الموضوع: لكل من يحب أن يشارك في عمل الخير ..

السلام عليكم و رحمة الله و بركاته

مين مننا عايز أو نفسه يعمل خير بأي شكل من الأشكال و يكون له ثوابه ......؟!

أنا بدعو أي شخص عنده النية للإنضمام لجمعية تنموية اسمها "صحتنا "
الجمعية هدفها و غرضها الأساسي هو التوعية الصحية للمواطنين للتعريف بالأمراض المختلفة و أسباب و كيفية إنتشارها و طرق الوقاية و التعريف عن السلوك الصحي السليم .

و الجمعية منشأة حديثا ضمن برنامج اسمه " منتديات الصحة العالمية " , و تعمل بمبدأ أن المؤمن القوي خير عند الله من المؤمن الضعيف , و هي لا تهدف إلى فوائد أو عائدات ربحية بل العكس الشباب ساعات هما اللي بصرفوا من مالهم الخاص , و هما شباب خلوقين و هدفهم الأساسي هو تأدية دورهم في تنمية المجتنع و النهوض به على أكمل وجه و أنا جتلي لفرصة أني أشتغل معاهم في عمل جماعي من حوالي الأسبوعين , و شاركوا ضمن برامجهم في عملية تطوير بطن البقر .

علشان كدة أنا أتشرف بدعوة أي حد يريد الإنضمام إليهم و المشاركة , علما بأن انا ليس لي مصلحة أو حتى الجمعية و لكن فقط كنت عايز أشارك معاهم بس الظروف مش سامحة لأنهم عملهم في القاهرة و انا من طنطا علشان كدة حسيت أن من واجبي أني أساعدهم بالطريقة اللي أقدر عليها , لذلك أي عضو يحب الإنضمام إليهم أهلا و سهلا .

ملحوظة هامة بكررها علشان محدش يفهم بطريقة مختلفة الدعوة دي ليست لأغراض تجارية أو اي مصلحة شخصية لي أو للجمعية أو لأي عضو من أعضاء الجمعية

و لو حد هيحب يشترك معاهم إن شاء الله هيملى إستمارة فيها بياناته الشخصية و هيحدد هو هيقدر يشارك بكام ساعة أسبوعيا و هيحدد مجال تميزه سواء أعمال كتابية على الكومبيوتر أو تصميم أو كتابة قصص أو أعمال الوسائط المتعددة .... إلخ , لتحديد مدى الإستفادة من كل عضو في مجال تميزه .

و أي حد يحب يشترك يروح مقر جمعية مجددون في شارع صقر خفاجة من شارع البطراوي المتفرع من عباس العقاد عمارة 27 الدور الأرضي و يسأل على أ / نداء إبراهيم مسؤولة الموارد البشرية .

و الله من وراء القصد و هو يهدي السبيل

ط¬ظ…ط¹ظٹط© طµط.طھظ†ط§ | Facebook

World Health Forums ظ…ظ†طھط¯ظٹط§طھ ط§ظ„ظ†ظ‡ط¶ظ‡ ط§ظ„طµط.ظٹط© طµط.ظ€ظ€ظ€ظ€ظ€ظ€ظ€ظ€ط� �ظ†ط§آ© | Facebook

للرفع .....

شكرا بارك الله فيك