شهر التوعية المرورية !!!!

**Samir Elshahawy** · 09-04-2010 12:47 PM

السادة / أدارة منتدي نايل موتورز المحترمين ....
السادة / أعضاء المنتدي الكرام ....

اسعد الله أيامكم كلها بالخير ....
كلنا نتحدث و نشكوا من المخالفات المرورية و تعرضنا لحوادث او مضايقات ناتجة عن جهل الاخرين بأبسط قواعد و قوانين المرور , و دعونا من جانب غياب رجال المرور أو عدم قيامهم بواجباتهم أو تفرغهم لأمور أخري لا داعي لذكرها بموضوعنا هنا

كنت قد طرحت منذ أيام موضوع "المجال الحيوي للسيارات" و كيف أن علاجه ببساطة هو التزام الناس بالحارات المرورية أو المسافات البينية

لذا فكرت في طرح فكرة المشروع التالي عليكم و لكم حرية القرار فيه :
بما أننا منتدي للسيارات يضم عدد كبير من الاعضاء الذين يستخدمون الطرق المصرية فلما لا نبدا بانفسنا بتخصيص موضوع شهري يتم تثبيته بمعرفة الادارة و بتعاون الاعضاء عن زيادة الوعي المروري لأعضاء المنتدي أنفسهم في بند محدد كل شهر , فعلي سبيل المثال :
1- يتم تخصيص موضوع عن قواعد المرور في الميادين مثلا خلال هذا الشهر و في الشهر الذي يليه ننوه عن قاعدة مرورية أخري و هكذا
2- و هنا يقوم الاعضاء بدورهم في توعية الناس خارج المنتدي بما عرفوه من خلال face book او أي منتديات أخري هم مشتركون بها بالاضافة الي نشر هذه المعلومات بين أصدقائهم و زملائهم بالعمل و معارفهم

أرجو ألا أكون قد أطلت عليكم
و تقبلوا وافر تحياتي
م/ سمير الشهاوي

**3ateef** · 09-04-2010 05:12 PM

فكرة ممتازة....نشر الوعى بين الناس حيكون فى مصلحة الكل....
بارك الله فى حضرتك على الفكرة....
مشكور جدا....

**Amr Axel** · 09-04-2010 07:09 PM

فكرة حلوة و يا ريت تتنفذ و هتكون في صالح الجميع

**بحري** · 09-04-2010 11:32 PM

فكرة جميلة يا باشمهندس سمير وياريت لو ممكن تتنقل لأرض الواقع بأي طريقة ولتكن تدريجية

**romeo_6887** · 09-04-2010 11:34 PM

فكره ممتازه

**temokemo** · 10-04-2010 01:24 AM

فكرة ممتازة

**hse920** · 10-04-2010 01:49 AM

الفكره جامده جدا
وياريت ده يحصل فعلا واحنا من نفسنا نلتزم من غير اما يكون علينا رقيب او نخضع للعقاب

**م/مصطفى محمود** · 10-04-2010 02:14 AM

فعلا فعلا فكرة أكثر من رائعه ومهمة جدا ، خصوصا مع عدد الأعضاء الموجودين هنا (اللى المفروض جزء من المجتمع)

فأنا شايف انها هتبقى فكرة جميلة ، وممكن أستاذ كريم يخليها زى الإعلانات الأدرية اللى لازم نشوفها علشان نكمل تصفح للمنتدى + تتبعت رسالة خاصة لكل الأعضاء

وأحنا كأعضاء نعمل شير للموضوع نفسة على الفيس بوك (بحيث ننشرة بين نسبة أكبر وفى نفس الوقت نجذب ناس أكتر للمنتدى)

ويا سلام لو يتعمل أعلان فى الهيدر عن الحملة ، وتبقى بجد حملة قوية ويكون فى ناس مُشرفة عليها (مش مُجرد موضوع وخلاص لأ ده كذا موضوع بيهتموا بالنقطة دى وبيشرف عليهم مُشرف القسم التعليمي)

يعنى تبقى فعلا حملة حملة ، والأدارة تدعمها (علشان دعمها مهم جدا فى النقطة دى علشان التنظيم) وتبقى شاغلة الأعضاء وفكرهم (اللى هو أبقى نازل من بيتنا بقول أنا بإذن الله هفضل مُلتزم بحارتى الإسبوع ده) ويبقى فية مثلا القواعد والمشاكل الواقعية (أن مفيش حارات فعليا) والحلول مع اللى لسة مش بيحترمها وهكذا

فعلا فعلا فكرة جميلة وفىة أنتظار باقى الآراء