لما نقول فول ابشن و متكونش مرايات كهربا؟؟؟؟؟
س:لما نقول فول ابشن و متكونش مرايات كهربا؟؟؟؟؟
ج:
1 العجل في بطن امه؟؟؟؟؟
2 الخل الوفي؟؟؟؟
3 غبور؟؟؟؟
الاجابة طبعا غبور......
النهاردة اختي قصدتني اروح معاها نستلم عربيتها ..... فرنا مانوال فول اوبشن GLS ..انا عن نفسي قلت كويس .... هسوق العربية اللي كنت بفكر اشتريها قبل نقاوة ....
قبل ما تنزل ال m11 و في نطاق الميزانية اللي كانت معايا كنت بفكر جديا اشتري فرنا .... كنت عارف ان فراملها مش = لموتورها , كنت عارف انها مش ثابته علي سرعاتها العالية ..و كنت عارف ان غبور بيستهبل في الكماليات"بالنسباله" .....
كنت بقول انها لو جنطت هتكون ثابتة ... و الفرامل طالاما بتمسك تبقي تعود
انما عمر ما جه في كوابيسي ان الفول اوبشن بمرايات منافلة؟؟؟؟؟؟؟؟؟؟؟؟؟؟؟؟؟؟؟ ؟؟
ازاااااااااااااي ادفع 4 الف جنيه في زجاج كهربا و فتحة شنطة من جوة؟؟؟؟؟؟؟
العربية ب 65500 في العرض اللي منزلينه"اساسها ب 68000" و مافيهاش:-
1 شبورة حتي قدام
2 مكن رفع
3 مرايات كهربا
4 جنوط سبور
.................................................. ............................
اول مركبت العربية و دورت الموتور لقيت صوته عالي التنين ... التابلوة عداداته غايه في القدم ... كل انزارات التابلوه بتسكت بالرغم من عدم تفعيلها" معني انك لو ملبستش الحزام هيه هطنش و مش هتفضل منورة من اساسه".... القعدة محسساني ان انا فوق قوي و عريان خالص ...
السي دي اللي فيها رودستار؟؟؟؟؟ ده حتي علق و مكانش راضي يخرج السيدي بتاع القرآن....
................
وانا سايقها جه في بالي الفروق مابينها و مابين نقاوة ....
الفيرنا ارخص 10000 جنيه
بس الm11 فيها ايه زيادة؟؟؟؟
1 جنوط 16 سبور مع كاوتش low profile
2 سنسورز مساحات + نور
3 فتح شنطة من الريموت
4 ABS+EBD
5 سي دي + USB+ AUX+SD
6 تحكم في الزجاج الكهرباء حتي و LOCK ON بس من عند السواق + مكن رفع + نزول كلي لاي زجاج بالضغط السريع " الفرنا بتنزل علي السواق بس "
7 شبورة قدام و ورا
8 مرايات كهربا
9 مخدع في نص الكنبة + مدمج فيه حامل اكواب
10 مخرج كهرباء اضافي غير الولاعة + كونسول كامل
11 تابلوة اشيك 10000000000 مرة بالاضافة الي منبهات في غاية الدقة "حزام بعد سرعة لمدة 10 دقائق بمنبه صوتي + فتح ابواب بمنبه صوتي + خطأ في سرعة تشغيل السيارة بمنبه صوتي + عدادات استهلاك بنزين لحظية و متوسطة لاخر 100 كيلو"
12 تنك اكبر حوالي 10 لتر
13 صالون و كراسي اشيك و اريح" تعديل مساند رأس الكراسي الامامية في 4 اتجاهات "
14 مفاتيح تحكم في السنتر بدون الحاجة للتعامل مع المسوجرات
15 ثبات و نظام تعليق افضل و اقوي غير ارتفاع السيارة افضل مليون مرة
16 لا داعي لذكر الشكل
.................................................. ...................
كنت فاكر اني لما اركبها مش ححس بفرق عن عربيتي باعتبار ان m11 صيني بقي و دي مهما كانت هيونداي ......انما للاسف ... او بالادق بالنسبالي انا لله الحمد اني استخارتي هدتني لاقتناء نقاوة .......
تاني و بالرغم من الكلام الكتير اللي بنقوله هنا , لو معايا 90 الف جنيه و هاشتري عربية .... ان شاء الله برضه هجيب m11.... علي الاقل لحد دلوقتي بعد مكسرت ال 8500 كيلو و لسة و الحمد لله العربية ممتعة
ربنا يديمها نعمة و يحفظها من الزوال
قال كنت هجيب فرنا قال ...... اعوذ بالله يا شيخ
اتمسوا بالعافية :colsmil:و السلام عليكم
