جزيره مايكل شوماخر !!!!

**mada121977** · 17-01-2008 10:08 PM

كان ياما كان فى قديم الزمان واحد امير خليجى لقى ان مافيش فقراء ولا محتاجين فى بلادنا العربيه ولقى ان كل الشباب اتجوزوا واشتغلوا ولقى ان كل الناس بقوا اغنياء فقرر انه يردم جزء من الخليج ويعملوا جزر سياحيه علشان الناس تعيش حياتها وقرر اهداء عدد من هذه الجزر للمشاهير للدعايه لمشروعه و من ضمنها هذه الجزيره اللى تمنها 7 مليون دولار فقط لمايكل شوماخر ....

**aymanemo** · 17-01-2008 10:24 PM

لهم الدنيا ولنا الأخره إن شاء الله

**ahmed** · 17-01-2008 10:31 PM

ده تهريج طبعا صح يعنى قصدى مش قصه حقيقيه ولا ايه بالضبط ....؟

**Ahmed Samy** · 17-01-2008 10:39 PM

يا أخي ما تزعلش
دا مش ترف
ده مشروع سياحي اماراتي
الراجل لاقى السواحل عندهم طولها ضئيل (26 كم)
فقرر يعمل سواحل جديدة و جت فكرة الجزر دي (النخلة و العالم) و لأن التكلفة عالية طبعا لازم يكون المكسب كبير و بالتالي السعر مهول ... طب مييين اللي يقدر يشتري ؟؟
المليارديرات الموجودين في كل حته ... بس ........لااازم تشد انتباههم انك تخلى الجيرة حلوة (اندريه أجاسي-شوماخر-بيل جيتس) ...
أنا عن نفسي لما شوماخر قاللي على الحكاية قولت ماشى يا مايكل نيجي و نشوف
و ماكدبتش خبر على مطار برج العرب و خدت الجيت بتاعت بابا (أصل بتاعتي فى التوكيل في النمسا بيركبولها جناحات ملونة)
المهم و صلت دبى و ريحت في برج العرب يومين ..و مش قادر أقوللك ظريف قد ايه... و الناس متعاونين قوييييييي :)
ما طولش عليك نزلت لمايكل الجزيرة و خدنا لفتين باللنش الفيراري (بس اتفضحنا .. الناس كلها قعدت تشاور و تصور) الله يرحمك يا دودي كان دايما يشتكي من المصورين دول ....
ما طولش عليييك ... الجزيرة مش قد كده أولا مهبط الطيارة نجيلة و انا باحبو كاوتش
ثانيا : قبلى
وثالثا : وهو الأهم انها مطرفة كدة و مش متسنترة جنب الجزر الحلوة اللي فالنص ..
بس فعلا رخيصة و ده اللي خلاني اتغاضى عن العيوب و خليت شومي يديني تليفون مكتب السمسار اللي في النمسا (مشوار واحد اجيب الطيارة و أعدي عليه).
و كلمتوا و قاللي اني ممكن اقسط بس محتاج شهادة مصدر دخل بابى
و انت عارف طبعا بابي بيشتغل في ايه ؟؟؟ اجيبله منين الورقه دي ؟؟؟
اتحلت لما قاللي عايز ضامن , كلمت اونكل الوليد و قلتله يضمني و هيرد عليا بكرة و ربنا يقدم اللي فيه الخير .....