جميع الشخصيات فى هذه القصة....خيالية
ماعدا أنا.....والطريق الدائرى
--------------------
فى الطرق الدائرى .....أقود الآن الجين تو ...وتظهر على وجهى علامات الاستمتاع والانبساط ....وتجلسى نفسى بجوارى ...ولاحظت أنها لاتتحدث على غير عادتها و تنظر الى متأملة متفحصة كأنها ترانى لأول مرة
أنا___.... : مالك .....سرحانة فإيه...وبتبصيلى أوى كده ليه
أنا___.... : لا بجد....اصلك قاعدة سرحانة وساكته كده....ده حتى حزام الامان مربطيهوش...
نفسى___*:أصلك غريب أوى....
أنا___.... : غريب ازاى يعنى
نفسى___*:يعنى بحس انك لما بتركب العربية دى بتتحول
أنا___.... : هههههههه..... بتحول......اه.....يعنى ببتدى أخضر ...وابقى الرجل الاخضر....ولا سنانى بتطلع وابقى دراكولا
نفسى___*:طول عمرك هاتفضل سخيف كده...ومعرفش اتكلم معاك كلمتين على بعض من غير ماتتريق...انا مش عارفة أنا مستحملاك ازاى
أنا___.... : ماهو انتى الى بتقوليلى ...بتتحول....ماتفهمينى كده وتقولى كلام واضح
نفسى___*:اسمع طيب وانت ساكت......يعنى انت بتسوق عربيات تانية كتير.....صح؟
أنا___.... : أيوة .....صح......ها.....خللصى
نفسى___*:لما بتركب بقى الجين تو....بتتحول وبتعمل حاجات غريبة
أنا___.... : ياربى....أعمل فيها ايه دى......احدفها من الشباك واخلص منها.....ولا أدخل بيها فأى عمود نور واستريح....أبوس ايدك....... فمهمينى.....اشرحيلى.....وضحيلى ......نيلينى
نفسى___*:طيب طيب....ماتزقش كده......يعنى بتقعد تجرى بسرعة كده......وتيجى يمين وشمال...وبحس كده انك شايف نفسك حبتين
أنا___.... : اه......فهمت.....ماتقولى كده من الصبح....أشرحلك....هى العربية بتدينى احساس بالثقة...مش بحس بيه لما بركب العربيات التانية....علشان كده مش بحس انى بعمل حاجة غريبة
نفسى___*:أه فهمت......بس مش للدرجة دى
نفسى___* : لالالا.....انا مش مقتنعة خالص بالكلام ده......مهما كان ....ايه يعنى....اهى طلعت ولا نزلت عربية زى بقيت العربيات
أنا___.... : أيوة ياستى.....هوا انا قلتلك طيارة.....انتى اللى بتسألى ...وانا جاوبت
وسكتت نفسى لحظات......وأحسست انها تفكر فى كلامى......واخذت تنظر الى السيارة وتتفحص فيها.....وقالت لى
أنا___.... : أيوة ....بس انتى بقالك كتير ماسوقتيش....واحنا على الدايرى وكده....وبعدين افرضى حد شافك وانتى سايقة.....هايقول ايه......العربية ماشية لوحدها......ماتستنى شوية
نفسى___*:خليك جدع بقى وهات لفة
أنا___.... : ماشى.......بس شوية صغيرين.....انا مش عايز مشاكل
ووقفت......وأبدلنا الاماكن......واخذت نفسى عجلة القيادة...وجلست أنا بجوارها.....وانطلقنا.....
وبدأت نفسى تقود .....وماهى الا لحظات.....واذا بها منطلقة.....وصرخت بها
أنا___.... : ايه ياستى.......بالراحة شوية.....فى ناس غيرنا فى الطريق
نفسى___*: تصدق عندك حق....العربية دى غريبة أوى
أنا___.... : مانا قلتلك كده......خلاص بقى كفاية .....ياله اقفى.....كفاية كده
نفسى___*:لا لا ...كمان شوية
أنا___.... :......لا....كفاية بقولك.....انتى معاكيش رخصة.....ولو قابلنا لجنة....هايحبسوكى
وبينى وبينك......أحسست انها فكرة جيدة لأتخلص منها لفترة......ولكن ماذا يضمن انهم لن يأخذونى معها......بما أنى المسئول الوحيد عنها.....فتراجعت فورا عن هذه الفكرة الخطرة
نفسى___*: تصدق انك شخصية غلسة....انا ماصدقت .....ماشى ....اتفضل أدينى وقفت.....اتفضل انزل تعالى سوق يا خويا
وما ان وقفت .....حتى نزلت من السيارة وذهبت للخلف متجها نحو الباب......واذا هى منطلقة مرة اخرى....ولكن بدونى هذه المرة
نفسى ( من شباك السيارة): خليك هنا بقى شوية......ماتمشيش لغاية ماجيلك......بصراحة كان عندك حق ......أنا هاخد كام لفة مش هاتأخر............بااااااااااى
أنا( مهرولا خلفها): يابنت اللذينا ......طب لما اشوفك تانى
وجلست مكانى منتظرا.......الهانم....نفسى.....ح تى تأخذ اللفة.....ومرت ساعة تلو الاخرى... وأنا ارى سيارتى تمر من أمامى كل فترة.........
فنفسى يا صديقى العزيز.....أخذت تلف الطريق الدائرى .....معتبرة إياه...... حلبة سباق......وهى منطلقة فيه بسرعة جنونية.......ولاحظت انها بعد ذلك لا تلف منفردة....وانما تطاردها الكثير من السيارات الزرقاء......والدرجات البخارية ....وواضح طبعا ان جميع سيارات شرطة الدائرى تتطاردها وهى سعيدة.....مبتهجة......وتنظر لى فى كل لفة وتلوح لى بيدها من الشباك........وتقول لى
متقلقش ياحبييى........دى أخر لفة
وجلست أنتظر سيارتى ....ونفسى....ودوريات الشرطة والمرور
-----------------------------------------------------