هل مستوى لانوس انخفض بعد ما بقت شيفرولية ؟؟؟ وماهي العيوب الشائعة فيها

انا بافكر جديا في لانوس 2010 وعاوز رأيكم في بعض الامور
سمعت بعض الناس بتأكد ان اللانوس من بعد ما بقت شيفرولية ظهر فيها عيوب كتير .... يعني مش في نفس المستوي اللي كانت عليه لما كانت دايو
وبرضه ناس قالت ان فراملها مش كويسة
وناس تاني بتقول فيه مشاكل في العدادت ومقياس الحرارة
وناس قالت ان في مايو ح ينزل شكل جديد واحسن اني انتظر
انا ماجربتش اللانوس قبل كدة والعربية اللي معايا اوبترا
انا حاولت ادور عن تقييم حديث للانوس مالقيتش ياريت لو فيه موضوع مفصل عن اللانوس الجديدة تكتبولي الرابط لأن البحث بمحك بحث المنتدى اسفر عن لاشيء
ياريت رأيكم خصوصا اللي جربوها بعد ما بقت شيفرولية ..... وايه العيوب الشائعة في اللانوس عمومل والشيفرولية بالأخص
وشكرا مقدما

اقتباس:

---

المشاركة الأصلية كتبت بواسطة aif

انا ماجربتش اللانوس قبل كدة والعربية اللي معايا اوبترا

---

طيب الاوبتر ا اللى معاك مش افضل برضه؟؟؟؟

اقتباس:

---

المشاركة الأصلية كتبت بواسطة dr.hany

طيب الاوبتر ا اللى معاك مش افضل برضه؟؟؟؟

---

اللانوس دي للمدام ..... وكعربية ثانية للأسرة

كلام الناس لا بيقدم ولا يأخر

ياحج : أحمد

فتوكل على الله
وأستخيره

اقتباس:

---

المشاركة الأصلية كتبت بواسطة samirayad

كلام الناس لا بيقدم ولا يأخر

ياحج : أحمد

فتوكل على الله
وأستخيره

---

شكرا يابشمهندس سمير لردك واهتمامك ..... انا فعلا يهمني جدا رأيك انت وممدوح بك .... انتو كبرات الدايو وماحدش ح يفيدني زيكم
انا مقتنع باللانوس من فترة .... وهي من العربيات اللي بأحبها من زماان
لكن لا خاب من استخار ولا ندم من استشار
...
لكن انا ملاحظ ان مفيش تقييم للسيارة في قسم الدايو ... او يمكن فيه لكن انا مش عارف اوصللو
انا برضه محتاج اعرف رأي اصحابها .... استهلاك الوقود.... الاتزان ... الفرامل .... التكييف .... لما راحت منصور ايه اللي اتغير غير الشبكة ؟؟؟
يعني مثلا انا لما اشتريت الاوبترا عملت موضوع مفصل عن كل كبيرة وصغيرة فيها ... وكذلك العديد من الزملاء في باقي الاقسام والانواع ..... لكن الدايو مافيهاش .... أمر يستحق الدهشة ...
وبعدين ايه حكاية الشكل الجديد دي ..... بجد ولا افتكاسة ... ولا فتى
...
معلهش يابشمهندس .... الواحد مش بيشتري عربية زيرو كل يوم برضه
ولو طلع اختياري مش كويس المدام ح تشمت فيا جامد أوي
....

:s1[1]:يعني بس قاعد ع المنتدى طول الليل والنهار ولما تيجي ساعة الجد تقع ف عربية مش أد كدة .... ماكنش العشم يا حاج :mahf(5):

اقتباس:

---

معلهش يابشمهندس .... الواحد مش بيشتري عربية زيرو كل يوم برضه

---

يا حج : أحمد

العربيه هى هى

الفرق فى العلامه

بس طبعا لاننكر وجود خلل فى بعض الأحيان
فى التجميع المصرى عامة ( سواء دايو أو غيره )
نظرا لغياب بعض الضمائر
إلا من رحم ربى

اقتباس:

---

انتو كبرات الدايو وماحدش ح يفيدني زيكم
انا مقتنع باللانوس من فترة .... وهي من العربيات اللي بأحبها من زماان

