الموضوع: حسبي الله ونعم الوكيل

حسبي الله و نعم الوكيل

.
طريق ميت غمر - الزقازيق
طبعا الطريق شغالين فيه علشان يتعمل حارتين بدل حارة واحدة
وطبعا الطريق ده خطر جدا المشي عليه بالليل لو مش عارفه

الطريق فيه حتت معمولة وحتت مش معمولة
إمبارح عربية ملاكي(ماعرفتش أخد بالي من نوعها) ماشية على الطريق في خط مستقيم
لكن الخط المستقيم ده بيروح لإتجاه المعاكس ..علشان الطريق مش كامل في بعض الحتت
المهم
العربية الملاكي المفروض تاخد شمالها
وطبعا علشان مفيش علامات إرشادية ..العربية-وحسبي الله ونعم الوكيل- راحت طالعة بره الأسفلت ..ودخلت بوشها في صخرة ضخمة
العربية طبعا رااااااحت ..والله أعلم بإلي فيها حصل ليهم إيه
وإمبارح برضو

مطب ضخم مستفحل قبل بلد إسمها النخاس قبل الزقازيق
والمطب من غير علامات إرشادية قبله
معدي إمبارح لقيت عربية أفيـــو واقفة بعد المطب متكومة على الأسفلت ..ومكنتها على الأرض ..والزيت مغرق الطريق
واضح إن صاحبها مش عارف المطب ..وطبعا لعدم وجود اللوحات الإرشادية
الراجل أكل المطب

وقبلها بكا يوم عربية نيسان أكلت المطب ده ..وحصل لها إلي حصل للأفيــــو

وأول لما المطب ده إتعمل ..أنا أكلته ..وغيرت فيها قواعد مكنة وطقم مساعدين
..
وحسبي الله ونعم الوكيل