف اني برخم عليك بس سؤال كمان معلش استحملني هي الكرولا كدة سعرها غالي ولا ده سعرها ؟اقتباس:
المشاركة الأصلية كتبت بواسطة ahmed galal
لو عايز تعرف رينجها خش على contactcars بيديك فكرة عن الرنج بتاعها بس السعر قريب من المعروض فى الموقع و اللنك اهه و ممكن النهارده الجمعة تنزل السوق و تسالاقتباس:
المشاركة الأصلية كتبت بواسطة ramy01011
ContactCars | السيارات المستعملة
انا كنت مقتنع بالكرولا بنسبة 70% دلوقت خلاص بقت 99% انا ان شاء الله هكلم صاحبها الناهردة ادعي ربنا يوفق في البيعة و شكرا جدا لحضرتكاقتباس:
المشاركة الأصلية كتبت بواسطة ahmed galal
تسلم و ربنا يكرمك فيها و يجعلها من نصيبك و تنضم لنادى التويوتااقتباس:
المشاركة الأصلية كتبت بواسطة ramy01011
لانسر يا باشا ده كفايه فرق ال 4 سنين ده غير ان اللانسر قطع غيارها مرميه في كل حته علي عكس الكورولا ده غير ان الكورولا تقيله شويه في بيعها
توكل على اللة و هات الكورولا انا كنت في نفس حيرتك دية بالضبط بس كان معايا كورولا 2002 بعتها و جبت لانسر 2007 بعتها و رجعت جبت كورولا 2004 ركوبة تانية و اشيك و تحس بقيمة السعر فيها و مش هتندم لو جبتها
و لو العربية ال2004 اوتو مش راشة برة يبقى كدة السعر ممتاز
لو راشة حاول تنزل 2000 كمان
هي اوتو و موش رشة لا برة و لا جوة ممكن اسئل حضرتك ه عاملة اية معاك في الثبات؟اقتباس:
المشاركة الأصلية كتبت بواسطة fouad nour
الموضوع ده هايفيدك
http://www.nilemotors.net/Nile/4887-1300.html
توكل على الله وهات كورولا
وابقى طمنا خلصت ولا لآ
........................
محمود عينو
الكرولا عشان اوتوماتيك بس الثبات والموديل الاحدث في صالح اللانسر
يا جماعة بعد ما خلاص استقريت علي الكرولا بعد الاجماع و خلاص كلمت صاحبها في التليفون علشان اربط معاة لاقيته سافر و قالي اسبوع و راجع و بعد الاسبوع ما خلص و خلاص رايح بقي بالفلوس علشان اخلص لاقيته بيكلمني و بيعتزر و بيقولي خلاص موش هيبيع يالا قدر الله و ما شاء فعل
بس بجد انا زعلت اوي
اقتباس:
المشاركة الأصلية كتبت بواسطة ramy01011
ما تزعلش كله قسمة نصيب و ربنا يجيبلك الأحسن ان شاء الله
لانسر عشان قطع الغيار