مساعده من عصابه الأوبل في اختيار فيكترا 1600 و لا 2000

أفيدوني يا عصابه الأوبل
أنا عايز أنضم لعصابتكم و اجيب أوبل فكترا بس محتار
الأول كنت ناوي أجيب ال 1600 اوتوماتيك و بعدين من الكلام اللي قريته هنا في المنتدى عن مشاكل ال 1600 اوتوماتيك و الكنترول يونيت تراجعت عن الفكره دي

دلوقتي ادامي حاجه من الاتنين يا اما
1- 1600 مانيوال موديلات 2001 2002 2003
أو
2- 2000 اوتوماتيك بردو موديل 2001 2002 2003

اللي هما مواتيرهم ايكوتيك

طبعا ال 2000 اوتوماتيك غنيه عن التعريف بكل امكانياتها بس هتبقى مشكلتها معايا في استهلاك البنزين و في ضريبتها و الترخيص

و ال 1600 مانيوال مشكلتها أنها أولا مانيوال مش اوتوماتيك و ثانيا على حسب كلام الناس هنا في المنتدى سحبها مش حلو و كنت عايز أعرف موتورها كام هورس باور
بس هيبقى استهلاكها للبنزين أحسن من ال 2000 و ضريبه و ترخيص أقل بكتير من ال 2000

أنا عامل حسابي على 70 ألف عشان اشتري بيهم العربيه يعني بيتهيألي الميزانيه دي ممكن تجيب أي من العربيتين

أفيدوني بأرائكم يا عصابه الأوبل علما بأن متوسط استهلاكي حوالي 2000 كم في الشهر

خليك 2000 اوتو

ال1600 المكنة السودة 77 حصان حلوة على الطريق سحبها مش بطال بس بعد20 بتبقى تمام
المكنة البيضا 101 حصان مجربتهاش الصراحة
ال2000 مش عارف عنها حاجة من ناحية الهورس باور بس كان فى حد هنا كان بيقول إن إستهلاكها زى الإلنترا الجديدة ال 1600

علشان تستمتع بالاوبل اركب 2000 سي سي ايكوتك اللي هي 137 هورس باور بنزينها ما تقلقش منه لو الموتور مظبوط هيبقي زي استهلاك ال1600 بالضبط (متوسط 200 كم داخلي - 300 كم خارجي ) لان طبعا ال2000 سي سي ضعف عدد الصبابات 2 كامه كمان كل ده بيوفر بنزين اكتر وبيدي قوه اكبر - الضريبه هتبقي في حدود 500 ج في السنه وبتقل كل سنه 50 ج .
ال1600 مشكلتها الوحيده ان الموتور صغير علي وزن العربيه وبيبان ده في الطلعه فقط انما بعد كده العربيه ماشاء الله حلوه وطبعا هتلاقي قطع غيار الموتور ده اقل سعرا من الايكوتك مهو كل ميزه هتلاقي قدامها ضريبه هتدفعها ..نصيحه اخيره اختار العربيه اللي حالتها احسن وبعد كده شوف ربنااختارلك 1600 ولا 2000 سي سي .وربنا يوفقك ..

لو حضرتك بتفكر فى استهلاك البنزين و الضريبة اللى هي 600 جنيه او اكتر شوية يبقى اصرف نظر عن الأوبل لأن العربية دي لو اشتريتها و دي طريقة تفكيرك يبقى هتتعبك و دي نصيحه متزعلش منها .

اقتباس:

---

المشاركة الأصلية كتبت بواسطة rabbat5

لو حضرتك بتفكر فى استهلاك البنزين و الضريبة اللى هي 600 جنيه او اكتر شوية يبقى اصرف نظر عن الأوبل لأن العربية دي لو اشتريتها و دي طريقة تفكيرك يبقى هتتعبك و دي نصيحه متزعلش منها .

---

وجهه نظر برده ..:vctry:

اقتباس:

---

المشاركة الأصلية كتبت بواسطة rabbat5

لو حضرتك بتفكر فى استهلاك البنزين و الضريبة اللى هي 600 جنيه او اكتر شوية يبقى اصرف نظر عن الأوبل لأن العربية دي لو اشتريتها و دي طريقة تفكيرك يبقى هتتعبك و دي نصيحه متزعلش منها .

---

يا ريت توضح قصدك من الكلام

الفكرة بس ان الاوبل فيها اكتر من تكنولوجيا و فئة
بالنسبة للموديلات الى بتتكلم عنها دى كويسة بس لازم تتاكد من حالة العربية خصوصا مواتير الايكوتيك
و حتى ال1600 بتبقى زى الاسد على الطريق و بجد عربية امان و ثبات وراحة مفيش بعد كدة
بس ال 2000 معقدة شوية و فيها سينسورز اكتر فلو انت مش متعود لسة على النوع دة من العربيات بجد حتزهقك لو لاقدر الله فيها حاجة
عموما انا افضل انك تجرب الاتنين الاول لو تقدر عشان تعرف الفرق و ساعتها الى يفضل حالة العربية فى الحالتين و يبقة دة الفيصل
وربنا يوفقك فى الاحسن لك و صلى استخارة قبل اى شى

2000 سى سى اتوماتيك افضل بمراحل

راى 2000 سى سى اتوماتيك طبعا طبعا طبعا
عربية تحفة بكل المقاييس
و هنا فى المنتدى كان احمد مقلد عارض العربية بتاعتة للبيع
و من صورها بسم الله ما شاء الله و ممكن تيجى فى الكلام دة
هى عربية بيتى بمعنى الكلمة
و ربنا يكرمك

شكرا يا شباب على ردودكم

و يا ريت لو حد تاني من العصابه عنده رأي يفيدني بيه

اقتباس:

---

المشاركة الأصلية كتبت بواسطة cayman69300

راى 2000 سى سى اتوماتيك طبعا طبعا طبعا
عربية تحفة بكل المقاييس
و هنا فى المنتدى كان احمد مقلد عارض العربية بتاعتة للبيع
و من صورها بسم الله ما شاء الله و ممكن تيجى فى الكلام دة
هى عربية بيتى بمعنى الكلمة
و ربنا يكرمك

---

و الله العربيه بتاعه الأستاذ أحمد مقلد شكلها حلوه ما شاء الله
بس واضح من كلامه و اعلان البيع اللي هو عامله للعربيه هنا في المنتدى أنه متمسك بسعر 75 الف
و أنا أخر الفلوس اللي معايا 70 ألف
ربنا يوفقه في بيعها و يوفقني اني ألاقي عربيه حلوه

اكيد طبعا 2000 اوتو احسن بمراحل واللي عايز يستمتع بركوبه عربيه لازم يدفع عشان دي عربيه متعه فعلا.