الدخول للاستفادة الاعضاء :- فليشيتى بقة تمام الحمد لله
النهارده كان يوم جميل بعد ان استعادة عربيتى كامل كفائتها و الحمد لله
و هو كنت النهارده بغير عدد 2 مساعدين امامى و الاسكترا ( علبة الدركسيون )
الموضوع كان فى البدايه بدات العربيه فى عمل اصوات غريبه من الامام مع صوت خبط و ترزيع
فى الجزء الامامى للعربيه مع عدم اتزان بعد 100 كيلو متر فى الساعه فاروحت للميكانيكى بتاعى و الحمد لله امين و محترم فى التعامل و بيرعى ربنا و
ظروف الواحد المهم روحت وشرحتلو قلى لازم انا اجرب بنفسى و دى ميزته قبل اصلاح العيب و بعد اصلاح العيب
لانه بيقولى التجربه بنفسى تختلف عنك قوللتو اتفضل و طلعنا بالعربيه و قعد ياخد خرز و مطبات قلى العربيه عاوزه تغير المساعدين قلى قدام و علبة الدركسيون
و قعد يشرحلى قلى المساعدين فى ترشيح زيت من المساعد يعنى خلاص كده عمره الافتراضى انتهى
و قلى علبة الدركسيون فيها بوش جامد و خلى العربيه ثابته و حرك العجله يمين و شمال من غير ما الدركسيون يتحرك فعلا لقيت كلامه صح
وروحت سالت سعر قطع الغيار غاليه نار
عدد 2 مساعدين امامى و فضيه و تركى 450 جنيه
(فاضيه يعنى من غير سوسته او بطاحه )
الاسكترا الصينى من 220 جنيه الى 250 جنيه
و الاسكترا الالمانى 850 جنيه
قولتالو كده كتير قووى وانا مبحيبش الصينى شهر و الاتنين و هغيروهم تانى قالى فعلا الصينى وحش جداااااااااا
و الاسكترا الالمانى غاليه قووووووووووى
قالى خلاص نجيب استيراد قالتلو على ضمانتك قلى ماشى ياعم نحدد يوم و نروح نجيب الحاجه دى
جيبت اتنين مساعدين المانى اصلى كاملين بالسوست بتاعتهم و البطاحه و كل حاجه على التركيب على طول و حاله كويسه 250 جنيه و جيبت الاسكترا المانى اصلى و بحالهجيده 200 جنيه الحاجه و تيبس لصيبى بتاع المحل 10 جنيه و غير مشريب القهوه خمس جنيه
ورحنا ركبناالحاجه فى ساعتين زمن ورحنا محل ظبط زاويا وظبطنا العربيه 20 جنيه و بقة تمام الحمدلله
و هو خد مصنعيه 100جنيه على تركيب الحاجه دى و ظبطلى الكاربتير و ظبط ريجلاش الفرامل ورا و قدام
و الحمد لله بقة تمام
و الصنايعى ده محترم لسه الدنيا بخير
ودى حكايتى النهارده مع فليشيتى الجميله