برجاء المساعدة...فتيس ألنترا أوتوماتيك 2010

**Na7nology** · 10-04-2010 03:48 AM

السلام عليكم...

يا جماعة انا معايا هيونداى ألنترا 2010 أوتوماتيك أول فئة ...ماشية والحمد لله 15000 كم لغاية دلوقتى.
من يوميين كده كان الهدوء يخيم على المكان (على غيير العادة) وأنا بجيب الفتيس على d عشان أبدأ بالتحرك سمعت صوت زنة خفيفة بيستمر لحوالى 3 ثوانى ويختفى طبعا أنا قلقلت وكررت العملية أكتر من مرة (أنقل من n ل d أو ل r) وللأسف صوت الزنة بيتكرر فى حد عنده فكرة ده يبقى أيه وطبيعى ولا لأ عشان أنا بدأت أقلق خاصة أنى كنت ناوى أنفض لصيانة ال15 وأروح على ال20 على طوول ...أرجو الأفادة ولكم جزييل الشكر

**mohd2** · 10-04-2010 04:40 AM

روح التوكيل واطمن علي الفتيس احسن
لأن الأوتاماتيك غالي

**د.محمود صلاح** · 10-04-2010 09:53 AM

اعتقد عادي .. ويفيدوك ملاك العربية اكثر

**bob12345** · 10-04-2010 12:27 PM

ده الطبيعي

**Na7nology** · 10-04-2010 02:29 PM

بارك الله فيكم يا شباب طمنتونى والله وعامة على التوكيل أن شاء الله أطمن برده فى صيانة ال15...(ولو أنى بحس أن موضوع الصيانات ده زى فرض أتاوة كده)

**eino666** · 10-04-2010 02:43 PM

انا واحد من الناس بعمل صيانتى بايدى وبدماغى
بمعنى بشوف مكتوب ايه فى دفتر الصيانة وبروح مركز خدمة باتعامل معاه من زمان وبقولهم اكشفوا على كذا وكذا وغيروا كذا وكذا زى اللى مكتوب فى الدفتر وبعيد عن التوكيل وقرفه
........................*
محمود عينو

**Tayer** · 10-04-2010 06:40 PM

طيب ممكن تقولنا فين عنوان المركز ده ؟
أصل انا أخويا معاه ألنترا خليجى و لسه مكملش العش ألاف

**eino666** · 11-04-2010 01:20 PM

المشاركة الأصلية كتبت بواسطة tayer

طيب ممكن تقولنا فين عنوان المركز ده ؟
أصل انا أخويا معاه ألنترا خليجى و لسه مكملش العش ألاف

للاسف مركز الخدمة ده عندنا فى اسكندرية وانا شايف ان حضرتك فى 6 اكتوبر يعنى متهيئ لى صعب شوية ان حضرتك تيجى علشان تعمل صيانة فى اسكندرية
لكن انا تحت امرك لو حبيت تييجى هروح معاك
........................
محمود عينو