ارجو مساعدة من الشباب انا لسه جديد في الاسكودا وعايز اعرف ازاي اقدر احافظ على العربية صيانه وقطع غيار زيت كده يعني واماكن الورش في جسر السويس م نصر اللي ممكن اتعامل معاها وشكرا للردود مقدما
عرض للطباعة
ارجو مساعدة من الشباب انا لسه جديد في الاسكودا وعايز اعرف ازاي اقدر احافظ على العربية صيانه وقطع غيار زيت كده يعني واماكن الورش في جسر السويس م نصر اللي ممكن اتعامل معاها وشكرا للردود مقدما
سيدي الفاضل... هناك ميكانيكي اتعامل معه تقريبا من ٣ شهور، كان د.أمير عضو في المنتدى كان كتب عنوانه... بصراحة الرجل دة ممتاز جدا و أمين جدا جدا جدا. أنا عملت عنده عمره كاملة لموتور او العربية ما شاء الله ذي الفل من ساعتها...
هو للعلم مبيحبش نظام الشغل اللي أي كلام يعني لما بيشتغل في حجة لو شف حاجة تانيه بايظة لازم يغيرها...مثلا وأنا بعمل العمرة لأ طاقم الدبرياج مش كويس، ف جبنا وحد جديد ألماني الأصلي ب-٤٢٠ وطبعا مكنتش عمل حسابه بس فعلا القديم كان لزم يتغير... فهو زود التكلفة شوية بس عمل الصح
بس العيب الوحيد إنه مش بيحب حد يجدله كتير (يأوح) هو بيشوف او الكلم إلي بيقوله بيكون الصح....
اللينك دة فيه عنوانه ورقم الموبايل بتاعه
http://www.nilemotors.net/Nile/showthread.php?t=3919
لو حبيت تروحلوه قوله انك من طرف د.أمير أو م. بهاء اللي عملتله عمرة الفليشيا الكحلي
و يارب تستفيد منه لو فعلا رحتلوا
يا استاذ pippo
ممكن من غير رزاله اعرف العمره كلفتك كام تقريبا لاني عايز اعمل عمره لعربيتي الفبفرويت يعني لو مفهاش احراج
شكرا للاستاذ Bahaa Elgohary واتمنى ان تتاخر الزيارة للاسطى على وهو ميزته انه قريب من شغلي
أولا أنا بعتذر بشدة عن التأخير في الرد
ياسيدي ولا رذالةولا حاجة هو دة الهدف من المنتدى إن كل الناس تفيد بعضها.
العمرة إتكلفت تقريبا ٣٥٠٠ بس أنا كنت مغير طاقم دبرياج كامل وكابالن
أسعار قطع الغيار كانت
اشتريت بلوك موتور فليشيا كامل ب-١٠٠٠ وأخد منه كرنك، بلات، بساتم، كراسي (أنا معنديش خبرة في الميكانيكا ف في حاجات مش عارف كاتب اسمها صح ولا لأ )
كابالن ألماني ٣٥٠
طاقم شنبر ١١٠
طاقم دبرياج ألماني ٤٢٠
تيل فرمل ألماني ١٠٠
جوانات متعددة تقريبا ١٢٠
خراطة وش سلندر (جلخ /كشط) ١٠٠
خراطة ( بورنج) ١٢٠
قاعدة كربراتير ١٥٠
اويل سيل كرونة واويل سيل كرنك ٥٥
زيوت و بنزين ١٢٥
قاعدة إسبرتر ٤٠
بوجهات ٤٠
حاجات تانية ومواصلات حسبة ٢٠٠-٢٥٠
أنا مفصلتش في المصنعية عشان كنت عايز أخلص من الموضوع دة فالمصنعية دي على حسب طبعا الميكانيكي و تعاملك معه بس هو كانت عالية شوية بس فالمقابل خلص في ٣ أيام ودة بعتبره إنجاز
على العموم لو حبت تعرف أي معلومة تانية أهلا وسهلا بيك في أي وقت
Welcome any time