أى نوع من التابلوهات يتركب على فيات الـ132 و أستفسار بخصوص زراير الأزاز الكهربا

**AMA** · 09-04-2010 10:31 AM

بسم الله الرحمن الرحيم
السلام عليكم ورحمة الله وبركاتة

معلش يا أخوانا دا كام أستفسار كدة أنتوا عارفين أننا بحب أدرس الموضوع كويس أوى قبل العربيه نفسها عشان الواحد ميبقاش محتاس فيما بعد

و يا ريت إلى يعرف معلومات عن كدة يقول و ميبخلش علينا يمكن الكل يستفيد

أولا التابلو

طبعا مش بتاع البى أم نفسه أنا قصدى هل فيه يعنى تابلوهات للفيات 132 فى نفس مقاسه و يتركب عليه و عندى كام سؤال برضة عشان أسهل عليكم الفهم شوية (الفيات 128 مثلا بيركب عليه تابلو الأوبل كورسا) طيب و من هنا جه السؤال

1- ماهى أنواع التابلوهات أو الموديلات إلى ممكن تركب على فيات 132 ؟ و يكون التابلو و الدرج بتاعة كبار
2- هل ينفع يتغير العدادات فى الـ132 من الشكل المستطيل لعدادات تانيه مدورة ؟ و هل هتأثر على قراءة العداد ولا لأ ؟
3- بالنسبه لوش الفتيس ينفع برضة يبقى بنفس الشكل دة ؟ بمعنى أنه يتعمل حوليه حاجة فايبر زى المسند إلى بيكون بين الكرسيين و يبان منه الأيد دى بس ينفع ولا لأ ؟
4- تكلفة التابلو بتغيير العدادات و وش الفتيس إلى بيكون بين الكرسيين بالمسند هيعمل كام ؟

ثانيا الأزاز الكهربا
طبعا الكل عارف أن ممكن يتركب على الفيات 132 زجاج كهربا طيب ماشى
بيكون فيه مسند كدة فى السيارات الحديثة تحت طفاية السجاير الصغيرة و بيكون فيها الزرار بتاع الأزاز الكهربا طيب هل ينفع يتركب مسند فى الباب و يتحط فيه زرار الأزاز إلى بالكهربا
و يا ترى أية تكلفت برضة الازاز الكهربا للأربع أبواب بالمساند فى الباب والزراير؟

**AMA** · 09-04-2010 03:39 PM

سمعت أن تابلو الأرجنتا بيركب على الـ132 و أخدت أقتباس من الموضوع دة هنــــا
هل الكلام دة فعلا حد جربة أو صحيح 100%

المشاركة الأصلية كتبت بواسطة x100

بالنسبة لموضوع التابلوة اللى قال علية الاخ sir_servizio هو الرد اللى قال علية Drift_Lover بخصوص الكسوة الجلد ممتاز وانا شخصيا عاملة لكن تابلوة الارجنتا بيركب عليها حكاية وبيخلى صالون العربية حكاية ودا موجود فى 3 اماكن بور سعيد والوكالة والحرفيين واخص سعر بورسعيد حوالى 600 وطابعا هتقولى مركبتهوش لية هقولك فى الخطة الخمسية الجاية

و شكلة أية التابلو دة ؟

**OZY** · 09-04-2010 05:47 PM

بالنسبه للتابلوه يركب عادى بس محتاج تأخد كهربائى معاك وانت بتشتريه
انا شفت عربيه 125 متركب فيها تابلوه دايو لانوس وطبعا شكلها تحفه
والأزاز الكهربا ده انت ممكن تشوف فرش الأبواب بتاع الدوجان او الشاهين الجديد اللى بينزل بأزاز كهربا وتشوفه ممكن يركب عندك عادى

**AMA** · 09-04-2010 06:23 PM

المشاركة الأصلية كتبت بواسطة ozy

بالنسبه للتابلوه يركب عادى بس محتاج تأخد كهربائى معاك وانت بتشتريه
انا شفت عربيه 125 متركب فيها تابلوه دايو لانوس وطبعا شكلها تحفه
والأزاز الكهربا ده انت ممكن تشوف فرش الأبواب بتاع الدوجان او الشاهين الجديد اللى بينزل بأزاز كهربا وتشوفه ممكن يركب عندك عادى

و التابلو يعمله فى حدود كام لو زى بتاع الدايو لانوس بالعدادات مثلا فى حدود كام ؟

و وحدات الرفع للأربع أبواب مع الفرش و طقم الزراير يعملهم كام برضة ؟

**magyver** · 09-04-2010 08:20 PM

انا اعرف ان التابلوة البي ام ال 316 بيركب علي ال 32
شوف الموضوع دة كدة

http://www.nilemotors.net/Nile/135063-316.html

**MohaMed_Refaat** · 09-04-2010 08:25 PM

انا حاليا بدرس المشروع دة وقريب جداااااااا حنفذة
انى حركب تابلوة bmw 316 m40 بتابلوة العدادت كامل

بس المشكلة انى لسة مش لاقى كهربائى فاهم يدعمنى انا لقيت التابلوة فعلا لكن لسة مش عارف حيركب ازاى
والعدادت حتتوصل ازاى ؟؟؟؟.........الحرارة والبنزين وضغط الزيت وال rpm والسرعة

يا ريت لو حد يعرف كهربائى ممتاز يقدر يفيدنى فى الحكاية دية ؟؟؟؟؟؟؟

**AMA** · 10-04-2010 03:57 AM

المشاركة الأصلية كتبت بواسطة mohamed_refaat

انا حاليا بدرس المشروع دة وقريب جداااااااا حنفذة
انى حركب تابلوة bmw 316 m40 بتابلوة العدادت كامل

بس المشكلة انى لسة مش لاقى كهربائى فاهم يدعمنى انا لقيت التابلوة فعلا لكن لسة مش عارف حيركب ازاى
والعدادت حتتوصل ازاى ؟؟؟؟.........الحرارة والبنزين وضغط الزيت وال rpm والسرعة

يا ريت لو حد يعرف كهربائى ممتاز يقدر يفيدنى فى الحكاية دية ؟؟؟؟؟؟؟

محمد رفعت باشا والله منور الموضوع و معجب جدا بأطلاعك على كل جديد بصراحه
المشكلة فعلا فى توصيل العدادات لو على تركيب التابلو فأكيد فيه مقاسات كتيرة (مع عدم علمى لأى موديل) بس أكيد فيه حاجات تتناسب مع العرض بتاع العربية و حتى لو أعرض هيتقص منه حاجة بسيطة و إن شاء الله ربنا يوفقك فى تركيب التابلو الجديد بالعدادات بس خلى بالك لازم يكون كهربائى نضيف عشان قراية العدادات تكون مظبوطة و دقيقة لأن سمعت أن فيه ناس ساعات بتركب عدادات تانيه و أر بى أم تانى وبيكون بيقرى العدادات غلط يعنى ممكن تكون ماشى على 100 و يقولك أنك ماشى على 80 أو العكس
بس عايز أستفسر منك حاجة بس بسيطة
التابلو بتاع البى أم إلى حضرتك ناوى عليه يعمله كام جديد و كام مستعمل ؟ و تركيب العدادات و المصنعية كدة يعملوا فى حدود كام ؟