حد يرد عليا بسرررررررررعة
من 5 دقايق موبايل بابا جتله الرسالة دي "إنزلي البلد ضروري عمي لقي تماثيل دهب وتماثيل حجارة وعيزين حد يصرفهم"
برقم طبعآ
أعمل إيه علشان أوقف الحرامية دوووووووول
بسررررررررررررعة أررررررجوكم
عرض للطباعة
حد يرد عليا بسرررررررررعة
من 5 دقايق موبايل بابا جتله الرسالة دي "إنزلي البلد ضروري عمي لقي تماثيل دهب وتماثيل حجارة وعيزين حد يصرفهم"
برقم طبعآ
أعمل إيه علشان أوقف الحرامية دوووووووول
بسررررررررررررعة أررررررجوكم
مش فاهم حاجة
انتو لاقيتو تماثيل دهب في البلد و مش عايزهم يتباعوا يعنى !!
يااااااااالهوي
ياعم مش إحنا ياعم
رسالة جت بالخطأ ع الموبايل
معرفش مين ده أساسآ
اعتقد دى اشتغاله كبيره....وفاكرينك حرمه وعايزين يشتغلوك....
لو الموضوع حقيقى خليهم يحطوا التمثيل فى قسم البيع والشراء مش فى الاجتماعى هههههههههه
بلغ البوليس ووريهم الرسالة وهما يجيبوا صاحب الرقم
والله إنتو ناس رايقة
أقسم بالله مابهزر ياجماعة
حاسس إني هالبس ف مصيبة
أنا أفضل حاجة أروح مديرية الأمن وأوريلهم الرسالة
احتمال كبير جدا جدا انها تكون اشتغالة وعاوزين واحد يكلمهم ويقول لهم جات لي رسالة كذا ..طيب آسفين .. طيب قول لي الموضوع .. الموضوع كذا .. طيب انا ممكن اشتري.. ماشي بس دول يسووا ملايين عموما احنا عاوزين 100 ألف اول عن آخر .. خلاص اتفقنا .. شيل البيعة .. يا خبر دي طلعت مزورة وتسوى 20 جنيه
عادي النهارده النصب بالموبايل شغال علطول زي اشتغالة رسالة انا حولت لك رصيد وانت اساسا موبايلك خط مش كارت
نسيت اقول ان النصاب دايما بيدور على طماع
وفي الحالة دي الطماع مش هيبلغ لأنه اساسا هيشتري حاجة ملك للبلد يعني عمل مش قانوني
هما بأه بيدورو على الطماع ده
تقريبا دي اشتغاله وممكن اول ما تكلمهم يعملوا عليك تمثيليه ويقولولك هات فلو س علشان نطلع التماثيل واول ما نبيعها هنقسم معاك ويضحكوا عليك
بلغ البوليس مش هتخسر حاجه (ممكن يطلع الموضوع بجد وتتشهر وتطلع في التليفزيون ياعم مين قدك )
وابقي طمنا
الصح أنك تبلغ لسببين الأول أنهم ممكن يكونوا فعلاً حرامية آثار والبوليس هيعرف يتصرف ساعتها ثاني سبب أن لو اللي بعت الرسالة نصاب بردوا لازم ياخد عقابه عشان مينصبش على غيرك يعني في الحالتين التصرف السليم هو أبلاغ الشرطة .
يا جماعة يعني هو حرامية اثار هيبعتوا sms ؟؟؟؟؟!!!!!
يعني هما مش عاملين حساب ان ممكن حد يشفها بالغلط حتى لو كانت اتبعتت للنمرة الصح
اشتغالة طبعا
شكلها نصباية
انا مش فاهم صاحب الموضوع قلقان كده ليه...ياباشا كبر مخككككك والله انا لو مكانك اشتغلههم
انا حصلت وجت على موبايل والدتى
بس محطناش فى دماغنا
طيب افرض ان الموضوع بجد ومسكوهم لقو نمرة سيادتك على تليفونهم هيا والرسالة دي ... ح يبقى انت موقفك ايه في القلل المتحدة .....
