معقول برنامج يخدم الكفيف ثمنه 1500 $
السلام عليكم
لى صديق كفيف عنده كمبيوتر وبدخل على الانترنت
طبعا اول مره تعرفت عليه كنت مستغرب جدا
ازاى ممكن يجلس على الكمبيوتر ويتصفح الانترنت وهو كفيف
ولما قعدت معاه لقيت ان فى برامج خاصه بتقوم بنطق كل ماهو على الشاشه
والغريب سبحان الله انه عامل النطق على اعلى سرعه يعنى مستحيل افهم اللى بيتقال
لاكنه ماشاء الله عليه بيفهمه
المهم واحنا بنتكلم على برامج الناطق الخاصه بالكفيف لقيته نفسه يجيب برنامج عاملاه شركة صخر
اسمه ابصار بس مشكلته ان البرنامج ارخص نسخة منه ثمنها 1500$
وده طبعا صعب جدا ان حد يشتريه بالثمن ده بالاخص من شريحة الكفيف
حاولت ادور له على البرنامج فى الانترنت لاكنى لم اجد له اثر والسبب ان الشركه عامله للبرنامج حمايه بدنجل صعب جدا كسرها
انا شايف ان شركة صخر بتستغل فاقدى البصر وبالاخص ان اغلبهم طلع شغله بيبقى عن طريق ارسال ايميلات عن طريق الانترنت
لو اى حد يقدر يلاقيلنا حل للبرنامج ده يكون له الاجر والثواب
