اقتباس:
أرسل أصلا بواسطة
aif http://www.nilemotors.net/Nile/image...s/viewpost.gif انا اطرف موقف حصللي مش ح تصدقوه
لكن والله ده حصل
انا مرة صحيت من النوم لقيت نفسي لابس شروت بتاع ترينج وفانله داخلية وحافي القدمين ( زي ما كنت نايم ) وواقف علي سلم العمارة اللي ساكن فيها في الدور اللي تحتنا والكلام دة كان بعد الفجر بقليل
تصدقوا
بجد يا استاذ احمد قعدت اضحك ساعه عالموقف ده
بس يا ترى حد صحاك من سكان العماره و هما نازلين يصلوا الفجر
و لا صحيت صدفه :confused:
الموضوع اني كنت نايم لوحدي وكانت زوجتي نايمة مع الاولاد في غرفتهم ويظهر اني كنت متقل في العشاء وانا احيانا باتكلم وامشي ( مشي بسيط ) وانا نايم
وفجأة الحلم قلب كابوس وان فيه حد بيجري ورايا عاوز يموتني وطبعا العمر مش بعزقة ... اندمجت في الكابوس وقمت من السرير وطلعت اجري زي الصاروخ وخرجت من باب الشقة وقفلت الباب ورايا ( طبعا علشان اللي بيجري ورايا ما يعرفش يخرج ورايا ) ونزلت جري علي تحت
فجأة انتبهت وصحيت من النوم لقيت نفسي في الدور اللي تحتي وانا حافي القدمين ولابس زي ما كنت نايم ( شورت ترينج وفانلة داخلية ) والحمد لله اني كنت لابس ده ربنا بس بسترها مع الواحد علشان دعاء امي الله يرحمها
وادركت اني كنت باحلم وان ده كان كابوس وطبعا كنت في منتهي الارتباك وكنت خايف حد من الجيران يفتح الباب بالصدفة ويلاقيني طرزان كدة .. طيب اقولهم اية راجع من المصيف والا كنت في الاجتماع بتاع الهنود الحمر اللي بيقلعوله
ومن كتر ارتباكي طلعت اجري علي البيت لكن مع اللخبطة اللي كنت فيها طلعت الدور اللي فوقي بدل ما اطلع بيتي ... ولسة ح اخبط علي الجرس لقيت لون الباب مختلف الحمد لله اني لاحظت ان دة مش بيتنا دي شقة مدام عائشة اللي فوقينا .. نزلت جري علي بيتنا وخبطت علي الجرس كتير اوي لغاية زوجتي ما فتحت .. هي طبعا افتكرتني جيت من صلاة الفجر ونسيت آخد المفتاح معايا ... وفتحت الباب وجدتني حافي القدمين ولابس الشورت والفانلة وشعري منكوش وغرقان في العرق من الجري طبعا .. متخيلين انا كنت في موقف شكله ايه وطبعا قعدنا للصبح اقنعها اني كنت باحلم .. طيب يا سيدي ما تحلم براحتك في بيتك لازم تروح تحلم عند الجيران
وطبعا من يومها وانا ناقص اني انام بالكرافاته
علشان الواحد لو حلم تاني يبقي برضة لابس رسمي
وكل ما نفتكر الليلة دي نضحك بهيستيريا
والله لو اتعملت فيلم كوميدي يكسر الدنيا