الموضوع: الترخيص لتانى مره!!!!!

السلام عليكم ورحمة الله وبركاته
معلش ده تانى موضوع اعمله بخصوص الترخيص
انا معايا عربيه شاهين 1400 سىسى موديل 2004
بس هى بأسم والدى مش بأسمى انا
المهم انا عندى فحص باذن الله الشهر اللى جاى وعاوز اخلى العربيه بأسمى انا مش بأسم والدى
ينفع يعمللى توكيل بيع لنفسى وبيه اروح الفحص وتتنقل بأسمى؟ ولا لازم ينقلى ملكيه فى الشهر العقارى؟ لان بيتهيالى نقل الملكيه ده غالى بحوالى 800 جنيه وشكرا

التوكيل يخليك تفحص و تستلم الرخصة و تعمل جميع اجراءت الترخيص
بس لازم يتكتب فى التوكيل التعامل مع المرور واستلام الرخصة
يعنى يتكتب فى التوكيل
البيع لنفسة و للغير و القيادة و التعامل مع المرور و استلام الرخصة و جميع التعاملات المالية و الادارية و التعامل مع المصالح الحكومية .

لو عايز تغيرها بأسمك لازم تنقل ملكية فى الشهر العقارى مافيش حل تانى

واى خدمة