بلغ احسن
مش لازم يكونوا حرامية,فى ناس عادية بتلاقى اثار فى بيوتها فى بعض القرى و بيحولوا فعلا يصرفوها
و انا من رايى ان اللى يلاقى حاجة زى دى من حقة ان يبيعها ولكن بيع التماثيل حرام ممكن لو تمثال دهب يتباع على انة قطعة دهب مش اكتر
انا شايف انك تطنش
من فتره كان فيه برنامج في التليفزيون عن الموضوع ده
وفيه ناس اتنصب عليهم
ما بين 20 الف و200 الف
روح اعمل محضر في القسم
انا جاتلى رسالة زيها بالزبط من 3 شهور ....
وطناش الطناش ولا حصل حاجة ...!!!!!!!
دى طريقة جديدة للنصب ... والنصاب دائما بيلعب على طمع الضحية
ياجماعة آسف لو كنت ضايقتكم بالحكاية دي لإني مش عاوز رجلي تتجر ف بلاوي زي دي تاني
قبل كده جتلي رسالة بالخطأ "كلمني ضروري حياه أو موت"فإتصلت لقيتو كان قصدو رقم تاني وطنشت بعدها بيوم جالي ظابط شرطة وحوار كبير
المهم كنت هالبس ف جريمة بسبب رسالة بالخطأ
فأنا مش عاوز والدي الراجل الطيب يدخل ف مشاكل
بس مش أكتر
وشكرآ لكل الناس إللي إدتني رأيها
يا راجل ماتقلقش قوي كده
قانون الاثار الجديد بيدي للمواطنين الحق في الاحتفاظ بيهم بعد الابلاغ عنهم
يعني ممكن يتباعو عادي و اللي هايشتريهم يبلغ عنهم إنه لاقاهم و يفضلو معاه , يعني خلاص , تجارة الاثار دلوقتي بقت رسمي و شرعي
وعلى فكرة أنا اخويا جاتله رساله برضه زي دي من كام شهر , كبر دماغك
هى الاشتغالة دى لسة موجودة
حضرتك ماتقلقش خالص من الموضوع ده
دى نصباية صغيرة بس بقالها كتير قوى اكتر من 4 سنين
انا جوزى اتعرض للموقف ده من اربع سنين ومااهتمش طبعا بالموضوع
من سنة جاتلنا المكالمة دى تانى ومن اشخاص مختلفين وبرده ماهتمش
من شهرين تلاتة كدة واحد صاحبه وقع فى الفخ ده وراح للناس دى فعلا وضحكوا عليه وخدوا منه 50 الف جنيه وادوله برديات مضروبة وبالنسبة للتماثيل قالوله واحد شم خبرهم وجه اخدهم وقال انه هايرجع ياخد البرديات بس طبعا علشان حضرتك هانبيعهم بالتمن ده ونهرب من هنا ومش هايعرف يوصلنا
واكيد طبعا حضرتك عرفت ان البرديات دى شوية ورق ليس لهم اى قيمة
لسه جاى رساله زى دى بالحرف على موبايل والدتى ومسحتها
ولا كانى هنا
لانها اشتغاله ومفقوسه يعنى
ممكن تكبر دماغك انما لو حابب تكون ايجابى يبقى لازم تعمل محضر
واحد سمعت عنه من بعيد كدة لبس الحوار ده
ناس أقنعوه أنهم بيدوروا علي أثار في سيناء و بتاع
و قالوله إحنا نلاقيهم بس منعرفش نطلعهم برة لو إنت "قلبك ميت" خدهم و إطلع بيهم و بيعهم التمثال ييجي بعشرة مليون .. إحنا عايزين 150 ألف بس .. عرقهم و فلوس راجل مبروك هييجي يصرف العفاريت اللي مع الأثار .. باع عربيته كان لسة جايبها كورولا الجديدة و راح