---

وأنا مش معاك شويه فى الحته دى

عن نفسى شخصيا
زى زى أى زميل فى الدايو
والكل خير وبركه

وعندنا زملاء كتير أوى
ممتازين فى التعامل مع السيارات الدايو

فلولا تفاعل الزملاء معنا ............لما كنا

أن كانت لنا كينونه

:C_laugh[1]:

حسب كلام عبدة الشيفرولية لانوس بقى فيها مكونات صينى... منها البوبينة و طلمبة المية... و فيه بعض الزملاء اشتكوا من حساس الحرارة اللى بيشغل مؤشر الحرارة... دة كا فرق بين الشيفرولية لانوس و الدايو لانوس

بالنسبة للتكيف هو مش اقوى تكييف فى العالم ولا برضة وحش... يعنى طالما بيصينة كويس مش حتلاقى منة مشاكل

فرامل الشيفرولية هى هى بتاعت الدايو... و طالما العربية حتسوقها المدام يبقى مفيش خطورة... نفس الكلام ينطبق على الثبات

MMamdouh

تمام زى ما كبار رجال اللانوس قالو فعلا الشيفروليه لانوس هى هى الدايو لانوس بس التقفيل المصرى فيه قلة ضمير فى بعض مش كل
لكن توجد ميزة فى الشفروليه عن الدايو هى ان صاج الشفرولية اجمد شويه من صاج الدايو
الثبات عالى
التكييف جيد جحا
استهلاك البنزين 300 كيلو للصفيحة فى الطرق المفتوحة و240 فى الطرق المزدحمة نسبيا و200 فى الطرق المزدحمة جدا
طبعا هى 1500 cc
المانيوال افضل بكتير من الاوتوماتيك
وربنا يكرمك بالخير ان شاء الله

انا ركبت مع تاكسي شيفرولية ...وبعدين لقيت لمبة البنزين الحمرا منورة ومؤشر البنزين في النص...فسالتة على السبب قالي ...بصراحة انا خدت مقلب في العربية دي ...انا كنت شاريها على اساس انها زي الدايو ....بس اكتشفت انا طرمبة البنزين صيني ام 170جنية والمؤشر بيخرف واللمبة الحمرا بتور بمزاجها....والموبينة ضيني برضة 170 جنية....

ولاظت حاجة غريبة ..انا خبط بايدي على الطبلوة لاقيت بلاستك ضعيف اوي عامل زي العربيات الضيني(الجيلي )والدركسيون بلاستك مش اسنفنج مضغوط زي الدايو

صوت الماتور ...مش عاطفي زي صوت لدايو ...بصراحة الواحد بيقفل الشباك ويقعد يسمع في صوت الماتور في الدايو ....الشيفرولية حسيت ان صوتها مزعج وفية صوت تكتكة عامل فكرني بصوت الجلي الصيني

الحاجة الوحيدة الي ضافوها في الشيفرولية ...انهم حطو قوايم حديد في الابواب من جوا علشان يتقلو العربية علشان الصدمات ...والقوايم دي هي السبب في الشيفرولي ارتفاعها اقل من الانوس على الارض

أنا مش شايف فرق بين الانوس ..قبل وبعد ماشالت علامة الشيفرولية
خااااالص

ولو فيه فرق..قطعا هيكون للأفضل..رغم غباء التقفيل المصري

اقتباس:

---

المشاركة الأصلية كتبت بواسطة dr_mak

انا ركبت مع تاكسي شيفرولية ...وبعدين لقيت لمبة البنزين الحمرا منورة ومؤشر البنزين في النص...فسالتة على السبب قالي ...بصراحة انا خدت مقلب في العربية دي ...انا كنت شاريها على اساس انها زي الدايو ....بس اكتشفت انا طرمبة البنزين صيني ام 170جنية والمؤشر بيخرف واللمبة الحمرا بتور بمزاجها....والموبينة ضيني برضة 170 جنية....

