هو تيل الفرامل الخلفى للانوس بيتغير وكل اد ايه تقريبا؟ لاننا مغيرنهوش خالص بس غيرنا الامامى ومفيش تصفير ولا اى حاجة
عرض للطباعة
هو تيل الفرامل الخلفى للانوس بيتغير وكل اد ايه تقريبا؟ لاننا مغيرنهوش خالص بس غيرنا الامامى ومفيش تصفير ولا اى حاجة
تغيير التيل الخلفى بيتغير بعد الكشف عليه
فى أى سياره ( بطنابير طبله من الخلف )
بمعدل كل 3 مرات أمامى ..........معاهم مره خلفى
ده الكلام التقريبى اللى أنا ماشى عليه من زمان
لللانوس بيتغير (ممكن تخلي الميكانيكي يبص عليهم ) او علي حسب استخدامك للهاند
لل128 معرفش
هى الهاند تقريبا مش موجودة لو شديتها وانا ماشى (للتجربة فقط) بس فى حالة الركن فى مطلع او منزل تمام اوى
فى ال128 برضه نفس الحكاية - بس انا يهمنى اللانوس اكتر
اكشف علي التيل و لو متاكل يبقي غيره
شكرا استاذ سمير - يوسف - روميو
التيل الخلفى بيتغير طبعا بس بمعدلات اقل بكتييييير من الامامى.... يعنى متفكرش فى التغيير قبل ما توصل الى 100 الف كيلو ولا حاجة
طبعا دة لا يعنى اغفال عملية الكشف و الرجلاش الدورى للتيل الخلفى و الكشف على حالة الطمبورة
MMamdouh
حتلاقى فيها شفة كبيرة و/او عالى وواطى كتير
MMamdouh
اوك كده تمام.......يعني زي اعراض تلف الطنابير الامامية
بس عايز استفسر عن حاجة هنا.........العالي وواطي ده بيكون لما تمشي ايدك حوالين الطنبورة ولا لما تقطعها علي خط قطرها.؟
حاجة تانية هتقل عليك معلش...انا عندي الطنبورة الامامية فيها شفة بسيطة بس معنديش اي مشاكل محسوسة.....هل فيه شكل معين للشفة دي.......انا متهيالي ان الشفة دي ممكن تكون طبيعي عشان التيل مبيكونش واصل لاخر نقطة خارج الطنبورة......
ياريت تشرحلنا موضوع الشفة ده شوية
الشفه بتكون على الحافه الخارجيه للطنبوره , ولما بيكون حجم بروزها مش كبير يعني مللي او اقل مش بتعمل اي ضرر طالما ان الطنبوره ملمسها متناسق مع بعضه ومفهاش عالى و واطى
لكن لو حجم الشفه زاد فده معناه ان سمك الطنبوره نفسه قل , وده الغلط وبالتالى كفاءه الفرامل هتقل خاصه مع تأاكل التيل
وبيوصل الامر احيانا الي اصوات مع الفرمله , زي صوت تزييئ او اصوات مشابهه , وعلاجها انك بتاخد الطنابير وتكحت الشفه دي عن خراط فاهم (لانه لو ركب الطنبوره على المكنه عنده غلط ممكن تطق وتبوظ) والتكلفه بتكون عباره عن 10 الى 15 جنيه في الطنبورتين
بالضبط
لما تقطعها على خط قطرها... يعنى صباعك يبقى ماشى عمودى على الخطوط اللى بيرسمها التيل و هو بيحتك بالطمبورةاقتباس:
بس عايز استفسر عن حاجة هنا.........العالي وواطي ده بيكون لما تمشي ايدك حوالين الطنبورة ولا لما تقطعها علي خط قطرها.؟
مفيش اى مشاكل من الشفة و تحليلك لاسباب حدوثها صح 100%... و عموما كل ما كبرت الشفة كل ما دة كان مؤشر ان الطمبورة متاكلة... فى حالة الشك قيس تخانة الطمبورة و لو طلعت تعدت الحد الادنى المسموح به (او قريبة جدا منة) يبقى لازم تغير الطنبورة... غير كدة مفيش مشاكل طالما انت مش بتشتكى من الفرامل فى الاساساقتباس:
حاجة تانية هتقل عليك معلش...انا عندي الطنبورة الامامية فيها شفة بسيطة بس معنديش اي مشاكل محسوسة.....هل فيه شكل معين للشفة دي.......انا متهيالي ان الشفة دي ممكن تكون طبيعي عشان التيل مبيكونش واصل لاخر نقطة خارج الطنبورة......
و على فكرة الشفة مشكلة فى فرامل ورا الطبلة عشان موضوع الرجلاش مش اكتر
الزميل محمد الشامى قام بالواجباقتباس:
ياريت تشرحلنا موضوع الشفة ده شوية
MMamdouh