الموضوع: كيا سيراتو الجديده ( تجربه شخصيه )

ارجو المساعده !!!!!!!!!
انا النهارده رحت التوكيل علشان صيانه ال1000 (على العلم ان العربيه خليجي وانا قبل اما اشتريها كلمت التوكيل مرتين علشان اتاكد انا العربيه ممكن تعمل صيانه عندهم قالولي اه ممكن بس خارج الضمان و في زياده 30% على الفاتوره قلتلهم عادي واروح النهارده وبعد اما استنيت دوري يجي الباشمهندس ويقولي : لا لا لا لا !!!!!! علشان دي خليجي و القرار داه لسا جايلنا النهارده الصبح ,,, انا بجد مش عارف اعمل ايه انا غيرت الزيت هوا هوا بتاعهم بارا وحبت الفلتر من عندهم بس المشكله الكمبيوتر مش هالاقيه بارا لو حصل للعربيه اي مشكله لقدر الله انا مش عارف اعمل ايه حد يساعدني و يرايحني يا جماعه جزاكم الله خيرا....
وشكرا,,,

متشكر جدا يا normal على اهتمامك

حمدلله على سلامتك أولاً
أنا عجباني جداً العربية دي و كنت عايز اشتريها ex ضمان الوكيل و دي مفيهاش ABS بس في ناس خوفتني إن مع وزن العربية لازم يكون فيها ABS ممكن تؤلي العربية الكنت معاك دي فيها ABS ولا لأ

المشاركة الأصلية كتبت بواسطة NoRmAl

أولا أهلا بيك فى المنتدى ونورت
ثانيا أنا متفق معاك فى كل الى قلته
وعايز أركز على الفرامل والاتزان بالذات لتجربه حصلتى من يومين
كنت بجرى "على غير عادتى" وأنا راجع من الكليه
كنت غبى وأنا بعترف بكده
المهم
فجأه الطريق وقف قدامى بسبب عربيه نقل وأنا على 140
المهم الطريق كله وقف إلا حاره فبغبائى قلت طيب مش هقف وأخش فيها :))
رحت داخل فيها أكتشفت أن فى عربيه نقل تانيه راكنه على جنب
قلت لو فرملت هلبس هلبس
رحت واخد غرزه يدوبك على قد العربيه بالملى بين العربيتين النقل
كنت حمار حمار حمار ومش هكرر الكلام دا تانى :)) أبداً
بعد مخدت الغرزه أكتشفت أن فى عربيه 124 ماشيه قدام النقل ومهديه خالص
فى ثوانى روحت كابس فرامل وأنا متوقع أنى هلبس
العربيه وقت بسهوله جدا جدا جدا والحمد لله
ولا عومت ولا أنحرفت سنتى
يعنى تخيل غرزه ضيقه جدا على سرعه عاليه بعديها فرمله العمر :)
أنا كل لحظه بسوق فيها العربيه دى بحترمها أكتر وبشفق على الناس الى بيهجموها :)
الحمد لله على أنه حمانى فى لحظه غبائى :)
والحمد لله أنه هدانى للعربيه دى
وشكرا على التقرير وأهلا بيك مره تانيه