ولاظت حاجة غريبة ..انا خبط بايدي على الطبلوة لاقيت بلاستك ضعيف اوي عامل زي العربيات الضيني(الجيلي )والدركسيون بلاستك مش اسنفنج مضغوط زي الدايو

صوت الماتور ...مش عاطفي زي صوت لدايو ...بصراحة الواحد بيقفل الشباك ويقعد يسمع في صوت الماتور في الدايو ....الشيفرولية حسيت ان صوتها مزعج وفية صوت تكتكة عامل فكرني بصوت الجلي الصيني

الحاجة الوحيدة الي ضافوها في الشيفرولية ...انهم حطو قوايم حديد في الابواب من جوا علشان يتقلو العربية علشان الصدمات ...والقوايم دي هي السبب في الشيفرولي ارتفاعها اقل من الانوس على الارض

---

راحت فلوسك يا صابر

يبقى لو على كده

نفولها ............السلامو عليكم

على راى خكيم

وبلاها ناديه ............وخليك مع سوسو

انا فعلا ركبت الشيفرولية وحسيت ان التابلوه فيه حاجة غلط
1-لونه افتح من عندنا& كمان ردئ الخامة اوي
2- كمان لما فتحت الكبوت لقيت كمان وش الموتور البلاستيك اللي لونة اسود عندنا مش مكتوب علية اي كلام ولا حتي علامة شيفرولية ودة اضعف الايمان مع انة واجه للكبوت من جوة ( قلت وما خفي كان اعظم)

من رأيي دايو لانوس هي الافضل في جوده التقفل والمكونات

بالإضافه الى ان اللانوس بشكل عام هي السياره الإقتصاديه الأكثر انتشاراً في مصر

ربنا يبارك فيكم جميعا
شكرا لردكم واهتمامكم ...
ان شاء الرحمن ح اصلي صلاة استخارة وربنا يهيء الخير

على فكره صاج الدايو اتقل انا بصيت على الكبوت و الرفارف و الالبواب لقيتهم اخف

اقتباس:

---

المشاركة الأصلية كتبت بواسطة أبو ياسين

على فكره صاج الدايو اتقل انا بصيت على الكبوت و الرفارف و الالبواب لقيتهم اخف

---

انا ملاحظ العكس
انا معايا شيفروليه 2009 وصاحبي معاه دايو 2008
الفرق كان واضح في الكابوت عندي اتقل بكتييييييير
بتهيالي عنده مفيش فرش
غير كدا مفيش اي اختلاف نهاااااااااائي غير الكاسيت والعلامة



p.s.
دا على اد ال بفهم فيه

اقتباس:

---

ان شاء الرحمن ح اصلي صلاة استخارة وربنا يهيء الخير

---

هذا هو خلاصة القول

فلا يوجد بعد أختيار الرحمن أى أختيار

فهو الملاذ وقت الحيره فى القرارات

وهو الملاذ فى كل الأحوال

السلام عليكم ورحمة الله وبركاته
أنا معى شيفروليه لانوس 2009 يعنى اول انتاج وبصراحة ماشاء الله حتى الان بدون مشاكل سيارة عملية واقتصادية لكن لازم تعرف امكانيات عربيتك وتستخدمها على اد هذه الامكانيات يعنى لما تقارن قارن فى المستوى الواحد ولا تضعها فى مقارنة مع سيارة فئة اعلى

يا جماعة انا كنت سمعت كلام ان اللانوس ح تنزل بشكل جديد بعد حوالي شهرين .... وفيه زملاء كتبو كدة في المنتدى
انا اتأكدت من داخل معسكر منصور ببعض الحيل التجسسية من الموضوع ده واليكم الحقيقة كما وصلتني :vctry:
اللي ح يتغير مش اللانوس .... الأفيو هيا اللي ح تنزل بشكل جديد
لكن ما قدرتش اعرف التوقيت بالظبط لأن المدير الفني عامل حصار على اللاعبين ومانعهم من الادلاء بأي احاديث صحفية ...... طبعا عشان لقاء القمة يوم الجمعة الجاي بين منصور وغبور :36_1_34[1]:..... قصدي الاهلي والزمالك :36_7_7[1]::36_7_7[1]::36_7_7[1]:

اقتباس:

