الموضوع: تقييمى للأوبترا بعد ال20 ألف

السلام عليكم

أنا حبيت أقول تقريرى بعد قيادتى للعربية أكثر من 20000 كيلو...
فى تقريرى، قمت بالتقييم على أساس سعرها مقارنة ببقية السيارات فى نفس الفئة السعرية. وأيضا قمت بالتقييم مقارنة بالسيارات الكورى من نفس الفئة.

السيارة موديل 2009 مانيوال.

الأساسيات:

1. أداء الموتور: 7.5/10
   جيد جدا عموما ومن أكثر مميزاته عند القيادة على سرعات عالية. فزيادة السرعة من 100 إلى 150 ليس بها مشكلة. ولكن يعيبه الانطلاق من الصفر بطئ إلى حد ما. بس من وجهه نظرى المشكلة دى من علبة التروس مش الموتور.
2. أداء علبة التروس: 5/10
   النقل من الثبات إلى الأول أو من الأول إلى الثانى لا يجعلنى أشعر بأن النقلة سريعة. بعد ذلك النقل أفضل.
3. أداء الفرامل: 6/10
   عموما، الاداء متوسط وهو من عيوب هذه السيارة من وجهة نظرى. هذا على الرغم من وجود ديسكات أمامية وخلفية. أعتقد وجود ABS كان سيرفع من أداء الفرامل.
4. أداء العفشة: 8/10
   يعتبر الأداء جيد جدا.. فالاحساس بالمطبات بسيط وفى المنحنيات يكون الأداء جيد.

الكماليات:

1. التكييف: 9/10
   جيد جدا وتشعر بالبرودة عند السرعة الأولى للمروحة ولكن بالطبع يؤثر على السحب وعلى البنزين بالتبعية. يستهلك بنزين كثير جدا.
2. الكاسيت: 7/10
   السماعات كويسة. به كاسيت وAUX العيب الوحيد انه مفيش CD
3. الدواخل: 7/10
   التابلو من الداخل عادى. سيارات كثير زى السيراتو القديمة والجديدة والانترا أحسن منه بكثير. ولكن الوصول الى مفاتيح التحكم جيدة سواءَا كان للتكييف أو الكاسيت. أماكن التخزيين متعددة. وسهلة الوصول أثناء القيادة. التقفيل جيد جدا.
4. الشكل الخارجى: 8/10
   من وجهة نظرى جيد. ولكن بالطبع السيراتو الجديدة أحسن بكتير. وعموما دى أذواق.
5. الريموت:
   الريموت كويس والمدى بتاعه قصير جدا ودى بالنسبة لى ميزة مش عيب. وزرار فتح الشنطة من الريموت مهم ومفيد جدا.
6. بقية الكماليات جيدة جدا، الزجاج والمرايات الكهربائية، المساحات،

الصيانة:
الصيانة كل 5000 كيلو، وكلهم كانوا فى إخوان مقار والحمد لله لم يقابلنى مشكلة كبيرة خليتنى أضطر أغير حاجة كبيرة. عموما مقار كويسيين ولم أذهب إلى التوكيل خالص. أنا عارف ان ناس كثير بيشتكوا من مقار بس لو عايزين رأيى، مدير الصيانة موجود هناك على طول والمقترحات والشكاوى ممكن تتقدم بيها بسهولة.
أسعار قطع الغيار تعتبر قليلة عامة. ولكن المصنعية هى اللى سعرها عالى. يعنى حوالى مصنعيات الصيانة الواحدة 250 جنية بخلاف الزيوت والفلاتر.

عموما العربية مفيهاش كماليات رفاهية كثيرة بس فيها الأساسيات التى يحتاجها أى سواق.

الحاجات اللى كان نفسى يكونوا موجودين وحاسيت بيهم بعد السواقة:

1. Air bags
2. ABS

المقارنة كانت بين:

1. Gen2
   عيبها الصيانة مرتفة والتقفيل سيء
2. Cerato Old Shape
   سعرها كان أغلى بحوالى 7000 أو 8000 جنية ومكانش معايا
3. Elantra
   مشاكل توكيلها غبور وأيضا سعرها الأغلى بحوالى 9000

أتمنى يكون التقرير ده أفادكوا وأفاد اللى بيفكر يشترى العربية.