هل مستوى لانوس انخفض بعد ما بقت شيفرولية ؟؟؟ وماهي العيوب الشائعة فيها

**samirayad** · 10-04-2010 07:39 AM

المشاركة الأصلية كتبت بواسطة dr_mak

انا ركبت مع تاكسي شيفرولية ...وبعدين لقيت لمبة البنزين الحمرا منورة ومؤشر البنزين في النص...فسالتة على السبب قالي ...بصراحة انا خدت مقلب في العربية دي ...انا كنت شاريها على اساس انها زي الدايو ....بس اكتشفت انا طرمبة البنزين صيني ام 170جنية والمؤشر بيخرف واللمبة الحمرا بتور بمزاجها....والموبينة ضيني برضة 170 جنية....

ولاظت حاجة غريبة ..انا خبط بايدي على الطبلوة لاقيت بلاستك ضعيف اوي عامل زي العربيات الضيني(الجيلي )والدركسيون بلاستك مش اسنفنج مضغوط زي الدايو

صوت الماتور ...مش عاطفي زي صوت لدايو ...بصراحة الواحد بيقفل الشباك ويقعد يسمع في صوت الماتور في الدايو ....الشيفرولية حسيت ان صوتها مزعج وفية صوت تكتكة عامل فكرني بصوت الجلي الصيني

الحاجة الوحيدة الي ضافوها في الشيفرولية ...انهم حطو قوايم حديد في الابواب من جوا علشان يتقلو العربية علشان الصدمات ...والقوايم دي هي السبب في الشيفرولي ارتفاعها اقل من الانوس على الارض

راحت فلوسك يا صابر

يبقى لو على كده

نفولها ............السلامو عليكم

على راى خكيم

وبلاها ناديه ............وخليك مع سوسو

**bakkarahmed** · 10-04-2010 07:51 AM

انا فعلا ركبت الشيفرولية وحسيت ان التابلوه فيه حاجة غلط
1-لونه افتح من عندنا& كمان ردئ الخامة اوي
2- كمان لما فتحت الكبوت لقيت كمان وش الموتور البلاستيك اللي لونة اسود عندنا مش مكتوب علية اي كلام ولا حتي علامة شيفرولية ودة اضعف الايمان مع انة واجه للكبوت من جوة ( قلت وما خفي كان اعظم)

**محمد الشامي** · 10-04-2010 07:31 PM

من رأيي دايو لانوس هي الافضل في جوده التقفل والمكونات

بالإضافه الى ان اللانوس بشكل عام هي السياره الإقتصاديه الأكثر انتشاراً في مصر

**aif** · 10-04-2010 07:58 PM

ربنا يبارك فيكم جميعا
شكرا لردكم واهتمامكم ...
ان شاء الرحمن ح اصلي صلاة استخارة وربنا يهيء الخير

**aly_hosny** · 10-04-2010 08:33 PM

المشاركة الأصلية كتبت بواسطة أبو ياسين

على فكره صاج الدايو اتقل انا بصيت على الكبوت و الرفارف و الالبواب لقيتهم اخف

انا ملاحظ العكس
انا معايا شيفروليه 2009 وصاحبي معاه دايو 2008
الفرق كان واضح في الكابوت عندي اتقل بكتييييييير
بتهيالي عنده مفيش فرش
غير كدا مفيش اي اختلاف نهاااااااااائي غير الكاسيت والعلامة

p.s.
دا على اد ال بفهم فيه

**samirayad** · 10-04-2010 09:17 PM

ان شاء الرحمن ح اصلي صلاة استخارة وربنا يهيء الخير

هذا هو خلاصة القول

فلا يوجد بعد أختيار الرحمن أى أختيار

فهو الملاذ وقت الحيره فى القرارات

وهو الملاذ فى كل الأحوال

**emaddamin** · 10-04-2010 09:22 PM

السلام عليكم ورحمة الله وبركاته
أنا معى شيفروليه لانوس 2009 يعنى اول انتاج وبصراحة ماشاء الله حتى الان بدون مشاكل سيارة عملية واقتصادية لكن لازم تعرف امكانيات عربيتك وتستخدمها على اد هذه الامكانيات يعنى لما تقارن قارن فى المستوى الواحد ولا تضعها فى مقارنة مع سيارة فئة اعلى

**aif** · 10-04-2010 09:32 PM

يا جماعة انا كنت سمعت كلام ان اللانوس ح تنزل بشكل جديد بعد حوالي شهرين .... وفيه زملاء كتبو كدة في المنتدى
انا اتأكدت من داخل معسكر منصور ببعض الحيل التجسسية من الموضوع ده واليكم الحقيقة كما وصلتني
اللي ح يتغير مش اللانوس .... الأفيو هيا اللي ح تنزل بشكل جديد
لكن ما قدرتش اعرف التوقيت بالظبط لأن المدير الفني عامل حصار على اللاعبين ومانعهم من الادلاء بأي احاديث صحفية ...... طبعا عشان لقاء القمة يوم الجمعة الجاي بين منصور وغبور ..... قصدي الاهلي والزمالك

-

الموضوع: هل مستوى لانوس انخفض بعد ما بقت شيفرولية ؟؟؟ وماهي العيوب الشائعة فيها

LinkBack

أدوات الموضوع

عرض

-

-

-

-

المواضيع المتشابهه

شيفرولية لانوس ولا فيرنا

الفرق بين شيفرولية لانوس و دايو لانوس

هل فرامل شيفرولية لانوس زى دايو لانوس

شيفرولية لانوس

العيوب الشائعة والنادرة اللي طلعت في عربيتك الجين2

الكلمات الدلالية لهذا الموضوع

المفضلات

المفضلات

ضوابط المشاركة