---

المشاركة الأصلية كتبت بواسطة aif

يا جماعة انا كنت سمعت كلام ان اللانوس ح تنزل بشكل جديد بعد حوالي شهرين .... وفيه زملاء كتبو كدة في المنتدى
انا اتأكدت من داخل معسكر منصور ببعض الحيل التجسسية من الموضوع ده واليكم الحقيقة كما وصلتني :vctry:
اللي ح يتغير مش اللانوس .... الأفيو هيا اللي ح تنزل بشكل جديد
لكن ما قدرتش اعرف التوقيت بالظبط لأن المدير الفني عامل حصار على اللاعبين ومانعهم من الادلاء بأي احاديث صحفية ...... طبعا عشان لقاء القمة يوم الجمعة الجاي بين منصور وغبور :36_1_34[1]:..... قصدي الاهلي والزمالك :36_7_7[1]::36_7_7[1]::36_7_7[1]:

---

ال هتنزل بشكل جديد على ما اعتقد افيو5
http://reviews.carreview.com/files/2..._aveo_rs_5.JPG

http://pictures.topspeed.com/IMG/cro...-5_1600x0w.jpg

شكلها حلو ... الأكرة الخلفية ظريفة جدا ... زي الالفاروميو 156 والجنوط حلوة ومقاسها كبير
بس المشكلة انها بيبقى شكلها حلو في بلادها
ماتعرفش هنا بيشلفطوها إزاي وتلاقي شكلها بقى حاجة تانية
ياريت تتعمل بالشكل ده في مصر

بالنسبة للإرتفاع أنا ملاحظ إن الشيفروليه لانوس أعلى من أي لانوس عادية من غير ماعرف السبب

لو عايز تشتريها هي كويسة بس عيبها الطيران في موجات الهواء وعدم الثبات

أنا لو مكانك (رغم حبي الشديد للانوس) هاشتري اللوجان ( أعلى ارتفاع - ثبات ممتاز - قطع غيار سعرها كويس ولكنها غير متوفرة )

اقتباس:

---

المشاركة الأصلية كتبت بواسطة strong

بالنسبة للإرتفاع أنا ملاحظ إن الشيفروليه لانوس أعلى من أي لانوس عادية من غير ماعرف السبب

---

ده لان العربيه موديل 2010 ولسا عفشتها بخيرها , مساعدين وسوست 100% وكاوتش لسا جديد وبكامل رونقه وسماكته

الانخفاض اللى شايفه انها راحت لمنصور

اقتباس:

---

المشاركة الأصلية كتبت بواسطة Strong

لو عايز تشتريها هي كويسة بس عيبها الطيران في موجات الهواء وعدم الثبات
ما شفتش حد عربيته بتطير غير عربية حضرتك بصراحة
:majd(4):

أنا لو مكانك (رغم حبي الشديد للانوس) هاشتري اللوجان ( أعلى ارتفاع - ثبات ممتاز - قطع غيار سعرها كويس ولكنها غير متوفرة )
في دي انا متفق معاك , في حالة ان اللي بيشتري ما يهموش سعر قطع الغيار , فعلا لو ما تهموش تبقى الوجان احسن , توكيل احسن من منصور اللي نوعا ما مغلي اللانوس (ابو الفتوح كان بيبيعها أرخص حوالي ألفين جنيه) و اوبشنز اعلى شوية من اللانوس , لكن على ما شفت من مقارنات , باستثناء الأوبشنز مافيش فرق ملموس بين العربيتين

---

اقتباس:

---

المشاركة الأصلية كتبت بواسطة dr_mak

الحاجة الوحيدة الي ضافوها في الشيفرولية ...انهم حطو قوايم حديد في الابواب من جوا علشان يتقلو العربية علشان الصدمات ...والقوايم دي هي السبب في الشيفرولي ارتفاعها اقل من الانوس على الارض

---

القوايم موجودة فى الدايو لانوس من اول ما نزلت السوق و مفيش فرق ارتفاع بين الشيفرولية و الدايو

MMamdouh

اقتباس:

---

المشاركة الأصلية كتبت بواسطة aly_hosny

انا ملاحظ العكس
انا معايا شيفروليه 2009 وصاحبي معاه دايو 2008
الفرق كان واضح في الكابوت عندي اتقل بكتييييييير
بتهيالي عنده مفيش فرش
غير كدا مفيش اي اختلاف نهاااااااااائي غير الكاسيت والعلامة



p.s.
دا على اد ال بفهم فيه

---

هو عربيتة هاف اوبشن و انت فول اوبشن... صح؟؟؟

لو صح يبقى دة فرق وزن العازل اللى فى الكابوت من جوة

MMamdouh

اقتباس:

