الموضوع: متابعة للشكوي بتاعتي

روح فرع المقطم و اسأل على وائل جيار فى خدمة العملاء

المشاركة الأصلية كتبت بواسطة ada7

توكيل رينو توكيل سيئ وفرع العبور الاسوء
رحت صيانة ال5000 اشتكيت من الفتيس المهندس حاول يقنعنى انها عادى وان انا مكبرها
اللى انا واثق فيه ان العربيه اتغسلت بس

نسيت تقول اللينك
http://www.nilemotors.net/Nile/140348-a.html

المشاركة الأصلية كتبت بواسطة hardlive

الاهم دلوقتي : انا مش يهمني اني اشتكي حد بعينه هناك انا يهمني عربيتي الحاجات اللي فيها تتعمل بمعني اللي يعرف حد هناك يقولي عليه ويوصيه عليا وانا هاروحله اطلبه بالاسم في اي فرع مش شرط العبور لاني واضح اني الدنيا مش هاتمشي غير بالمعرفة هناك

فعلا hardlive

هو لازم العبور متخطف رجلك لغايه العامريه تعمله هناك انا بفكر في كده اهو اصيف واصون كرامتي قصدي سيارتي
وعشان تعرف غلاوتك عندي اللينك اهو
http://www.nilemotors.net/Nile/139526-5000.html

بس الخوف يطلع مهندس مش مهندسه

المشاركة الأصلية كتبت بواسطة hardlive

السلام عليكم
انا كنت عامل شكوي ضد توكيل العبور نتيجة اني العربية مش اتعمل فيها حاجة خالص من عازل وعضة فتيس واهمال بعد الغسيل والفتيش ماشاء الله بعد الصيانة بقت نقلاته زفت خصوصا الاول وكلمني مهندس اسمه استاذ محيي وسمع مني وقاللي تجيلي يوم الاحد او الثلاثاء توكيل العبور
المهم قولت بدل ماخد يوم مخصوص اجازة من شغلي واروح ويقولي اني قطع الغيار مش موجودة او مش يعملوا فيها حاجة ويبقي يوم وراح علي الفاضي انا هاخد نص يوم واروح الاول اتكلم معاه لقيت جديدة اصبح اروح من الصبح او اليوم اللي هو يحدده مش لقيت جديدة اهو يبقي الخسارة ضعيفة
المهم روحت فعلا اخر اليوم سألت عليه كل ماسأل واحد يقولي تلاقيه في الورشة ودخل ينادهولي مش خرج استنيت شوية وروح سألت واحد تاني قاللي تلاقيه بره ثواني وجي استنيت واخرتها اخدت بعضي ومشيت وانا بقول كويس اوي اني مش اخدت اجازة (مفيش نظام )

الاهم دلوقتي : انا مش يهمني اني اشتكي حد بعينه هناك انا يهمني عربيتي الحاجات اللي فيها تتعمل بمعني اللي يعرف حد هناك يقولي عليه ويوصيه عليا وانا هاروحله اطلبه بالاسم في اي فرع مش شرط العبور لاني واضح اني الدنيا مش هاتمشي غير بالمعرفة هناك

هوه حضرتك قعدت هناك قد إيه ؟

المشاركة الأصلية كتبت بواسطة hardlive

انا روحت الساعة 4.15 ومشيت 4.50 وكنت متوقع اني هاروح الاقي مهندس محيي في مكتبه بس للاسف ده مش حصل لاني من عدم النظام الللي هناك محدش عارف اي حاجة عن اي حد وكل ماتسأل حد يقولك حاضر ويروح ماشي معقولة يعني مركز الموظفين اللي فيه عددهم قليل وشخصية واضح انها كبيرة زي مهندس محيي ومش عارف اوصله في اكتر من نص ساعة معقولة يعني ؟

هوه انا شايف ان اللى حضرتك بتقولة ديه حاجة تفرح وتطمن كمان

لأن الواضح ان مهندس محى على ما اعتقد مدير الفرع ومش من المفروض أصلا انه ينزل الورشة ويروح ويجى بس ده بيدل على الإهتمام مش أكتر وحضرتك كده كده رايح فى نهاية اليوم يعنى هما مش هيعملوا أى حاجة حتى لو كنت قابلته

الكلام ده انا استنتجته لأنى شفت بعينى مدير فرع المقطم بيعمل كده لما كان يوم فيه ضغط شغل كان بيروح يتابع العربيات بنفسه

نصيحة الموضوع مش محتاج واسطة ومش محتاج اى حاجة انزل اى يوم من الصبح بدرى وقابلة وهتشوف كلام تانى خالص غير الفكرة اللى حضرتك واخدها عن التوكيل بس من اول اليوم عشان يشتغلوا فى العربية وطمنا عملت إيه