و فعلاَ راحوا مع الناس دي و حفروا و لقوا التمثال اللي هما دافنينوا طبعاَ .. و كنت بشوف الواد قاعد يقسم بقي يقول انا هاخد إتنين مليون و فلان كام مليون و خلاص انا غني مش عارف هودي الفلوس دي كلها فين .. و لبس لبسة سليمان الحلبي
اعتقد دى واسعة شويه
باشا انت بتتكلم عن شخص اعرفه لسة لابس في الحيط من موضوع زي ده بالظبط بس في المنيا
بالنسبة للرسائل دي انا جالي منهم اكتر من رسالة وآخرها رساله مكتوب المرسل bank مكتوب فيها بالحرف الواحد " مبروك فزت بصك رقم 2310 وقدره 20 ألف دولار اتصل بالرقم 003598815400109 " طبعا أكيد أكيد من غير نقاش نصب وعبيط كمان
جاتلى نفس الرسالة من كام اسبوع وواضح انها اشتغالة مدام عمالة تلف
هما بيجروا ريق الناس يمكن حد يقع فى ايديهم ويقولهم انه يشترى ويضحكوا عليه ويدوله اى تماثيل وخلاص
وبعدها بكام اسبوع لقيت جريمة قتل حصلت وهما بيحكوا طلع ان اللى قتلوا بعض كانوا ضحكوا على واحد واهموه انهم معاهم اثار وفى الاخر قتلوا بعض علشان اختلفوا
لا والجميل انك لما تكلمهم تلاقى النغمة دعاء دينى ويسيبك تسمعه وبعدين يرد عليك علشان تطمن على الاخر
ولما كلمته قالى معلش جاتلك غلطج استر عليا ياباشا يحسن دى تهمة
وانا طبعا عمال اضحك وبقفل معاه وهو مستغرب انى مسالتوش على اى حاجة
النصاب عايزله طمااااااااااع
شوف حضرتك
ديه نصبيه طبعا والكلام غير قابل للنقاش
انا بقى حصل لى العن من كده
واحد اتصل بيه وبنسبة كبيرة الشخص ده يعرفنى أو حد معرفه بياناتى
بيتكلم بلهجة صعيدية
الو ايوة يا باشا - انا جى لك فى مصلحة ولقمة عيش لينا ولولادنا
....* انت مين يا حج
والله لقمة عيش حلوة
....* يا سيدى فهمت انت مين
انا واحد كنت شغال معاك وعارف عائلتك وعلاقاتك ومعارفك
....* شغال معايه فين
والله يا باشا ديه فرصة العمر
....* اختصر عايز ايه
والله يا باشا احنا كنا بنحفر عندنا فى البلد ولاقين دهب وياقوت ومرجان وعلى بابا
....* وانا مالى ؟؟؟
يا باشا انا عارف علاقاتك وعارف انك مزنوق بأمارة كذا وكذا( حاجة انا كنت لسه بايعها وفعلا بعتها بخسارة لأنى كنت مزنوق جدا)
....* حلو أوى انا عايز اعرف بقى انت مين علشان ما خربش بيتك انت واللى جابك
والله يا باشا انا عايز لك الخير
المهم قافلت فى وشه واتصلت بالمحامى بتاعى قالى ولا كأنك سمعت حاجة وكبر دماغك
كلمت واحد قريبى قالى نفس الكلام - كبر دماغك ديه مجرد نصبيه من شخص أهبل
الأفضل أنك تبلغ فى مديرية الأمن
الإيجابية فى المواضيع دى أحسن
علشان يتمسكوا ونحمى نفسنا وأخواتنا وصحابنا والناس الطيبين والسذج والغلابة اللى بيحلموا بالربح السريع من شر النصابين
بلغ ومش هاتخسر حاجة