---

المشاركة الأصلية كتبت بواسطة Strong

لو عايز تشتريها هي كويسة بس عيبها الطيران في موجات الهواء وعدم الثبات

---

عربيتك انت اللى بايظة

MMamdouh

اقتباس:

---

المشاركة الأصلية كتبت بواسطة MMamdouh

القوايم موجودة فى الدايو لانوس من اول ما نزلت السوق و مفيش فرق ارتفاع بين الشيفرولية و الدايو

MMamdouh

---

والله موضوع القوايم دة الي قالي علية بتاع المنصور ...لاني اول مانزلت الشيفرولية لانوس كنت عايز اغير الدايو الي معايا واجيب الشيفرولية ....فكنت عملت مقارنة بينهم ....فالراجل قالي هي اخت الدايو الي معاك بس زودو القوايم الحديد علشان تستحمل الصدمات وعلشان متطريش من على الارض

لكن في الاخر لقيت الدايو احسن ...ومفيش مقارنة بين الاتنين:Ta_clap[1]:

شوف يا اخي انا كان معايا لانوس موديل 99 بتاعة الشركة لمدة 4 سنوات ودلوقتي اشتريت شيفورليه لانوس 2010 علي حس اني كنت مرتاح في اللانوس القديمة
المهم من خلال وجهة نظري المتواضعة ما فيش فرق لا في الفرش ولا في التجهيزات بين العربيتين لكن اللانوس 99 كانت بتستحمل عن الشيفورليه
لكن رأي بالنسبة لسؤالك انت في الأول لازم تسأل نفسك طب هو ايه البديل في السوق بمعني ايه السيارات المتوافرة بنفس السعر في السوق ومين فيهم احسنهم
الموجود بنفس الفئة السعرية (طبعاً ممكن تفرق الف او الفين)
الفيرنا- الأسبرانز m11 - اللوجان - البرتون الساجا
طيب اللانوس فين من دول كلهم
لو موش فارق معاك قطع الغير واسعارها وسعر إعادة البيع يبقي خليك في البروتون ساجا عربية تجهيزاتهاعالية جدا 1300 وموتور 92 حصان
اللوجان عربية جديدة لسه ما تجربتش بس ان شاء الله تطلع كويسة لكن اعتقد اهم عيوبها في المستقبل ان دائماً الرينو ليها ميكانيكا محددين وقليلين في السوق
السبرانز m11 عربية تجهيزاتها فوق التحفة بس للأسف صيني ومن ثم إعادة البيع صعب شوية
يتبقي اللانوس بعد التجارب قطع غيار نوعاُ ما رخيصة ومتوافرة وميكانيكا كتير وعربية مفهومة وإعادة بيع عالية وسريعة جدا بس تكنولوجيا موتور قديمة شوية
وفي الأول والأخر خير شئ هو الإستخارة ثم التوكل علي الله
وفقك الله لما فيه الخير لك

اقتباس:

---

المشاركة الأصلية كتبت بواسطة dr_mak

والله موضوع القوايم دة الي قالي علية بتاع المنصور ...لاني اول مانزلت الشيفرولية لانوس كنت عايز اغير الدايو الي معايا واجيب الشيفرولية ....فكنت عملت مقارنة بينهم ....فالراجل قالي هي اخت الدايو الي معاك بس زودو القوايم الحديد علشان تستحمل الصدمات وعلشان متطريش من على الارض

لكن في الاخر لقيت الدايو احسن ...ومفيش مقارنة بين الاتنين:Ta_clap[1]:

---

بتوع منصور بيالفوا كتير جدا

اول ما ظهرت الشيفرولية لانوس قالوا ان فتيسها و فراملها و عفشتها مختلفة... و طلع كل دة كدب

MMamdouh

اقتباس:

---

المشاركة الأصلية كتبت بواسطة mmamdouh

هو عربيتة هاف اوبشن و انت فول اوبشن... صح؟؟؟

لو صح يبقى دة فرق وزن العازل اللى فى الكابوت من جوة

mmamdouh

---

ما هو انا كنت فاكر كدا لانه اول لما شاف عربيتي وكنت بحط مية مساحات وخليته يقفل الكابوت قالي الكابوت بتاعك اتقل بكتييير من بتاعي استغربت
هي بتاعته فول اوبشن برضو بس في فرق في الوزن واعتقد انه في العازل بس مش عارف ليه بتاعي اتقل

