-
فى حد اتعامل مع سيتى بنك
ياريت يا جماعه لو حد اتعامل مع سيتى بنك فى شراء عربيه
من حيث انك بتمضى على قرض شخصى بالمبلغ المتبقى من ثمن العربيه بعد خصم المقدمه ولا ايه
يعنى ن نظام الورق بالضبط
اصل فى واحد صاحبى بيقولى انهم بيشترو العربيه وبعد كده يبيعوهالك فأنا مش مصدق
فياريت لو حد اتعامل مع البنك ده يوضح الأجراءات
شكراااااااااااا
-
سيتى بنك........بنك ربوى........رسوم عالية.........لو حبيت ان تسدد القرض قبل الموعد تدفع غرامة كبيرة 5 الاف جنية لو حبيت تسدد بدرى 2 سنة مثلا، يحجز مفتاح ويعمل توكيل ..ميزته السهوله فى الاجراءات ......ولكن ميزة لا تقارن بالعيوب ..........انصح نفسى والمسلمين بالتعامل مع البنوك الاسلامية او الشراء بالطريقة الشرعية من شركات محترمة موجودة....وراجع ( الشراء والبيع )
-
أستاذ معتز ممكن أعرف مصدر معلومة المفتاح دي؟!
لأن واحد صاحبي أستلم عربيته بمفتاحين و البنك مخدش مفاتيح!
أيضاً ياريت تشرح لنا فكرة الدفع قبل الموعد.. يعني تقصد لو عايز يدفع بدون الفوائد!!؟ ولا تقصد أيه؟
-
ياريت يا جماعه حد يكتب تجربته مع البنك مش يكتب بس انه ليه فايده عاليه وخلاص
-
أنا كنت بأقسط مع سيتى بنك أنصحك بالابتعاد عنه 1- الفوائد مبالغ فيها 2- سوف يأخذ نسخة من المفتاح 3- توكيل لسيتى بنك 4- حظر بيع 5- الرخصة ستجدد سنويا و لا تجدد إلا بوافقة من البنك و عليها ختم البنك المركزى 6- غرامة للدفع المبكر حيث أنه يقوم بخصم الافساط من الفوائد ثم بعد ذلك من أصل المبلغ 7- سوف يلزمك بالتامين على السيارة
السيارة برتون ويرا 2004
السعر كاش 73900
مقدم 50000
المبلغ المقسط 23000
الفوائد 15% فى السنة
بعض الرسوم 1000
الاجمالى 40500 جنيه
نسبة الفوائد 75% فى الخمسة سنوات
-
أنا مقسط مع سيتى بنك بفائدة 9% سنويا وبدون نسخة مفتاح لكن يوجد حظر بيع والترخيص فعلا كل سنة ، بالنسبة لموضوع انك تدفع اللى عليك فهما بيحسبوها كالأنى ، بيشيل الفوائد وبيحط 3% على المبلغ الأصلى مصاريف بنكية.
والمصاريف البنكية بتاعتهم فى بداية التعاقد 2% من قيمة القرض.
-
شكرا جدا يا جماعه على ردودكم وهو بالشكل ده يبقى فعلا سيْ للغايه
-
على فكرة انا شارى عربيه من واحد صاحبى مقسط مع سيتى بنك ولحد الان بقالنا اسبوعين بنخلص فى الاجراءات ولسه ما خلصيتش والبنك حابس المفتاح الاسبير معاه ومماضيه على شيكات بثمن العربيه بعد الفايدة
فنصيحه ابعد عنه ولو فى بنك تانى يكون افضل
-
alf shokr ya gama3a 3la el rodod
ana fe3lan msh hafkr fel bank dah tany
Content Relevant URLs by
vBSEO 3.6.0 PL2