لما نقول فول ابشن و متكونش مرايات كهربا؟؟؟؟؟

**ash257** · 10-04-2010 09:56 PM

المشاركة الأصلية كتبت بواسطة meedoo69

موضوع التسقيف بيحصل لما تكون على سرعه اقل من نقله العربيه اما الاصوات موجوده فى كل لعربيات المصرى و هى لاتذكر بالنسبه لكفئه العربيه و امكانيتها الحمد لله 9000 كم بدون شكوى جوهريه من السياره

الحمد لله

ربنا يباركلك فيها إن شاء الله

**human** · 10-04-2010 10:38 PM

انت بتقارن عربيه رخيصه و مالهاش اسم غير فى مصر و شكل من سنه 2000 بعربيه موديل 2010 صينى بتحاول تلاقى زبون و تقنعه مش بتبيع الهوا و تقول عربيه

**hemaa_82** · 10-04-2010 10:44 PM

الله يكرمكم جميعا ..... اكيد لازم انسي لان فيها كتير و جل من لا يسهو .....

بس تصدق انا مجربتش امشي بالشنطة مفتوحة:) .... لازم اجرب ... بس الشنطة مبتتفتحش وانت ماشي مهما حاولت ... معلومة جديدة ولا قديمة؟؟؟؟؟؟ لازم تكون واقف علشان تفتح الشنطة

**ash257** · 10-04-2010 11:01 PM

المشاركة الأصلية كتبت بواسطة hemaa_82

الله يكرمكم جميعا ..... اكيد لازم انسي لان فيها كتير و جل من لا يسهو .....

بس تصدق انا مجربتش امشي بالشنطة مفتوحة:) .... لازم اجرب ... بس الشنطة مبتتفتحش وانت ماشي مهما حاولت ... معلومة جديدة ولا قديمة؟؟؟؟؟؟ لازم تكون واقف علشان تفتح الشنطة

قديمة

حبيب قلبي .. بهزر معاك طبعا .. أنا فعلا أعرف المعلومة دي قبل كدة بس أكيد في ناس متعرفهاش

**hugan** · 10-04-2010 11:32 PM

انا مشيت قبل كده كتير والشنطه مفتوحه لاني با احط فيها حاجات بتكون بارزه اولا اول ما تمشي الا نذار يشتغل علي طول وريتم سريع لكن طالما مصمم انك تمشي وهيا مفتوحه الشنطه يعني كل 3 دقايق النذاريشتغل + جسم السياره كله يظهر في التا بلوه وبيبان امامك ان الشنطه مفتوحه اظن ان ده اوبشن اضافي + انذار الا بواب لما تعمل صوت لو مشيت والباب مفتوح

**M.Osman** · 10-04-2010 11:38 PM

المشاركة الأصلية كتبت بواسطة human12

انت بتقارن عربيه رخيصه و مالهاش اسم غير فى مصر و شكل من سنه 2000 بعربيه موديل 2010 صينى بتحاول تلاقى زبون و تقنعه مش بتبيع الهوا و تقول عربيه

مش عارف انا فهمت قصد حضرتك و لأ ..
بس الفيرنا المصري شكلها من سنة 2003-2005 و يوجد موديل موازي ليها حتى الأن في الهند (اللي هيا الفيفا- دي اللي شكلها من 2000-2002 )

يعني لو الفيرنا عربية budget لمصر
فالفيفا budget و زيها للهند
و الإتنين تحت الأكسنت (اللي اسمها فيرنا في الهند حالياً)

الموضوع كله تسويقي .. و انا شايف ان هيونداي نجحت انها تخلق عربيات للشريحة السعرية من موديلات اقدم اثبتت إعتماديتها

**M.Osman** · 10-04-2010 11:49 PM

المشاركة الأصلية كتبت بواسطة human12

فيفا ولا فيرنا الاتنين عار ان شركه تسوقهم فى مصر

و ديه مالهاش دعوه بهيونداى لا هيه و لا الماتريكس
ده سرقه بيسرقوها للمصريين ياخدوا فلوس قصاد عربيات مافهاش قيمتها ولا فيها اى متطلبات رفاهيه ولا اى متطلبات امان حتى الفرامل!!

اااه

كدا دخلتا حارة سد ....

بس حضرتك متوقع اية في الفئة دي ؟؟
انا عن نفسي مش عايز اكتر من الإعتمادية .. والتكييف
و الحمد لله راضي

**hemaa_82** · 11-04-2010 12:02 AM

بشويش ...بشويش...

احنا مش ضد بعض.....

يتهايألي اي حد بيجيبفرنا عارف كويس جدا ان هوه بيشتري موتور و تجميع و تكييف و الحمد لله .....

محدش بيجيبها و فاكر انه راكب يعني هامر....

و برضه الm11 مش باجيرو يعني ... ماهي برضه بتلعب في 75 الف مش مليون ....

انا كان هدفي من الموضوع كله اعبر عن صدمتي من كلمة فول اوبشن من غير مرايات ....بس ... مش بعيب في الفيرنا ........ اكيد عربيتي فيها حاجات اكتر و احسن بس ده ناتج عن حاجتين ... انها اغلي و برضه انها صيني فدة يخلي لو كانت بنفس السعر فلازم يكون عندي اكتر لان القيمة السعرية للمنتج الصيني اقل سعرا حتي لو"حتي لو" بنفس الكفاءة .....

بس لما انا اقول فول اوبشن يبقي عيب الاقي حاجة عند واحد اخويا معاه نفس عربيتي .....

ليه الوتوماتيك فيها مرايات كهربا و المانوال لا؟؟؟؟؟؟ هوه حد قالوا رخص تمنها يعني ؟؟؟؟
ده كان هدف الموضوعععععععع.......... ارحمونا من الهبد والرزع في بعض وفي الاخر الحرامية هما المستفيدين ....

الحيادية و العقل هما اللي هيجيبولنا حقوقنا و نبقي احنا كمستهلكين احسن بس قولوا يا رب

**M.Osman** · 11-04-2010 12:06 AM

يا باشا لا هبد و لا رزع.... احنا بنتناقش بالراحة اهو

-

الموضوع: لما نقول فول ابشن و متكونش مرايات كهربا؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

مرايات كهربا

سعر 4 باب ازاز كهربا + سنتر +مرايات (كهربا او عادة) بكام؟

مرايات كهربا لل128

طلب صغنون (مرايات كهربا لكورسا 95)

يارايس - هل ممكن اضافة كمايات الفول ابشن الي الهاف ابشن

الكلمات الدلالية لهذا الموضوع

المفضلات

المفضلات

ضوابط المشاركة