:I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]:

انا عندى شفورليه لانوس تاكسى الابيض ومطلعه عينى العربيه عامله لاغايه دلوقتى كيلو متر 35769 وانا مستلامها فى 13/7/2009 بالها 9 شهور اول حاجه البطاريه تانى حاجه طرومبه البنزين تالت حاجه الطنبوره الاماميه والاطنبوره الخلفيه والبلى الخلفى والمسعدين الامامى ومفتاح النور كان بيعلق والكلاكسات باظت ومستر الدبرياش بيرشح زيت والكاوتش يامواخزه زباله كل اللى انا بافكهصينى]

تم تعديل لون الكتابة, اللون الاحمر مخصص للادارة فقط

يرجى مراجعة قوانين المنتدى

مشرف عام الكورى و الماليزى

ربنا يعينك

:E_braces[1]: بس خلي بالك عشان اللون الاحمر اللي انت كاتب بيه ده بتاع الاداره بس :E_braces[1]:

مع احترامي الشديد للاخ موريس
العربيه الي بتنزل من المصنع علشان تتباع ملاكي مختلفه تماما عن الي بتنزل من الصنع علشان تتباع تاكسي ومعظم مكونات العربيه واولها مكونات الموتور مختلفه تماما واكبر دليل علي كده سعرها ملاكي كام وسعرها تاكسي وقسط كمان ده في فرق حوالي 20 الف جنيه وده مبلغ مش قليل يخليك بدل ما تجيب لانوس فول اوبشن تجيب تويوتا ياريس 1300 فول اوبشن ديه حاجه
الحاجه التانيه ومع احترامي الشديد ليك يا اخ موريس الي بيعملوه معظم سواقين التاكسي في عربياتهم ده حرااام والاستخدام السئ وكأنها عربيه خارقه مصنوعه من الصلب وشمال ويمين ويمين وشمال -- ده سواق التاكسي بيبقي عاوز يطير من علي الارض طير ونفسه يطلع يمشي فوق الناس وكأن الرزق ده بيده مش بيد الله
فمع احترامي الشديد وبالرغم من بعض الشكاوي الي انا اشتكيتها من العربيه ديه لكنها احسن عربيه في الفئه بتاعتها وماهياش زباله زي ما انت بتقول ومتنساش انها تقفيل مصري وانت عارف ان التقفيل المصري بيمتاز بميزه جامده جدا الا وهي ( قله الضمير ) ودمتم

اقتباس:

---

المشاركة الأصلية كتبت بواسطة hyper

مع احترامي الشديد للاخ موريس
العربيه الي بتنزل من المصنع علشان تتباع ملاكي مختلفه تماما عن الي بتنزل من الصنع علشان تتباع تاكسي ومعظم مكونات العربيه واولها مكونات الموتور مختلفه تماما واكبر دليل علي كده سعرها ملاكي كام وسعرها تاكسي وقسط كمان ده في فرق حوالي 20 الف جنيه وده مبلغ مش قليل يخليك بدل ما تجيب لانوس فول اوبشن تجيب تويوتا ياريس 1300 فول اوبشن ديه حاجه
الحاجه التانيه ومع احترامي الشديد ليك يا اخ موريس الي بيعملوه معظم سواقين التاكسي في عربياتهم ده حرااام والاستخدام السئ وكأنها عربيه خارقه مصنوعه من الصلب وشمال ويمين ويمين وشمال -- ده سواق التاكسي بيبقي عاوز يطير من علي الارض طير ونفسه يطلع يمشي فوق الناس وكأن الرزق ده بيده مش بيد الله
فمع احترامي الشديد وبالرغم من بعض الشكاوي الي انا اشتكيتها من العربيه ديه لكنها احسن عربيه في الفئه بتاعتها وماهياش زباله زي ما انت بتقول ومتنساش انها تقفيل مصري وانت عارف ان التقفيل المصري بيمتاز بميزه جامده جدا الا وهي ( قله الضمير ) ودمتم

---

اتفق معاك تمام فيما قولت
ولكن حكاية ان خط إنتاج التاكسي غير خط إنتاج الملاكي دي انا سمعت بيها بس موش متأكد