ياريت يجماعه لو حد غير الحاجات الجديده فالفتيس يقلنا ايه الاخبار ؟
1-طلعة الاول, فرقت ؟
2-بعد المطبات ,ايه الاخبار؟
3-بين النقلات ,هل لسه فى نتشه؟
عرض للطباعة
ياريت يجماعه لو حد غير الحاجات الجديده فالفتيس يقلنا ايه الاخبار ؟
1-طلعة الاول, فرقت ؟
2-بعد المطبات ,ايه الاخبار؟
3-بين النقلات ,هل لسه فى نتشه؟
لم يتغير اي شئ في الفتيس الاداء هو هو ولسه مستنييين ال n error هيظهر تاني وولا لا
طيب هيا مظهرتش مع الاداء العنيف مثلا ولا انت مجربتش اساسا
علشان نعرف ان فيه تأثير لازم نشوف هتظهر الأول ولا لأ
طيب برضه بيسخن المفروض يطلع n error
انت عرفت منين انه بيسخن وهل وقفت منك العربيه ولا لأ
ياريت يا جماعه شوية توضيح علشان الناس تستفاد وياريت يكون في سواقة عنيفة للعربيه علشان تجربوا بحق
وان شاء الله يكون خير
ممكن تفاصيل أكثر ؟
1- فى طلعة الاول - مفيش تغيير
2- عند المطبات - أحسن من الاول (مبقتش تعلق)
3- بين النقلات - فيه تحسن نسبى للاحساس بالنقلة (يعنى بتحس بالنتشة بسيط)
ده بس عشان مظبطين السوفت وير بس انا مشيت بالقطع الجديده 10000 كم ورجعت العربيه ضعيف والنتشه موجوده وساعات بيكون في قصور وهبوط في عزم العربيه وسعات بتعلق كل حاجه موجوده اما الان ايرور مش شرط يجي بسبب سخونه الفتيس بس بيجي برضو عند تاكل طقم الدبرياج ولازم علي الاقل تمشي بالعربيه اكثر من 40000 كم عشان التاكد العيب ده هيجي تاني ام لا
ياشباب انا معايا 2008 والحمد لله لغاية دلوقتى مظهرش العيب بتاع الفتيس وماشى 30000 كليو
ايه رايكم اغيره واحط قطع الغير الجديدة ولا اسيبه زى ما هو
ده برضه بيدل علي ان مجموعة الدبرياج بتتاكل لأني سألت قبل كده مهندس في تويوتا العبور قالى لما بيحصل تأكل في الأسطوانة بيبقي فيه مسافة بين الأكتيويتور والأسطوانة هي اللى بتعمل المشاكل دي.(تأخير في النقلة-رزع في النقلات-نتشة خفيفة...وبعد كده n error كنتيجة للأعراض اللى فاتت دي ) وتوقيت حدوث الخطأ بيختلف من شخص لأخر علي حسب طريقة القيادة.
مفيش تغير خاللللللللللللللص
حسبي الله ونعم الوكيل
العربية مخنوقة وعملت مرة معايا علي المطب علقت
اووووووووووووووووووووف:brn:
اتمني ان حضرتك وكل اللى ركبوا القطع الجديدة تشرفونا في المقابلة يوم السبت.
عايزين نعمل مقابلة جامدة لعصابة تويوتا
اللي بيقول في نتش في النقلة يخفف رجله من عالبنزين وهي بتنقل (اعتبرها مانيوال مش اوتوماتيك )
ولما تعلق على الأول بعد أي مطب ممكن ببساطة شديدة إنك تستخدم Pedalsاللي ورا الدركسيون وتجيب التاني وانتهى الموضوع
أنا معايا 2008 ومبسوط منها الحمد لله عشان أنا مهندس وقرأت عنها كتيير قبل مشتريها وبعرف استمتع بيها كويس وخاصةً عالطرق السريعة بس يمكن مشكلتي الوحيدة معاها إنها بتسقط للأول بدري جدا
أنا اعتقد يا أستاذ محمد إن مشكلة الفصل ( n error) ناتجة عن الاستخدام الخاطئ.
يعني لو اللي سايق العربية سايقها صح يبقى الفتيس مش هيسخن وبالتالي مش هيفصل. الكلام ده أنا مجربه مع 4 اصحابي معاهم العربية وقعدت مع كل واحد لما جابها ووريته إزاي يتعامل معاها والحمدلله ماشيين كلهم زي الفل وواحد منهم وصل 22000 ولا شاف n error ولا حاجة على الرغم إنه مبيرحمش ورايح جاي عالدائري ماشي 150 في المتوسط وبيحرق جامد بس عرف إزاي يتعامل مع الدبرياج ولو قولتله انزل منها واركب حاجة تانية يقولك مستحيل.
وفي النهاية ده مجرد رأي وآسف للاطالة
هل ممكن عمل Disable لل N error علي السوفتوير في حالة سخونة الاسطوانة وبالتالي ميبقاش في رد فعل بايقاف السيارة
بيتهيلي السوفتوير ممكن يتعدل هنا او في الشركة الام
اما باقي المشاكل فانا شايف انها سهلة
ماهو لو عملها Disable يبقى الفتيس لو سخن بالسلامة ... هيدمر نفسه !!!
والكلام ده مظنش إنه ينفع عشان مكتوب في الكتالوج (صفحة 286 و 287) عن ال N error في تاني جزء من قسم Steps to take in an emergency و بيتكلم عن حوار لو الفيتس سخن.
و ده لينك فيه صورة للصفحة عشان لو أرقام الصفحات كانت مختلفة (أنا كتالوجي مطبوع في جنوب افريقيا لكن الجديد مطبوع في اليابان ودي حركة عملوها عشان الصيانة في الكتالوج الياباني كل 10000 كم في حين إن في التاني كل 15000 )
4shared.com - photo sharing - download image IMG_7042.jpg
تعديل في لينك الصورة , معلش :shyy:
4shared.com - photo sharing - download image Dashboard warnings for MM-T overheat.jpg